,
2024 წლის აპრილში ქვეყანაში შემოსული ფულადი გზავნილების ნაკადების მოცულობამ 278.5 მლნ აშშ დოლარი შეადგინა, რაც 2023 წლის აპრილის ანალოგიურ მაჩვენებელზე 24.8%-ით (91.8 მლნ აშშ დოლარით) ნაკლებია.
ეროვნული ბანკის მიერ გამოქვეყნებული სტატისტიკის თანახმად, გზავნილების შემცირება რუსეთის ფედერაციიდან გადმორიცხვების 69%-იან კლებას უკავშირდება, რაც რუსეთის ფედერაციიდან მიგრანტების გადმორიცხვების კლებას წარმოადგენს. სანაცვლოდ კი გაზრდილია გზავნილები იმ ქვეყნებიდან, საიდანაც გადმორიცხვების წყაროს წარმოადგენენ თავად საქართველოდან სამუშაოდ ემიგრირებული მოქალაქეები. აშშ-დან გზავნილებმა აპრილში 35%-ით იმატა, იტალიიდან 12%-ით, საბერძნეთიდან 7%-ით, გერმანიიდან კი 15%-ით გაიზარდა.
ქვეყანა |
ჩარიცხული მოცულობა(მლნ. აშშ დოლარი) |
ჩარიცხული მოცულობის წლიური ზრდის ტემპი |
| რუსეთის ფედერაცია | 49 | -69% |
| აშშ | 46 | 35% |
| იტალია | 46 | 12% |
| საბერძნეთი | 22 | 7% |
| გერმანია | 21 | 15% |
| ისრაელი | 20 | 17% |
| ყაზახეთი | 12 | -38% |
| თურქეთი | 8 | -12% |
| ესპანეთი | 6 | 9% |
| ყირგიზეთი | 6 | 61% |
| ირლანდია | 5 | 43% |
| საფრანგეთი | 5 | 13% |
| აზერბაიჯანი | 4 | -22% |
| გაერთიანებული სამეფო | 3 | -5% |
| პოლონეთი | 3 | 21% |
| კანადა | 2.1 | 8% |
| კვიპროსი | 1.8 | 11% |
| არაბთა გაერთიანებული საამიროები | 1.8 | 27% |
| ნიდერლანდები | 1.4 | 4% |
| იორდანია | 1.2 | 357% |
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
