,
გერმანიის კანცლერის, ანგელა მერკელის განცხადებით, გერმანიასა და სხვა მდიდარ ქვეყნებს შესაძლოა ფულის გარდა ვაქცინების საკუთარი მარაგის გადაცემა დასჭირდეს განვითარებადი ქვეყნებისთვის, რადგან მხოლოდ მთლიანი მსოფლიოს ვაქცინაციით დასრულდება კორონავირუსის პანდემია. ამის შესახებ კანცლერმა „დიდი შვიდიანის“ ონლაინ შეხვედრაზე სიტყვით გამოსვლის შემდეგ ჟურნალისტებს განუცხადა.
„მე ჩემს გამოსვლაში განვაცხადე, რომ პანდემია არ დასრულდება, ვიდრე მსოფლიოში ყველა ადამიანი არ აიცრება“, - განაცხადა მერკელმა.
მერკელის თქმით, შეხვედრაზე არ განხილულა ღარიბი ქვეყნებისთვის გადასაცემი ვაქცინების მარაგების კონკრეტული პროცენტები და ვადები.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
