ალექსანდრე კორძაია-ამერიკაში მცხოვრები დირიჟორი

ალექსანდრე კორძაია-ამერიკაში მცხოვრები დირიჟორი

თარიღი: 522

მუსიკალურ ოჯახში გავიზარდე. მშვენიერი ბავშვობა მქონდა, დედა და ბებია ფორტეპიანოზე ძალიან კარგად უკრავდნენ. მუსიკა და ხელოვნება ჩვენი ცხოვრების დიდი ნაწილი იყო. ფორტეპიანოზე დაკვრა 4-5 წლის ასაკში დავიწყე, სხვა გზა არ მქონდა.

თბილისის სახელმწიფო კონსერვატორიაში საოცარი წლები გავატარე. 90-იან წლებში კი, მანესის მუსიკალური სკოლიდან მივიღე მოწვევა და ნიუ-იორკში ჩამოვედი სასწავლებლად. მოგვიანებით გადავედი ჯულიარდის მუსიკალურ სკოლაში, ბოლოს მაგისტრატურა შენანდოას კონსერვატორიაში დირიჟორობის განხრით დავამთავრე. გარშემორტყმული ვიყავი მუსიკით და შესანიშნავი ხალხით, რომლებიც მამხნევებდნენ და მეხმარებოდნენ, რომ გამეგრძელებინა ის, რაც ყველაზე მეტად მიყვარდა. განსაკუთრებით დამეხმარა ბონდო კეკელია, რომელმაც თავისი სახლი გაგვიხსნა საცხოვრებლად ქართველ ახალგაზრდებს . ბონდოს დახმარების გარეშე შეუძლებელი იქნებოდა ნიუ-იორკში დარჩენა. ძალიან მადლობელი ვარ მისი, სიკეთისა და დახმარებისთვის.

ყოველდღე საათობით სწავლა, ფორტეპიანოზე დაკვრა, ვარჯიში და შრომა მიწევდა. მახსოვს, ერთ ღამეს მივდიოდი ნიუ-იორკში, კოლეჯ პოინტის რაიონში და ვფიქრობდი, როგორ, როგორ არის შესაძლებელი ჩემს სიტუაციაში მუსიკის შესრულება კარნეგი ჰოლში? იმ დროს ეს შეუძლებელი ჩანდა, თუმცა ბევრად მოგვიანებით მომიწია იქ დაკვრა.

კლასიკური მუსიკა ისე მიყვარდა, როგორც რელიგია. არასოდეს მავიწყდება, როგორ მითხრა ცნობილმა ქართველმა პიანისტმა და ჩემმა მეგობარმა ეთერ ანჯაფარიძემ: ". ...შენი ერთადერთი მეგობარი ახლა არის სერგეი და სხვა არავინ (ის რახმანინოვზე ლაპარაკობდა), მხოლოდ მასზე გაამახვილე ყურადღება და ისწავლე.”.. მე დავიჯერე მისი. ვიცოდი, რომ ეთერი ყოველი დილის 8:00 საათზე იწყებდა ფორტეპიანოზე ვარჯიშს, მიუხედავად იმისა, ჰქონდა თუ არა კონცერტი. მეც ყოველ დილის 8 საათიდან როიალთან ვიჯექი. ამავე დროს, სკოლაში გაკვეთილებს ვესწრებოდი და შაბათ-კვირას ვმუშაობდი. ძალიან გამიმართლა, რომ გავიცანი მსოფლიო დონის მუსიკოსები, როგორებიც არიან კურტ მაზური, ლიანა ისაკაძე, იან დიუმინი, ბორის პევზნერი, ლორინ მააზელი, იან ვაგნერი, ვინსენტ ლასელვა, ეთერ ანჯაფარიძე.

