USD 2.7484
EUR 2.8998
RUB 2.7361
თბილისი
ანო ოზაშვილი-ამერიკაში მცხოვრები უძრავი ქონების აგენტი
თარიღი:  596
ნიუ იორკში პირველად 2014 წელს ჩამოვედი. თბილისში კერძო სკოლა “მთიები” დავამთავრე და ჩავაბარე ქართულ-ამერიკული უნივერსიტეტის სამართლის სკოლაში. ამის შემდეგ ჩემი პროფესიით გავიარე სტაჟირება და ვიმუშავე სხვადასხვა კერძო სტრუქტურაში.
2016 წელს დავიწყე მუშაობა ნიუ-ჯერსის ერთ-ერთ ბანკში, რომელიც უძრავი ქონების შესასყიდად გასცემს სესხებს. სესხის ოფიცრები და ბროკერები ამ სფეროში მჭიდრო პარტნიორები არიან, რადგან ორივე მხარე სახლის შეძენის პროცესში ეხმარება კლიენტს. ამიტომ ოფისში ხშირად გვსტუმრობდნენ იმ დროისათვის უკვე ძალიან წარმატებული და გამოცდილი ბროკერები. ვისმენდი საინტერესო და სახალისო ისტორიებს, რაც თან ახლავს ამ პროფესიას. მიუხედავად იმისა, რომ სტრესულ სიტუაციებთან უწევდათ გამკლავება ყოველდღიურად, ყველა ერთხმად აღნიშნავდა, რომ მათი საქმიანობა დიდ სიამოვნებას ანიჭებდათ და არცერთ სხვა პროფესიაში არ გაცვლიდნენ. სწორედ ამ პერიოდში დავიწყე კურსებზე სიარული, რათა ამეღო ლიცენზია და შევუერთდი ერთ-ერთ ცნობილ საბროკერო კომპანიას. ნიუ იორკის რეალ ისტეიტის სპეციფიკა არამარტო სხვა ქვეყნებისგან, არამედ სხვა შტატებისგანაც ძალიან განსხვავდება.
მიუხედავად იმისა, რომ ნიუ იორკში სახლის შესაძენად კლიენტები რეკორდულ ფასებს იხდიან, მოთხოვნა მაინც არასდროს იკლებს და ამიტომაც, ნიუ იორკის მარკეტი ყველაზე სტაბილურად ითვლება. ინვესტორებისთვის აქ უძრავი ქონების შეძენა შორეულ პერსპექტივაში გარანტირებულ ფინანსურ მოგებასთან ასოცირდება . სხვადასხვა პოლიტიკური თუ ფინანსური მოვლენები, მაგალითად არჩევნები, ინფლაცია, სესხებზე პროცენტის ზრდა, გარკვეულ ზიანს აყენებს ამ სფეროსაც, მაგრამ ნიუ იორკში, ამ ქალაქის მნიშვნელობიდან გამომდინარე, უძრავ ქონებაზე ფასები მნიშვნელოვნად არასდროს ეცემა.
ამ ბიზნესში წარმატებას რომ მიაღწიო, საჭიროა იყო კომუნიკაბელური, შრომისმოყვარე და გქონდეს დისციპლინა. უნდა გიყვარდეს ადამიანებთან ურთიერთობა და მათი დახმარება. მნიშვნელოვანია მოთმინების და სტრესთან გამკლავების უნარი. ტრანზაქციის შესრულება ხშირ შემთხვევაში 2-3 თვე გრძელდება და მთელი ამ ხნის განმავლობაში ბეწვის ხიდზე გადიხარ. ნებისმიერ ეტაპზე შეიძლება ისეთი პრობლემა წარმოიშვას, რომ გამოსავლის მოძებნა შეუძლებლად მოგეჩვენოს და ასეთი “Deal breaker” შემიძლია უსასრულოდ ჩამოვთვალო. რაც მთავარია, “Multi-tasking” უნდა შეგეძლოს. ცოტა სასაცილოდ ჟღერს, მაგრამ მე ხშირად მიწევს კლიენტისთვის სახლის ჩვენების პარალელურად მეილების გაგზავნა და საათზე ყურება, რადგან, როგორც წესი, მომდევნო შეხვედრაზე მეჩქარება.
ლიცენზიის აღება განსაკუთრებულ ფინანსებთან და დროსთან არ არის დაკავშირებული. სკოლების დიდი არჩევანია და ალბათ შენთვის მოსახერხებელი ლოკაციიდან გამომდინარე უნდა შეარჩიო, სადაც 77 საათიან კურსს გაივლი და შემდეგ ორ გამოცდას, სკოლის და შტატის დონეზე აბარებ. შემდეგ ყოველ 2 წელიწადში საჭიროა ამ ლიცენზიის განახლება. ნიუ იორკის ლიცენზიით სხვა შტატში ვერ იმუშავებ, თუმცა შესაძლებელია, ერთდროულად რამდენიმე შტატში იყო ლიცენზირებული და აწარმოო საქმიანობა.
ემიგრანტებისთვის, პირველ რიგში, ენის სრულყოფილად ცოდნაა საჭირო. ნიუ იორკელებს მოსწონთ აქცენტი და ხშირად კომპლიმენტსაც გეუბნებიან, თუმცა უნდა გახსოვდეს, რომ მათთვის ინფორმაციის პირველწყარო ხარ და შეიძლება მინიმალური დეტალი, რომელიც მე უმნიშვნელოდ მომეჩვენოს, მათთვის გადამწყვეტი აღმოჩნდეს. ამიტომ უნდა შეგეძლოს დიალოგის იდეალურად წარმართვა. ასევე მზად უნდა იყო იმისთვის, რომ მუშაობა მოგიწევს კვირაში შვიდი დღე, სხვანაირად წარმატების მიღწევა შეუძლებელია. ამის გამო ბევრ რამეზე მიწევს უარის თქმა. წარმოუდგენლად დიდი კონკურენციის ფონზე ერთ-ერთი მნიშვნელოვანი, რაც შეიძლება კლიენტს შესთავაზო, არის ის, რომ მუდმივად გეცალოს და მზად იყო მათთან სასაუბროდ, აჩვენო სახლი მათთვის მოსახერხებელ დროს, დაეხმარო საჭირო დოკუმენტების მოძიებაში და ასე შემდეგ… ამას შენ თუ არა, სხვა ბროკერი გააკეთებს.
