USD 2.6978
EUR 2.9112
RUB 2.9177
თბილისი
93 წლის ასაკში ჰოლივუდის საკულტო კომპოზიტორი ენიო მორიკონე გარდაიცვალა
თარიღი:  1729

ცნობილი იტალიელი კომპოზიტორი ენიო მორიკონე 93 წლის ასაკში გარდაიცვალა.

ოსკაროსანმა კომპოზიტორმა რამდენიმე დღის წინ ტრავმა მიიღო, რის გამოც საავადმყოფოში იყო გადაყვანილი.

ენიო მორიკონე თანამდროვეობის ერთ-ერთი ყველაზე ცნობილი კომპოზიტორია. ის მრავალი ჯილდოს, მათ შორის 2 ოსკარის მფლობელია

ენიო მორიკონეს 10 ყველაზე ცნობადი მელოდია საკულტო ფილმებიდან

კარგი , ცუდი, ბოროტი (1996)

სერჟიო ლეონეს  საკულტო ვესტერნი კლინტ ისტვუდით მთავარ როლში მსოფლიოს საუკეთესო ფილმების სიაში შედის. სწორედ ამ ფილმისთვის შექმნილი მთავარი მუსიკალური თემა მსოფლიოს ყველაზე ცნობად მელოდიად ითვლება.

მკის დღეები (1978)

ფილმი, რომელიც ვიზულურ შედევრად ითვლება და რომლის გადაღებების შემდეგ ტერენს მალილი 20 წლით ჩამოშორდა კინომატოგრაფს. ენიო მორიკონეს მუსიკამ ფილმზე ნამდვილი გარდატეხა მოახდინდა, განსაკუთრებით ფილმის დასაწყისში, ტიტრების დრო გაჟღერებულმა მელოდიამ.

ერთხელ ამერიკაში (1984)

კინოშედევრად მონათლული ლეგენდარული ფილმი მსოფლიო ვარსკვლავების მონაწილეობით არასოდეს ბერდება, ისევე როგორც თავად მუსიკა შექმნილი კინოფილმისთვის. კრიტიკოსები თვლიან, რომ კინოსურათი ეპიკურად სწორედ ენიო მორიკონეს მუსიკამ აქცია.

ხელშეუხებელნი (1987)

ამ ფილმით მორიკონემ კრიმინალურ დრამაში მუსიკალური ჟანრის ახალ მიმართულებას ჩაუყარა საფუძველი. რეალურ მოვლენებზე გადაღებული ამ ფილმის საუნდთრეკისთვის, მორიკონემ ბრიტანული კინოაკადემიის პირველი პრემია მიიღო.

ახალი კინოთეატრი „პარადიზო“ (1988)

ფილმი ჯუზეპე ტორნატორესა და ენიო მორიკონეს თანამშრომლობის ეპოქის დასაწყისად იქცა. კინოსურათი ერთნაირად ტრიუმფალური გახდა როგორც რეჟისორისთვის, ასევე კომპოზიტორისთვის. მან „ოკსარი“, „ოქროს გლობუსი“, „ბაფტა“ და კანის კინოფესტივალის პრიზი მოიპოვა.

მგელი (1994)

მაიკლ ნიკოლსის გახმაურებული საშინელებათა ფილმი „მგელი“, ჯეკ ნიკოლსონით მთავარ როლში, ასევე გამორჩეულია ფილმისთვის შექმნილი ორიგინალური მუსიკით. სწორედ ფილმის მთავარი მუსიკალური თემისთვის მორიკონე „გრემიზე“ იყო წარდგენილი.

მალენა (2000)

ჯუზეპე ტორნატორეს კიდევ ერთი გახმაურებული ფილმი მონიკა ბელუჩის მონაწილეობით. ენიო მორიკონეს მიერ შექმნილი საუნდტრეკი კი „ოქროს გლობუსის“ მფლობელი გახდა.

უსახელო ნაბიჭვრები (2009)

ქუენტინ ტარანტინოს ამ გახმაურებულ კინოსურათში ბრედ პიტისა და კრისტოფ ვოლთსის მონაწილეობით, ბევრი კომპოზიცია ჟღერს. დაწყებული ვესტერნისთვის დამახასიათებელი ჟანრით, დასრულებული რიტმ-ენ-ბლუზის ელემენტებით. სწორედ კლასიკური ჟანრის მელოდიები ფილმისთვის ტარანტინომ ენიო მორიკონეს მიანდო.

ჯანგო (2012)

ტარანტინოს კიდევ ერთი ფილმი-ვესტერნი, რომელიც მთლიანად გაჯერებულია მუსიკით და ყველაზე ცნობადი ბალადები აქაც მორიკონეს ანგარიშზეა.

ამაზრზენი რვიანი (2015)

საინტერესოა, რომ ფილმისთვის მუსიკა ენიო მორიკონემ ისე დაწერა, რომ თავად ფილმი არ უნახავს. სწორედ ფილმის მთავარმა თემამ  კომპოზიტორს ნანატრი „ოსკარიც“ მოუტანა.

 

 

 

 

სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.