,
სამშენებლო-დეველოპერული კომპანია „ალიანს ჯგუფი“ ქობულეთში 112 მლნ დოლარის ღირებულების საინვესტიციო პროექტს აანონსებს. კომპანიის ვებგვერდზე გამოქვეყნებული ინფორმაციით, ახალი პროექტი „ალიანს რენესანსი“ საპორტულ-გამაჯანსაღებელი კომპლექსია, რომელიც სპორტულს, გამაჯანსაღებელსა და საინვესტიციო მიმართულებებს გააერთიანებს.
“ალიანს რენესანსი” რეგიონის პირველი, სპორტულ-გამაჯანსაღებელი პროექტია, რომელიც აჭარის კლიმატურ-ბალნეოლოგიურ კურორტ ქობულეთში, სანაპიროს პირველ ზოლში, ზღვიდან 30 მეტრში მდებარეობს.
კომპლექსი საერთო პოდიუმით აკავშირებს A, B, და C თაუერებს, ისევე როგორც დამოუკიდებელ, 14-სართულიან, საერთაშორისო ბრენდის სპორტულ-გამაჯანსაღებელ ცენტრსა და მის უნიკალურ, 15 სახეობის თერაპიული პროცედურების სივრცეს, რითაც აერთიანებს 3 ძირითად ფუნქციურ მიმართულებას, როგორიცაა: სპორტული, გამაჯანსაღებელი და საინვესტიციო“, - ნათქვამია ვებგვერდზე გამოქვეყნებულ ინფორმაციაში.
პროექტის განხორციელების ვადებსა და სხვა დეტალების გარკვევას BM.GE პროექტის განმახორციელებელ კომპანია „ალინს ჯგუფთან“ შეეცდება. 
დასავლეთ ინდონეზიაში მატარებლების შეჯახების შედეგად სულ მცირე 14 ადამიანი დაიღუპა, ხოლო კიდევ 84 დაშავდა, - ინფორმაციას Sky News-ი ავრცელებს.
გამოცემის ცნობით, სამგზავრო მატარებლისა და შორ მანძილზე მოძრავი სამგზავრო მატარებლის შეჯახება ბეკასიში მოხდა, რომელიც ქვეყნის დედაქალაქისა და მსოფლიოში ყველაზე მჭიდროდ დასახლებული ქალაქის, ჯაკარტას აღმოსავლეთით მდებარეობს.
ქვეყნის სამძებრო-სამაშველო სააგენტოს ხელმძღვანელმა, მოჰამედ სიაფიიმ, პრესკონფერენციაზე განაცხადა, რომ სამაშველო ოპერაცია გრძელდება და რომ დამტვრეული ვაგონებიდან გადარჩენილების გამოყვანა დელიკატური პროცესია.