კლიენტებთან ურთიერთობა ჩემი საქმიანობის მთავარი ხიბლია. ეს ადამიანები თავისი ცხოვრების ერთ-ერთ უმნიშვნელოვანეს გადაწყვეტილებას იღებენ და ამ პროცესში ნდობას გიცხადებენ. ჩემი ტრანზაქციების უმრავლესობაში გამყიდველის მხარეს წარმოვადგენ და ძალიან სასიამოვნოა, როდესაც მათთვის სასურველ ფასად ვყიდი სახლს. დროთა განმავლობაში მეგობრული ურთიერთობაც ყალიბდება და მათი რეკომენდაციით ახალ კლიენტებსაც ვიძენ. ყველაზე პრობლემატური კლიენტიც საბოლოო ჯამში გიფასებს შრომას, რადგან ხედავს, რამხელა ძალისხმევის გაღება გჭირდება შედეგის მისაღწევად. ბროკერის ანაზღაურება გასაყიდი სახლის ღირებულებაზეა დამოკიდებული, თუმცა ჩემი საქმიანობის მანძილზე ყველაზე იაფფასიანმა სახლმა, რომელიც რთულად გასაყიდი აღმოჩნდა, სხვადასხვა მიზეზის გამო, ჩემგან ყველაზე დიდი შრომა და ენერგია მოითხოვა. ამით იმის თქმა მინდა, რომ ყველა კლიენტი თანაბრად მნიშვნელოვანია.
ვინც ამ ბიზნესს ახლა იწყებს, აუცილებლად ვურჩევდი გამოცდილ და წარმატებულ ბროკერთან დაეწყოთ მუშაობა, ვისგანაც ბევრს ისწავლიან. ბევრი აქ მცხოვრები ქართველი მიკავშირდება, ვინც ახლახანს აიღო ლიცენზია ან მომავალში აპირებს და აზრს მეკითხება. მეც ყველას ამ რჩევას ვაძლევ. გამოცდის ჩაბარება მხოლოდ პირველი ნაბიჯია, რეალურად მზად არ ხარ რომ ამ სფეროში დამოუკიდებლად იმუშაო.
ამ საქმეში წარმატების გაზომვა ციფრებით შესაძლებელია. სხვადასხვა ონლაინ პლატფორმები, რომლებსაც ლიცენზირებული ბროკერები უძრავი ქონების მარკეტინგისთვის იყენებენ, მათი ერთგვარი სავიზიტო ბარათია. კლიენტი ვიდრე შენთან თანამშრომლობას გადაწყვეტს, ამ საიტებზე ამოწმებს შენს პროფილს, სადაც ხედავს როდის შეასრულე ბოლო ტრანზაქცია, რამდენად ხშირად ყიდი სახლს მის უბანში ან მის საცხოვრებელ კომპლექსში. ჩემი და ალბათ ყველა უძრავი ქონების აგენტის მიზანი — რეიტინგების სათავეში მოხვედრა და იმ შედეგების გაუმჯობესებაა, რაც გასულ წელს მქონდა. თუ ეს ასე მოხდა, იმ წელს წარმატებულად ვთვლი.
ნიუ იორკი ძალიან კომპლექსური ქალაქია. ერთ-ერთი პირველი, რაც ბროკერმა უნდა გააკეთოს როდესაც ამ სფეროში გადაწყვეტს საქმიანობას, სამიზნე ჯგუფის არჩევაა. ჩემი სპეციფიკა მანჰეტენის რეალ ისტეიტია სხვადასხვა მიზეზის გამო. პირველ რიგში, კარგად ვიცნობ აქაურობას და როდესაც ბევრი პოზიტიური ინფორმაციის მიწოდება შემიძლია კლიენტისთვის კონკრეტულ სახლზე, უბანსა და საცხოვრებელ კომპლექსზე, მათი დაინტერესებაც მარტივად გამომდის. გარდა ამისა, უძრავ ქონებას მანჰეტენზე გაცილებით მაღალი ფასი აქვს, ვიდრე ბრუკლინსა და ქუინსში. აქ გაყიდული ერთი პენტჰაუსი შასაძლოა ფინანსურად იმაზე მომგებიანი იყოს, ვიდრე ნებისმიერ სხვა ქალაქში მთელი წლის განმავლობაში გაყიდული უძრავი ქონება ერთად აღებული.
ამ ბიზნესში უფრო მომგებიანი და რეალისტური ხანმოკლე მიზნების დასახვაა. ყოველ კვირეული და თუნდაც ყოველ დღიური. დღის განმავლობაში მიღწეულ პატარა წარმატებას ან კონკრეტული შედეგის დადებას საბოლოო ჯამში დიდ მიზნამდე მივყავარ, რაც ნიუ იორკის ტოპ ბროკერების სიაში მოხვედრაა. ამ სფეროში ყოველი დღე ერთმანეთისგან რადიკალურად განსხვავდება და მოულოდნელობებითაა აღსავსე. ეს ჩემს საქმიანობას უფრო საინტერესოს ხდის და დაღლილობას მხოლოდ დღის ბოლოს სახლში მისვლისას ვგრძნობ.
იმედგაცრუებას დამწყები აგენტების სრული უმრავლესობა განიცდის. საბოლოოდ იმარჯვებს ის, ვინც არ ნებდება და საკუთარი თავის რწმენას ინარჩუნებს. ვისმენ ისტორიებს ამერიკის ყველაზე წარმატებული ბროკერების,თუ როგორ გაუჭირდათ პირველი კლიენტის მოძიება, როგორ დაასრულეს პირველი წელი სეილის გარეშე და აპირებდნენ სხვა სამსახურის ძიებას, თუმცა ისინი დღეს წელიწადში მილიარდი დოლარის უძრავ ქონებას ყიდიან და თავბრუდამხვევი კარიერა აქვთ. ამ ქალაქს ერთი საოცრება ახასიათებს: საკუთარ თავში აღმოგაჩენინოთ ისეთი თვისებები, რისი არსებობის შესახებ თავადაც არ იცოდით და თუ ამ თვისებებს სწორად გამოიყენებთ, აუცილებლად დაჯილდოვდებით!
ანალიტიკა
«Lauterbacher Anzeiger» (გერმანია): „საქართველო პუტინის ორბიტაზე გადადის: უშვებს თუ არა „შეცდომას“ ევროკავშირი?“

