გერმანიის კანცლერმა ანგელა მერკელმა „ქრისტიან-დემოკრატიული კავშირის“ თავმჯდომარეს არმინ ლაშეტს ქვეყნის მომავალი კანცლერი უწოდა. წინასაარჩევნო ღონისძიება ბერლინში გაიმართა, სადაც სიტყვით გამოსვლისას მერკელმა მაღალი შეფასება მისცა ლაშეტს.
„ის პირველ რიგში ყურადღებას ანიჭებს ადამიანის ღირსებებს, მათ შორის აგებს ხიდებს. ზუსტად ეს თვისება განსაზღვრავს და აყალიბებს მის საქმიანობას როგორც ბუნდესტაგში, ისე ევროპარლამენტში, მინისტრის ან ჩრდილოეთ რეინ ვესტფალიის ხელმძღვანელის თანამდებობებზე. მისთვის ყოველთვის მნიშვნელოვანი იყო პიროვნების და მისი ხელშეუხებელი ღირსების ყველაფრის ცენტრში დაყენება. მე ღრმად ვარ დარწმუნებული, რომ სწორედ ამ დამოკიდებულებით ის გერმანიის ხალხს კანცლერის რანგში ემსახურება. ჩვენ ვმუშაობთ ჩვენი ქვეყნისთვის არმინ ლაშეტთან - გერმანიის მომავალ კანცლერთან ერთად“, - აღნიშნა მერკელმა.
„ქრისტიან-დემოკრატიული კავშირის“ საბჭომ კანცლერის თანამდებობაზე პარტიის ლიდერის, არმინ ლაშეტის კანდიდატურის წარდგენას მხარი რამდენიმე დღის წინ დაუჭირა. გერმანელები ახალ პარლამენტს მიმდინარე წლის 26 სექტემბერს აირჩევენ, რის საფუძველზეც ახალი მთავრობა შეიქმნება და ახალი კანცლერი დაინიშნება. ანგელა მერკელმა განაცხადა, რომ არჩევნების შემდეგ პოლიტიკიდან წავა.