ჯანსუღ კახიძისგან ბევრი რამ ვისწავლე თბილისის ოპერის თეატრში. 18 წლის განმავლობაში რიჩმონდის უნივერსიტეტში ვასწავლიდი, სადაც სიმფონიური ორკესტრი არაფრისგან შევქმენი, 9 სიმიდან 82 კაციან სიმფონიურ ორკესტრამდე მივედით. ბეთჰოვენის, ბრამსის, გრიგის, ჰოლსტის, სიბელიუსის, სტრავინსკის, ფალიაშვილის, ბალანჩივაძის მუსიკით, ორკესტრთან ერთად სამხრეთ ამერიკაში, კარტახენაში და კოლუმბიაში ვიმოგზაურე. მანამდე აშშ-ში მრავალ ორკესტრს ვხელმძღვანელობდი. ბევრ საინტერესო პროექტზე, სპექტაკლზე და კონცერტზე მიმუშავია. განსაკუთრებული იყო კარნეგი ჰოლი და ლინკოლნის ცენტრი, ასევე ვაშინგტონში თეთრი სახლის კონცერტი, სადაც ორჯერ მივიღე მონაწილეობა. ჩემთვის საინტერესო იყო იმ არტისტების ალბომებზე მუშაობა, რომლებმაც გრემი მოიპოვეს.

ამ პროფესიაში ჩვენ გავდივართ რეალურ ტრანსფორმაციას. ორკესტრისა და ოპერის დირიჟორობის ხელოვნებაში და ზოგადად, ორკესტრის დირიჟორობის პროფესიაში ბევრი ახალი შემსრულებლის არსებობა გვაჩვენებს, თუ როგორ განვითარდება, სად წავა ეს პროფესია. ვთანხმდებით, რომ ხელოვნება არ არის და არ უნდა დარჩეს ერთ ადგილზე. ის მუდმივად იცვლება და ვითარდება. მე აღფრთოვანებული ვარ ბევრი დიდი დირიჟორით აქ, აშშ-ში, ევროპასა და საქართველოში, რომლებიც ცდილობდნენ სიახლის შეტანას. მომწონს ის, რასაც ნიკოლოზ რაჭველი აკეთებს თბილისში საქართველოს ეროვნულ სიმფონიურ ორკესტრთან ერთად. ვფიქრობ, ის ძალიან ნიჭიერია და სულ თვალს ვადევნებ.

იმისთვის, რომ იყო პროფესიონალი დირიჟორი, საჭიროა ბევრი შრომა, კარგი მეხსიერება, სწრაფად სწავლის და მუსიკოსებთან ურთიერთობის უნარი, დიდი ორკესტრის რეპერტუარის, ხელოვნების და ენების კარგი ცოდნა .

საქართველოდან 32 წლის წინ წამოვედი და იქ უკვე არავინ მიცნობს….. მერწმუნეთ, ვცადე და ვცადე, მაგრამ არაფერი გამოვიდა, შემდეგ კი COVID იყო.

განსაკუთრებული პროექტი უნდა იყოს, რომ საქართველოში მის გაკეთებას დავთანხმდე. ეს ალბათ მოხდება და მე ამის მჯერა.

საქართველოში ბევრი ნიჭიერი კლასიკური მუსიკოსია, რომელთაც მინდა დიდი წარმატება ვუსურვო. ქართული მუსიკა განსაკუთრებულია, არ არსებობს მსგავსი სხვა, როგორიც არის, მაგალითად, ანსამბლ ,,რუსთავის” მიერ საკათედრო ტაძარში შესრულებული ”შენ ხარ ვენახი.” —ეს ფასდაუდებელია!

საქართველო ძალიან პატარა ქვეყანაა, სადაც ბევრი ნიჭიერი ადამიანია. მუსიკოსებისა და კრეატიული ადამიანებისთვის შესაძლოა ზოგჯერ მწირი ადგილიც იყოს, რომ სრულად მოახდინონ თავიანთი ნიჭის რეალიზება.

