,
რას გვირჩევენ ვარსკვლავები 5 ივლისისთვის:
ვერძი (21 მარტი - 20 აპრილი)
ეს დღე სირთულეებით სავსეა, თუმცა მათი გადალახვა შეგიძლიათ. თუ მარტო ვერ უმკლავდებით, დახმარება მეგობრებს სთხოვეთ - ისინი სიხარულით დაგეხმარებიან. სანამ ადამიანებს პრეტენზიებით მიმართავთ, კარგად დაფიქრდით სამართლიანია თუ არა ისინი. საღამოს მხოლოდ ის უნდა აკეთოთ, რაც მოგწონთ და გსიამოვნებთ. დაძაბული კვირის ბოლოს დასვენება ნამდვილად დაიმსახურეთ.
კურო (21 აპრილი - 21 მაისი)
ამ დღეს ყველაზე მეტად დადებითი ემოციები გჭირდებათ, ამიტომ უმნიშვნელო წვრილმანები გულთან ახლოს არ მიიტანოთ. მზიანი დღით დატკბით და ეცადეთ მთელი დღის მანძილზე ხალისიანი განწყობა შეინარჩუნოთ. ვარსკვლავები გირჩევენ, რომ პარტნიორის მოთხოვნილებებს მეტი ყურადღება მიაქციოთ და მის აზრს მეტი პატივი სცეთ.
ტყუპები (22 მაისი - 21 ივნისი)
ამ დღეს ყველაზე მიუწვდომელ სიმაღლეებსაც კი დაიპყრობთ. თქვენ იმის გაკეთებას შეძლებთ, რაზეც სხვები მხოლოდ ოცნებობენ. ეცადეთ გონიერება გამოიჩინოთ და შურიანი ადამიანებისგან თავის დასაცავად მოქმედების საგანგებო სტრატეგია შეიმუშაოთ. ფრთხილად იყავით ფინანსურ ოპერაციებთან - ვიღაც თქვენს თაღლითურ სქემაში ჩართვას ეცდება. გირჩევთ ურთიერთობაში საზღვრები დააწესოთ და გაარკვიოთ რა არის დასაშვები და რა არა. ეს უხერხულობას და პრობლემებს თავიდან აგაცილებთ.
კირჩხიბი (22 ივნისი - 22 ივლისი)
თქვენი წინასწარმეტყველური სიზმარი შეიძლება მალე რეალობად იქცეს. ენდეთ საკუთარ ინტუიციას და ის არ გიღალატებთ. თქვენ ხშირად გიწევთ უცნობ ადამიანებთან ურთიერთობა და ეცადეთ მათ საკუთარი ემოციები არ დაანახოთ. საქმიანი მოლაპარაკებები თქვენთვის სასურველი სცენარით განვითარდება, მაგრამ ყველა დაპირებას, რომელსაც დღეს მოისმენთ, არ უნდა დაუჯეროთ.
ლომი (23 ივლისი - 23 აგვისტო)
შინაგანი ცეცხლი, რომელიც ამ დღეს თქვენში ანთია, თქვენს ყველა მოქმედებაზე აისახება. ზღვარგადასულმა აქტივობამ შეიძლება ძალიან დაგღალოთ, ამიტომ ჯანმრთელობას მეტი ყურადღება უნდა მიაქციოთ. დღის მეორე ნახევარში შეიძლება სასარგებლო ინფორმაცია მიიღოთ. ახლა თქვენზეა დამოკიდებული მას როგორ გამოიყენებთ. ამ დღეს ყველაზე მეტად პრობლემებისგან თავის დაღწევა და მშვიდ გარემოში დასვენება გჭირდებათ.