გერმანული გაზეთი „ლაუთერბახერ ანცეიგერი“ (Lauterbacher Anzeiger - იბეჭდება ჰესენის მხარეში) აქვეყნებს სტატიას სათაურით „საქართველო პუტინის ორბიტაზე გადადის: უშვებს თუ არა „შეცდომას“ ევროკავშირი?“ (ავტორი - ფლორიან ნაუმანი).

გთავაზობთ პუბლიკაციას შემოკლებით:

საქართველოში ჩატარებული არჩევნებიდან სამ კვირაზე მეტი გავიდა, მაგრამ ევროკავშირს ჯერ კიდევ არ აქვს გამოხატული მკაფიო პოზიცია და ამ ეტაპზე მხოლოდ განმარტებებს ითხოვს. ბრიუსელს ამისათვის საკმაო მიზეზები აქვ: არცევნებში რატომღაც მოულოდნელად გაიმარჯვა სულ უფრო ავტორიტარმა და პრორუსულად განწყობილმა პარტიამ „ქართულმა ოცნებამ“, რაც ბევრ კითხვას იწვევს. ოქტომბრის ბოლოდან ოპოზიცია არჩევნების დროს მომხდარი დარღვევების ფაქტებს აგროვებს, მაგრამ მნიშვნელოვანი კანონდარღვევების რაოდენობა, როგორც ჩანს, საკმარისი არ არის.

