მდინარე მტკვრის ორივე ნაპირის გასწვრივ, სამი მხრიდან მთებით შემოფარგლული, ქვაბულის ფერდობებზე, ვიწრო ზოლადაა გადაჭიმული თბილისი. მასზე შემოფარგლული მთებიდანაც კარგად ჩანს, სხვადასხვა დროის არქიტექტურული ნამუშევრები, რომელიც ახლისა და ძველის ულამაზესი შერწყმის წარმოდგენას გიქმნის. დედაქალაქი ძველი შენობებით უდაოა ლამაზი და სანახავია, მათ მოვლა სჭირდებათ, მაგრამ მასზე გაჩერება და ახლის არ შექმნაც დანაშაულია.
საბჭოთა კავშირის დანგრევის შემდეგ, თბილისის არქიტექტურაც საგრძნობლად შეილახა – ქალაქი განახლებას საჭიროებდა. მშენებლებსაც არ დაუყოვნებიათ, ძველის მიღმა ახალი და თანამედროვე შენობები ჩაუდგამთ.
მოქალაქეთა ნაწილი ამ ყველაფერს აპროტესტებს, თუმცა ნაწილი ქალაქის განახლებული იერსახით კმაყოფილია. ისინი თვლიან, რომ თბილისის ახალი არქიტექტურა არანაკლები სილამაზით გამოირჩევა. დღეს შემოგთავაზებთ 5 ყველაზე მაღალ შენობას, რომელიც ქალაქის იერსახეს მნიშვნელოვნად ცვლის.
აქსის თაუერსი – 149,6 მ
„აქსის თაუერსი“ იგივე, როგორც „ქალაქი შენობაში“ – საცხოვრებელი კომპლექსი, ილია ჭავჭავაძის გამზირზე მდებარეობს. მას თანამედროვე თბილისის სახედაც მოიხსენიებენ. თავისი არქიტექტურული უნიკალური ფუნქციებით, მასშტაბით და მნიშვნელობით, „აქსის თაუერსი“ არის საქართველოს წარმატების სიმბოლო. ეს არის მთლიანად ქართული პროექტი, რომელიც ქართველი და უცხოელი სპეციალისტების მიერ გახორციელდა.
შენობა შედგება ორი იდენტური, ტყუპი ცათამბრჯენისგან, რომლებიც განთავსებულია ერთმანეთის საპირისპირო მხარეს, რაც ქმნის ილუზიას, თითქოს „ტყუპები“ ბრუნავენ. აღნიშნული შენობები ერთდროულად არის, როგორც ერთმანეთის მსგავსი, ასევე განსხვავებული. ერთი ნაგებობის გარე ფასადი დამუშავებულია მუქი მინით, მეორე თეთრი ქვით. მთლიანად შენობაში განთავსებულია 41 სართული, 4 მიწის ქვემოთ, 37 კი მიწის ზემოთ. მიწისქვეშა 4 სართული ავტოსადგომს მოიცავს. კომპლექსს 22 უსწრაფესი ლიფტი ემსახურება. სართულის ყველა შენობა თავისი ღერძის გარშემო 2 გრადუსით ბრუნავს. „აქსის თაუერსის“ კონსტრუქცია საათს ჰგავს.
„აქსის თაუერსი“ საცხოვრებელ, სასტუმრო, საოფისე, კომერციული ფართსა და გასართობი ცენტრებს მოიცავს. იმისათვის, რომ შენობაში მყოფებმა, სხვადასხვა სახის მომსახურეობა მიიღონ, არ არის აუცილებელი შენობის დატოვება, რადგან „აქსის თაუერსი“ არის, როგორც „ქალაქი სახლში“.
ქუჩაზე, რომელიც აერთიანებს ჭავჭავაძეს და აბულაძის ქუჩებს, გამოყოფილია დასასვენებელი ზონები, რესტორნები, რომლებიც იზიდავს, როგორც საქართველოს მოქალაქეებს, ასევე ტურისტებს.
ალიანს ჰაილაინი – 138 მ
მრავალფუნქციური საცხოვრებელი კომპლექსი “ალიანს ჰაილაინი” ისტორიულ ცენტრში, ჭავჭავაძის 49 ბ-ში მდებარეობს.