მუსიკა იყო ჩემი ბილეთი სამყაროში, რითიც შევძელი საოცრებების გაკეთება და მადლობელი ვარ ამისთვის. ახლა კი მინდა, სხვა რამეც ვცადო ცხოვრებაში და არ ვიყო მიჯაჭვული მხოლოდ ერთ საქმეს, ცხოვრება ძალიან ხანმოკლეა. COVID-ის შემდეგ ყველა მივდივართ იმ აზრამდე, რომ გავამრავალფეროვნოთ ჩვენი ინტერესები. მშვიდობა და ჩემი ოჯახი ჩემს ცხოვრებაში ყველაზე მნიშვნელოვანია. მუსიკა კი ყოველთვის არის და იქნება ჩემი ყოველდღიური ცხოვრების უდიდესი ნაწილი.

ახალგაზრდა დირიჟორებს და მუსიკოსებს ვურჩევდი: იმუშავეთ ნებისმიერი დონის მუსიკოსებთან, ნებისმიერი ზომის ანსამბლებთან და შექმენით თქვენი ცხოვრება ისე, როგორც გინდათ, რომ საკუთარი ხედვით წარმართოთ. სიმფონიურ ორკესტრს არავინ მოგცემთ, თქვენ უნდა შექმნათ ის ნულიდან. ისეთმა გენიოსებმა, როგორიც არიან ოდისეი დიმიტრიადი და კურტ მაზური, ეს რჩევა მომცეს და ვფიქრობ, სწორედ ამას მივუძღვენი ჩემი ცხოვრება- რაღაცის შექმნას არაფრისგან.

გიყვარდეთ თქვენი ქვეყანა და დაუკარით მეტი ქართული მუსიკა!

ბიზნესი

რას წარმოადგენს ამერიკული BlackRock-ი, რომელიც $10.5 ტრილიონის აქტივებს მართავს?

გლობალური ფინანსური ქსოვილი სხვადასხვა ტიპის კომპანიების ურთიერთქმედებაზე დგას. ფინანსურ ეკოსისტემაში ვხვდებით, როგორც ბანკებს, ასევე ნეობანკებს და ფინტექ-კომპანიებს, საპენსიო ფონდებს, საგადახდო სერვისების მიმწოდებელ ორგანიზაციებს, კერძო კაპიტალის მმართველებს, ჰეჯ-ფონდებსა და აქტივების მმართველ კომპანიებს. აი, სწორედ ამ ბოლო კატეგორიას განეკუთვნება ამერიკული BlackRock-ი, რომელიც სხვა ადამიანებისა და კომპანიების აქტივებს მართავს, ანუ მარტივად რომ ვთქვათ, ინვესტიციას მათ ნაცვლად დებს. გამართული ბიზნესმოდელის გარდა, ამერიკულ კორპორაციას მაღალი რეპუტაცია, ინვესტორებისთვის ფინანსური სარგებლის გენერირების დეკადების განმავლობაში დამტკიცებული შედეგები და პლანეტარული მასშტაბის კავშირები გამოარჩევს.

ამ ყველაფრის დამსახურებით, BlackRock-ი პლანეტის უდიდეს აქტივების მმართველ კომპანიად იქცა, რომლის პორტფელი, ბოლო შედეგებით, $10.5 ტრილიონად იყო შეფასებული. 2024 წლის პირველი კვარტალის ფინანსური ანგარიშის თანახმად, გასულ ერთ წელიწადში, ამერიკულმა კორპორაციამ აქტივების ზომა $1.4 ტრილიონით გაზარდა. ამ თანხის მასშტაბს რომ მიხვდეთ, გეტყვით, რომ მექსიკის მთლიანი შიდა პროდუქტი სწორედ $1.4 ტრილიონია, როცა ესპანეთის, ინდონეზიის და საუდის არაბეთის - ნაკლები. თუმცა BlackRock-ის ჯამური აქტივების ზომა უფრო შთამბეჭდავია, რადგან ამ მაჩვენებელს ქვეყნების მშპ-სთან თუ შევაფარდებთ, აღმოვაჩენთ, რომ მას მხოლოდ ამერიკის შეერთებული შტატები და ჩინეთი უსწრებს.