დებატები ევროპარლამენტში: საით მიდის საქართველო?

ამ კვირაში ევროპის პარლამენტში მიმდინარე დებატების დროს ორი მომენტი აშკარად გამოიკვეთა: პარლამენტართა ერთმა ნაწილმა ევროკავშირი ორმაგი პოლიტიკის გატარებაში  და არჩევნების შედეგების მხოლოდ პოლიტიკური ნიშნით შეფასებაში დაადანაშაულა, ხოლო მეორე ნაწილმა საქართველოს მთავრობის მიმართ უფრო ხისტი ზემოქმედება მოითხოვა. გადაწყვეტილება (ალბათ, სიმბოლური მნიშვნელობის მქონე) ჯერ მიღებული არ არის.

საბოლოო ჯამში, როგორც ჩანს, ამჟამად საკითხის აქტუალობა იმაშია, გადავა თუ არა  საქართველო რუსეთის ორბიტაზე და გახდება თუ არა მისი თანამგზავრი - მიუხედავად იმისა, რომ მოსახლეობას ევროპული ორიენტაცია აქვს. ასევე მნიშვნელოვანია დადგინდეს - იყო თუ არა არჩევნები დემოკრატიული და სამართლიანი.

გერმანიის „მწვანეთა“ პარტიის წარმომადგენელი სერგეი ლაგოდინსკი და ესტონელი სოციალ-დემოკრატი მარინა კალიურანდი ჯერ კიდევ არ არიან დარწმუნებულები იმაში, რომ საქართველოში არჩევნები გაყალბდა. ყოველ შემთხვევაში, ისინი დამადასტურებელ ფაქტებს ვერ ხედავენ. ორივე პოლიტიკოსი ევროპარლამენტის დელეგაციის - „ევრონესტის“ წევრები არიან, რომელთა მოვალებაშია ურთიერთობა და აზრთა გაცვლა-გამოცვლა ჰქონდეთ ისეთ ქვეყნებთან, როგორებიცაა საქართველო, მოლდოვა, უკრაინა და სომხეთი. სერგეი ლაგოდინსკი, თავის მხრივ, „ევრონესტის“ თავმჯდომარეა.

თბილისი მოსკოვსა და ბრიუსელს შორის

„საქართველო და მოლდოვა ჭადრაკის ფიგურები არ არიან, რომ ჩვენ ისინი დაფაზე გადავაადგილოთ. ისინი სახელმწიფოებს წარმოადგენენ და მათ თავიანთი მომავალი აქვთ“, - ამბობს სერგეი ლაგოდინსკი, რომელსაც მხედველობაში აქვს ორივე ქვეყანაში ჩატარებული არჩევნები. თუმცა იგი ყურადღება ასევე ამახვილებს სავარაუდო გაყალბებაზეც და აღნიშნავს, რომ არსებობს არგუმენტები განმეორებითი არჩევნების ჩასატარებლად.

 „პირადად ჩემთვის საკითხი ასე გამოიხატება: რა უნდა ვუქნათ იმ პარტიას, რომელიც ანტიკონსტიტუციურ პოლიტიკას ატარებს? საქართველოს ძირითად კანონში ჩაწერილია, რომ ქვეყნის მიზანს ევროკავშირთან ინტეგრაცია წარმოადგენს“, - აცხადებს სერგეი ლაგოდინსკი. მმართველი პარტია „ქართული ოცნება“ სიტყვით ოფიციალურად ადასტურებს, რომ მისი მიზანი 2030 წლისათვის ევროკავშირში გაწევრიანებაა, მაგრამ საქმით მთავრობამ უკვე დიდი ხნის გადაუხვია ევროკავშირისაკენ მიმავალი გზიდან, როცა პრორუსული კანონები მიიღო, ბრიუსელის გაფრთხილებისა და საპროტესტო აქციების მიუხედავად. „ვფიქრობ, მართლაც გონივრული იქნებოდა არჩევნების განმეორებით ჩატარება - უბრალოდ, საზოგადოება რომ სიმართლეში დარწმუნდეს“, - ამბობს სერგეი ლაგოდინსკი, - ნებისმიერ შემთხვევაში, თუ დამტკიცდება, რომ მანიპულაციები მართლაც მოხდა, ახალი არჩევნების ჩატარება აუცილებელია, თანაც საერთაშორისო კონტროლით“.