კომპლექსი მოიცავს სოციალურ- საყოფაცხოვრებო ინფრასტრუქტურას. მიმდებარედ არის ფიტნეს ცენტრი და ორი საცურაო აუზი, მიხეილ მესხის სახელობის სტადიონი, დიდი პარკი, ბანკები, კაფეები, რესტორნები და მაღაზიები.
რაც შეეხება თავად შენობის მახასიათებლებს – მრავალფუნქციური საცხოვრებელი კომპლექსი “ალიანს ჰაილაინი”– არის პროექტი, სადაც გათვალისწინებულია სამი მრგვალი, სხვადასხვა სიმაღლის, კოშკის ფორმის შენობის აღმართვა.
ყველაზე მაღალ, ორმოც სართულიან შენობაში განლაგებულია დიდი ფართობის მქონე და მდიდრული რეზიდენციები. მეორე კოშკში შეგიძლიათ შეიძინოთ აპარტამენტები, ხოლო მესამე კოშკში განთავსებულია სასტუმრო, რომელიც შედის მსოფლიოს უდიდეს სასტუმროთა ქსელში – „Wyndham Hotel Group“.
წარმოდგენილ კომპლექსს აქვს კარგად განვითარებული საკუთარი ინფრასტრუქტურა, მათ შორის: რესტორნები; მაღაზიები; ფიტნეს კლუბი, სპა; დახურული საცურაო აუზი; სამ–დონიანი მიწისქვეშა ავტოსადგომი.
მრავალფუნქციური საცხოვრებელი კომპლექსი „ალიანს ჰაილაინი”, ასევე მრავალი სახის მომსახურებას, როგორიცაა: დალაგება– დასუფთავების მომსახურება, რესეფშენი, კონსიერჟის მომსახურება, დაცვა და ტექნიკური მომსახურება.
სასტუმრო ბილტმორი – 136 მ
Biltmore Tbilisi Hotel არის პირველი მინის ცათამბჯენი საქართველოში და უმაღლესი სასტუმრო კავკასიის რეგიონში. განსაცვიფრებელი ხედებით, ის მდებარეობს საქართველოს დედაქალაქის ისტორიულ და კულტურულ უბანში. გრანდიოზული ლობი, სადაც წარმოდგენილია გაპრიალებული მარმარილოს იატაკები, ბროლის ჭაღები და მდგრადი სვეტები, რომელიც წარსული ეპოქის ნოსტალგიას ეხმიანება და აჟღერებს სოციალური ელიტის ხიბლსა და პრესტიჟს.
აქ წარმოდგენილი 214 ძვირადღირებული ნომერი და ლუქსი გთავაზობთ ულამაზეს ხედებს ძველ და ახალ ქალაქზე, განსხვავებული ცხოვრების წესით და სენსაციური სპა და უნიკალური გასართობი არენით. Biltmore Hotel არის სივრცე, სადაც შეგიძლიათ გაჩერდეთ და ახლომდებარედ დაათვალიეროთ საქართველოს ეროვნული ოპერის თეატრი, რუსთაველის ეროვნული თეატრი, დიმიტრი შევარდნაძის ეროვნული გალერეა და აბანოთუბნის წარმოუდგენელი გოგირდის აბანოების უბანი.
Biltmore Tbilisi Hotel არის ურბანული თავშესაფარი ნებისმიერი ადამიანისთვის ან იდეალური პარტნიორი მათთვის, ვინც აწარმოებს ბიზნესს ქალაქში.
კინგ დევიდი – 117,7 მ
King David – მრავალფუნქციური კომპლექსია, რომელიც ჰარმონიულად აერთიანებს ორ კოშკს: საოფისე King David ბიზნესს ცენტრსა და საცხოვრებელ King David Residence-ს.
საცხოვრებელი კომპლექსი King David დედაქალაქის შუაგულში, მერაბ ალექსიძის, 12-ში მდებარეობს. ლოკაციის ადგილთან ახლოს მდინარე მტკვარი მოედინება.
აღნიშნული მდებარეობა ქალაქის ცენტრალურ ნაწილში, საშუალებას აძლევს ბინადართ ადვილად გადაადგლდნენ ნებისმიერ უბანში. კომპლექსიდან 200 მეტრის მოშორებით თამარის ხიდი მდებარეობს, რომელიც აკავშირებს ქალაქის სადგურის მიმდებარე ნაწილს, ვაკე–საბურთალოს უბანთან და დედაქალაქის ცენტრთან.
