,
ბელარუსის პრეზიდენტი ალექსანდრე ლუკაშენკო აცხადებს, რომ ის არ გაგზავნის ბელარუსის მოქალაქეებს უცხო ქვეყნის ტერიტორიებზე საბრძოლველად.
„მე არასოდეს მითქვამს და არც ვიტყვი, რომ გავაგზავნი ბელარუსის მოქალაქეებს უცხო ქვეყნის ტერიტორიაზე, რომელიმე ერის წინააღმდეგ საბრძოლველად. თქვენ ახსენეთ უკრაინა, ღმერთმა დამიფაროს, ამ ხალხის წინააღმდეგ ვიბრძოლო,“- აღნიშნა ლუკაშენკომ.
მისი თქმით, ომი მხოლოდ ორ შემთხვევაშია შესაძლებელი, თუკი ბელარუსს ან რუსეთს პირდაპირ თავს დაესხმებიან.
"ომი იქნება თუ არა? დიახ, იქნება, მაგრამ მხოლოდ ორ შემთხვევაში: თუ ბელარუსის წინააღმდეგ განხორციელდება პირდაპირი აგრესია", - განაცხადა ლუკაშენკომ მოსახლეობისადმი მიმართვისას.
მისივე თქმით, ბელარუსზე თავდასხმის შემთხვევაში ასი ათასობით რუსი ჯარისკაცი მათთან ერთად იბრძოლებს.
„თუ ბელარუსის წინააღმდეგ აგრესია იქნება, ასობით ათასი რუსი ჯარისკაცი იქნება აქ, რომელიც ასობით ათას ბელარუსელთან ერთად დაიცავს ამ მიწას“, - განაცხადა ლუკაშენკომ.
მისი თქმით, ომი დაიწყება იმ შემთხვევაშიც, თუ ბელარუსის მოკავშირე რუსეთს პირდაპირ დაესხმებიან თავს.
"მეორე მომენტი, როცა ომი იქნება და ბელარუსი მასში მონაწილეობას მიიღებს, თუ ჩვენს მოკავშირეს რუსეთის ფედერაციას პირდაპირ დაესხნენ თავს, იგივე აგრესია განხორციელდება ჩვენი მოკავშირის, რუსეთის ფედერაციის წინააღმდეგ", - აღნიშნა ლუკაშენკომ.
ამასთან, ბელარუსის პრეზიდენტმა ხაზი გაუსვა, რომ კონფლიქტის შემთხვევაში გამარჯვებული არავინ იქნება. „ყველა ყველაფერს წააგებს“, - აღნიშნა ლუკაშენკომ.
სხვადასხვა სამუშაოების ჩატარების გამო 19 სექტებერს ელექტრომომარაგება დროებით შეიზღუდება
კრწანისის რაიონი
გადაუდებელი სამუშაოების გამო 06:00 საათიდან 08:00 საათამდე შეზღუდვა შეეხება: სოფელი ტაბახმელას, სოფელი წავკისის, სოფელი შინდისის და სოფელი კოჯრის მოსახლეობას.
საბურთალოს რაიონი
ქსელში გადართვების გამო 01:00 საათიდან 04:00 საათამდე შეზღუდვა შეეხება: გიორგი სააკაძის დაღმართის, 26 მაისის მოედნის, პეკინის გამზირის, იყალთოს, ხვიჩიას, კოსტავას, არჩილ სულაკაურის, სულხან ცინცაძის, ბახტრიონის, ვახტანგ ჭაბუკიანის, იოსებიძის, საბურთალოს და მიროტაძის ქუჩების მოსახლეობას.
გადაუდებელი სამუშაოების გამო 10:00 საათიდან 11:00 საათამდე შეზღუდვა შეეხება: ნუცუბიძის პლატოს II, III, IV, V მიკრორაიონების, ქანთარიას, ჟღენტის, გაბუნიების და ინტენსიფიკაციის ქუჩების მოსახლეობას.
გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: აბაშიძე-ორბელიანის და ვეფხისტყაოსნის ქუჩების მოსახლეობას.
გლდანის რაიონი
გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: გლდანის მასივის I, II, III, IV, VII მიკრორაიონების, ლაზოს, სარაჯიშვილის, შუშინის, ტაძრის, ილორის, ილია ვეკუას, წყალსადენის, გელა ჭედიას, ფორე მოსულიშვილის, მონასტრის, იპოლიტოვ-ივანოვის, ჭელიძის, შეშელიძის, ხიზანიშვილის და კუფტინის ქუჩების მოსახლეობას.
ისნის რაიონი
გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: ვაზისუბნის II მიკრორაიონის (ნაწილობრივ) მოსახლეობას.
ნაძალადევის რაიონი
გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: გურამიშვილის გამზირის (ნაწილობრივ), ცოტნე დადიანის, ჟველაურის, იფნევის, ბოგვის, ქვიშხეთის, ხევისუბნის, დვირის, ჟინვალის, ზვარეთის, კვერნაულის, ლიახვის, ჭოპორტის, ერწოს, არალეთის, ედისის, გუდამაყრის, ბუაჩიძის და თიანეთის ქუჩების მოსახლეობას.