მარინა კალიურანდსაც ასეთივე თავალსაზრისი აქვს: „უნდა დაველოდოთ განმარტებებს [და სასამართლოს გადაწყვეტილებებს], სპეკულირება არ უნდა მოხდეს... მაგრამ თუ დამტკიცდება, რომ არჩევნები იმაზე უარესად ჩატარდა, როგორც ამას ეუთოს დამკვირვებლები აღწერენ, მაშინ ჩვენ მკაფიო რეაგირება უნდა მოვახდინოთ“. აღსანიშნავია, რომ ეუთოს მისიამ დაგმო ცალკეული დარღვევები, მიუთითა მთავრობისა და ოპოზიციის არათანაბარ პირობებზე, მაგრამ არჩევნებში მასშტაბური ფალსიფიცირება არ დაუფიქსირებია.

„ეუთოს მისიამ 2020 წლის არჩევნებიც დაახასიათა როგორც კონკურენტული და კარგად ორგანიზებული“, - ამბობს მარინა კალიურანდი, რომელიც ადრე ესტონეთის საგარეო საქმეთა მინისტრი იყო, მანამდე კი ესტონეთის ელჩი რუსეთში, - „თუმცა ასეთი დახასიათება დემოკრატიული ქვეყნისათვის საკმარისი არ არის. ჩვენ ყველას გვსურს, რომ არჩევნები გამჭვირვალე და პატიოსნად ჩატარდეს“. მისი თქმით, საქართველოსთვის კანდიდატის სტატუსის გაუქმება ლოგიკური იქნება, თუ ქვეყანა თამაშის წესებს არ დაიცავს.

განხეთქილება ევროპარლამენტის მემარჯვენეთა ბანაკში

სერგეი ლაგოდინსკის თქმით, საქართველოს ახალგაზრდა იურისთა ასოციაცია თვლის, რომ არჩევნებში მრავალი დარღვევა მოხდა. „თუ გავითვალისწინებთ იმას, რომ ასოციაციის წევრები ობიექტურად აფქსირებდნენ დარღვევებს მიხეილ სააკაშვილის მმართველობის დროსაც, მაშინ მათი პოზიცია პოლიტიკურად მიუკერძოებლად  უნდა ჩაითვალოს. ეს სერიოზული არგუმენტია“, - ამბობს მწვანეთა პარტიის წარმომადგენელი.

დღემდე ევროკავშირს თავისი მტკიცე პოზიცია დაფიქსირებული არ აქვს. „ალბათ, ეს იმას უკავშირდება, რომ ჯერ-ჯერობით მოსმენები კომისიებში ისევ მიმდინარეობს... საბოლოო ჯამში გადაწყვეტილების მიღება ევროკავშირის წევრი ქვეყნების ნებაზეა დამოკიდებული. ამჟამად რაიმე კონფრონტაცია არ შეიმჩნევა“, - აცხადებს სერგეი ლაგოდინსკი.

ევროპარლამენტში 13 ნოემბერს დებატების დროს აზრდტა სხვადასხვაობა დაფიქსირდა აღმოსავლეთევროპელ მემარჯვენეთა შორის. უნგრელი პოლიტიკოსის ანდრაშ ლასლოს აზრით, საქართველოს მთავრობა ევროკავშირის კურსის ერთგულია და რომ არჩევნების შედეგები ევროკავშირმა უნდა აღიაროს. პოლონელმა მალგოჟატა ჰოსევსკამ ყოფილი მმართველი პარტიიდან „კანონი და სამართლიანობა“, პირიქით, განაცხადა, რომ „საქართველოს ხელისუფლებაში არის პიროვნება, რომელსაც [რუსეთთან] გაურკვეველი კავშირები აქვს“ (იგულისხმება ბიძინა ივანიშვილი). პოლონელმა დეპუტატმა ევროკავშირს მოუწოდა, რომ „საქართველოს მმართველი რეჟიმის ირგვლივ სანიტარული კორდონი უნდა შეიქმნას“.

წყარო: https://www.lauterbacher-anzeiger.de/politik/georgien-rueckt-in-putins-umlaufbahn-begehen-die-eu-einen-error-zr-93415845.html

 

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.