საქართველოს მთავრობის ადმინისტრაციის ორგანიზებით, 7 ოქტომბერს, ღვინის დღეების აღნიშვნა თელავიდან დაიწყება.
ერეკლე მეფის სასახლის ეზოში სამზადისი აქტიურად მიმდინარეობს. ეწყობა მეღვინეების კუთხე, საბავშვო გასართობი სივრცეები, დასრულების ეტაპზეა სცენის მონტაჟი.
დაგეგმილია სხვადასხვა ასაკის სტუმარზე გათვლილი არაერთი საინტერესო ღონისძიება.
ღვინის დღეებს თელავში მუსიკალურად გააფორმებს მომღერალი ანა უზნაძე.
18:30 საათიდან დაიწყება გალა კონცერტი, რომელშიც მონაწილეობას მიიღებენ: „ბასიანი“, „შვიდკაცა“, მიშო ჯავახიშვილი, ლიზა ბაგრატიონი, ნატო მეტონიძე, „სუხიშვილები“, ნუკრი კაპანაძე, დათო შანიძე, კოტიკო ყიფიანი, „თეატრალურის კვარტეტი“, მარიამ როინიშვილი, ნატალია ქუთათელაძე, თბილისის ოპერისა და ბალეტის თეატრი, მაესტრო ნიკა ნიკვაშვილი.
გელით, ერთად აღვნიშნოთ ღვინის დღეები ღვინის სამშობლოში!