რა შემოსავალს და წმინდა მოგებას აგენერირებს BlackRock-ი $10.5 ტრილიონად შეფასებული აქტივების მართვით?

2024 წლის I კვარტალში, BlackRock-მა $4.7 მილიარდის შემოსავალი მიიღო, რაც 11%-ით მეტია, ვიდრე შარშან. შემოსავალთან ერთად, ბოლო პერიოდში მკვეთრად, კერძოდ 36%-ითაა გაზრდილი კომპანიის წმინდა მოგება, რომელმაც მიმდინარე წლის პირველ სამ თვეში $1.5 მილიარდი შეადგინა. აღნიშნულ მაჩვენებლებს, უმეტესწილად, ის ფინანსური ინსტრუმენტები აგენერირებენ, რომელთაც BlackRock-ის პორტფელში ვხვდებით - აქ იგულისხმება, როგორც კომპანიების კაპიტალი, ანუ აქციები, ასევე ფიზიკური აქტივები, მათ შორის უძრავი ქონება.

აქციების კუთხით, BlackRock-ის აქტივებს შორის ყველაზე დიდი წილი მსოფლიოს უდიდეს ტექნოლოგიურ, ფარმაკოლოგიურ და ფინანსურ კომპანიებზე მოდის. BlackRock-ის აქციების პორტფელის ათი უდიდესი პოზიცია კი, შემდეგნაირად გამოიყურება:

#1 - Microsoft - $229.7 მილიარდად შეფასებული 542.02 მილიონი აქცია (BlackRock-ის პორტფელის 5.37%)

#2 - Apple - $178.4 მილიარდად შეფასებული 1.04 მილიარდი აქცია (BlackRock-ის პორტფელის 4.17%)

#3 - NVIDIA - $164.66 მილიარდად შეფასებული 182.42 მილიონი აქცია (BlackRock-ის პორტფელის 3.85%)

#4- Amazon - $115.18 მილიარდად შეფასებული 638.54 მილიონი აქცია (BlackRock-ის პორტფელის 2.69%)

#5 - META - $77.18 მილიარდად შეფასებული 158.94 მილიონი აქცია (BlackRock-ის პორტფელის 1.8%)

#6 - Alphabet (Class A) - $62.77 მილიარდად შეფასებული 415.9 მილიონი აქცია (BlackRock-ის პორტფელის 1.47%)

#7 - Alphabet (Class C) - $54.11 მილიარდად შეფასებული 355.37 მილიონი აქცია (BlackRock-ის პორტფელის 1.27%)

#8 - Eli Lilly - $50.78 მილიარდად შეფასებული 65.27 მილიონი აქცია (BlackRock-ის პორტფელის 1.19%)

#9 - Broadcom - $46.27 მილიარდად შეფასებული 34.91 მილიონი აქცია (BlackRock-ის პორტფელის 1.08%)

#10 - Berkshire Hathaway (Class B) - $45.21 მილიარდად შეფასებული 107.51 მილიონი აქცია (BlackRock-ის პორტფელის 1.06%)

წყარო:https://bm.ge/

სრულად

გამოკითხვა

ვინ გაიმარჯვებს რუსეთ - უკრაინის ომში?

უკრაინა

რუსეთი

არ მაქვს პასუხი

ხმის მიცემა

სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.

კულტურა

თურქმენეთის დედაქალაქ აშხაბადში შოთა რუსთაველის მემორიალი გაიხსნა

სრულად

ვანი ეტრუსკული ცივილიზაციისადმი მიძღვნილ გამოფენას მასპინძლობს

სრულად

გენიალური ქართველი კინომსახიობის, დოდო აბაშიძის, დაბადებიდან 100 წელი გავიდა

სრულად