საცხოვრებელი კომპლექსი „ქინგ დევიდი” გარშემორტყმულია თბილისის მნიშვნელოვანი ღირსშესანიშნაობებით. 5-10 წუთის სავალზეა თბილისის ცირკი, ბორის პაიჭაძის სახელობის დინამოს სტადიონი,.ხელოვნების სასახლე, გმირთა მოედანი, სასტუმრო Holiday Inn. შენობის ლოკაცია მდიდარია მრავალფეროვანი ინფრასტრუქტურით: გვერდითაა კინოთეატრი “აპოლო”, მ. თუმანიშვილის სახელობის კინოს მსახიობთა თეატრი, თბილისის სახელმწიფო უნივერსიტეტი, სპორტის სასახლე.
რაც შეეხება შენობის არქიტექტურასა და პარამეტრებს –
საცხოვრებელი კომპლექსი King David შედგება ორი დიდებული კოშკისაგან, რომელთაგან ერთ-ერთი პრემიუმ-კლასის საცხოვრებელი სახლია, მეორე კი– ბიზნეს-ცენტრი. შენობა გამოირჩევა თავისი ელეგანტურობითა და შთამბეჭდავი შუშის კედლებით.
საცხოვრებელი კორპუსის სიმაღლე 32 სართულს აღწევს და აგებულია მონოლითურ–კარკასული ტექნოლოგიით. კოშკში მდებარე საცხოვრებელში პანორამული ფანჯრები იატაკიდან ჭერამდეა აჭიმული. ფანჯრებიდან ისხნება ულამაზესი ხედები ძველ-ახალ თბილისზე და მთებზე.
King David– ეს ის გარემოა, სადაც ბინის მესაკუთრეებს შეუძლიათ ერთ სივრცეში ცხოვრება, დასვენება, გართობა და მუშაობა, კომპლექსის საზღვრებიდან გაუსვლელად. შენობას გააჩნია კერძო დახურული ტერიტორია, კონსიერჟის მომსახურება და პროფესიონალური მენეჯმენტი.
კომპლექსში გათვალისწინებულია ფართო კერძო ინფრასტრუქტურა:
ორდონიანი მიწისქვეშა და სასტუმრო პარკინგი; ოფისები და ინდივიდუალური საოფისე ფართი ბინადართათვის; ლობი საცხოვრებელ ნაწილში, მისაღები, სააქტო დარბაზი; სასტუმრო ნომრები; სახურავზე რესტორანი; კოქტეილ-ბარი, საკონფერენციო დარბაზი, საკონფერენციო ოთახი; კაფეტერია საოფისე შენობაში; ბიზნეს–ლობი და რესტორანი; საცურაო აუზი, სილამაზის სალონი, სპა, ფიტნეს ცენტრი; ფუდკორტი, გარე ბაღი, სპორტული მოედანი.
თბილისი გარდენს – 108 მ
საცხოვრებელი კომპლექსი საბურთალოზე, უბნის ცენტრში მდებარეობს, რომელიც შემოსაზღვრულია სერგო ზაქარიაძესა და მიხეილ ასათიანის ქუჩებით, ვაჟა-ფშაველას გამზირისა და ვაჟა-ფშაველას პირველი 1 ჩიხით.
საცხოვრებელი კომპლექსი „თბილისი გარდენს” გარშემორტყმულია უამრავი, სოციალური და საყოფაცხოვრებო ინფრასტრუქტურული ობიექტით. ახლოსაა უმაღლესი, საშუალო და სკოლამდელი სასწავლო დაწესებულება, აფთიაქები, სამედიცინო კლინიკა, სუპერმარკეტები, მაღაზიები, კაფეები და რესტორნები. ხუთასი მეტრის რადიუსში კი იპოდრომი და ტყე– პარკი მდებაერობს.
„თბილისი გარდენს” ორიგინალური დიზაინის მქონე ნაგებობაა. კომპლექსის მაღლივი კორპუსის გლუვი ხაზები, მიშენებულ–ჩაშენებული ელემენტებით და თავისი ორიგინალურობით ყურადღების მიღმა არავის რჩება.
კარკასული შენობა მოპირკეთებულია ვენტილირებადი დაკიდული ალუმინის პანელებით. კომპლექსი მოიცავს: მწვანე ზონის ლანდშაფტური დიზაინს, მიწისქვეშა ავტოსადგომს, საბავშვო ბაღს, საცურაო აუზს, ღონისძიებათა დარბაზსა და ფიტნეს–ცენტრს.
