,
.jpg)
ხვალ, 14 აპრილის, 17 სთ - ზე თბილისის ისტორიულ მუზეუმ ქარვასლაში გაიმართება საზოგადოება - ქართულის წარდგენა. კულტურის, განათლებისა და სპორტის წარმომადგენლებისგან შექმნილი საინიციატივო ჯგუფი საზოგადოებას არაპოლიტიკური, საზოგადოებრივი პლატფორმის ჩამოყალიბებას სთავაზობს, რომელიც ხელს შეუწყობს:
• დღემდე საზოგადოებრივი პროცესებისგან გარკვეულად დისტანცირებული ერის ინტელექტუალური ნაწილის ქვეყნის განვითარებისთვის უმნიშვნელოვანეს პროცესებში აქტიურ ჩართვას;
• დღევანდელ გლობალურ, ციფრულ ეპოქაში, ქართული ღირებულებების, ცოდნის, კულტურისა და განათლების მომავალი თაობებისათვის გადაცემისთვის საჭირო თანამედროვე ტექნოლოგიური პლატფორმების ჩამოყალიბებას;
• თაობათა შორის და ქართულ ემიგრაციასთან კავშირისა და თანამშრომლობის გაღრმავებას;
• ქვეყანაში სარეფენდუმო(საპეტიციო) დემოკრატიის დამკვიდრებასა და მნიშვნელოვანი საკითხის გადაწყვეტაში ქართველი ხალხის მონაწილეობის გააქტიურებას.
• ერის ინტელექტუალური ნაწილის გაერთიანებას: ქართული იდენტობის შენარჩუნებისთვის; ქართული ენის, კულტურის, ტრადიციებისა და ღირებულებების დაცვისთვის; ქართულ ოჯახის განმტკიცებისა და დემოგრაფიულ პრობლემების მოგვარებისათვის; ქვეყანაში სიძულვილის ენისგან თავისუფალი ცივილიზებული, აკადემიური განსჯისა და ურთიერთპატივისცემაზე დაფუძნებული გარემოს ჩამოყალიბებისთვის.
14 აპრილს გაიმართება ღია დიალოგი მოწვეულ სტუმრებთან, რომელთა შორის არიან აკადემიური წრეების, კულტურის, ხელოვნების, სპორტის წარმომადგენლები. შედგება გულახდილი დისკუსია , ქვეყნის წინაშე მდგარ, საერთო ეროვნულ პრობლემებზე და მათი გადაჭრის გზებზე.
საინიციატივო ჯგუფს ფოლკლორის ცენტრის დირექტორის მოადგილე, იურისტი და ადვოკატი გიორგი გაბუნია ხელმძღვანელობს.
მისამართი: თბილისი, სიონის ქუჩა 8, ისტორიული ქარვასლა
საკონტაქტო პირი : მარიამ ებანოიძე, 551911905
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