ქალწული (24 აგვისტო - 23 სექტემბერი)
ეცადეთ კარგად გამოიძინოთ და წვრილმანების გამო ნერვები არ მოიშალოთ. ბუნებაში, საყვარელი ადამიანების გარემოცვაში გატარებული დრო თქვენს განწყობასა და ჯანმრთელობაზე დადებითად აისახება. ვიღაც ეცდება, რომ მცდარი ინფორმაციით თქვენს პროფესიულ გადაწყვეტილებაზე გავლენა მოახდინოს. ამ დღეს დაპირებებს არ უნდა ენდოთ და მხოლოდ საკუთარ ძალებს უნდა დაეყრდნოთ. საჭიროების შემთხვევაში, გაუგებრობის თავიდან ასაცილებლად, ადამიანებისგან ახსნა-განმარტებები უნდა მოითხოვოთ.
სასწორი (24 სექტემბერი - 23 ოქტომბერი)
ილუზიებში ცხოვრების დრო დასრულდა. ეცადეთ რეალობას მეტი ყურადღება მიაქციოთ და მიხვდებით, რომ ყველაფერი, რაც ბედნიერებისთვის გჭირდებათ, ცხვირწინ გაქვთ და ვერ ამჩნევთ. გირჩევთ საკუთარი პრობლემები უახლოეს მეგობართან ერთად განიხილოთ - სავარაუდოდ, მისგან ფასეულ რჩევას მიიღებთ, რომელიც სირთულეების დაძლევაში დაგეხმარებათ. ნუ დაეხმარებით ადამიანს, ვისაც თქვენი დახმარება არ სჭირდება. შეგიძლიათ საკუთარი ენერგია ბევრად უფრო ნაყოფიერად გამოიყენოთ.
მორიელი (24 ოქტომბერი - 22 ნოემბერი)
ახალი პროექტის დაწყებისა და სანუკვარი ოცნების ასრულებისთვის ხელსაყრელი დღეა. ეცადეთ ალკოჰოლურ სასმელებზე უარი თქვათ. შესაძლებლობა გექნებათ, რომ მეგობრებთან ერთად გაერთოთ და ხელსაყრელი გარიგება დადოთ. იღბალი დაგეხმარებათ, რომ შანსი ხელიდან არ გაუშვათ. გირჩევთ საკუთარ ჯანმრთელობას მეტი ყურადღება მიაქციოთ.
მშვილდოსანი (23 ნოემბერი - 21 დეკემბერი)
ჯანსაღი ცხოვრების წესის წყალობით თავს შესანიშნავად გრძნობთ, თუმცა ახლობელ ადამიანებთან ურთიერთობაში სირთულეები გაქვთ. აკონტროლეთ საკუთარი სიტყვები, რომ უნებურად, ვინმეს გული არ ატკინოთ. თუ ადამიანებს არ ეთანხმებით, შეგიძლიათ პირდაპირ უთხარით, მაგრამ ეს აგრესიის და უხეშობის გარეშე უნდა გააკეთოთ. ეცადეთ ძალები რაიმე ახალ და უჩვეულო საქმეში მოსინჯოთ ან იქ წახვიდეთ, სადაც არასოდეს ყოფილხართ.
თხის რქა (22 დეკემბერი - 20 იანვარი)
ამ დღეს შესაძლებლობა გექნებათ, რომ საოცნებო ნივთი შეიძინოთ. ბოლოს და ბოლოს თქვენთვის საჭირო ადამიანს იპოვით რომელიც დაწყებული საქმის დასრულებაში დაგეხმარებათ. ვარსკვლავები გირჩევენ, რომ ახლობლებთან სამომავლო გეგმებზე საუბრისგან თავი შეიკავოთ - შესაძლოა, სწორად ვერ გაგიგონ.
მერწყული (21 იანვარი - 18 თებერვალი)
ამ დღეს ყველაზე მეტად ნაჩქარევად მოქმედებას უნდა მოერიდოთ. წარმატებას მხოლოდ კარგად დაგეგმილ და ნაბიჯ-ნაბიჯ განხორციელებულ საქმეში მიაღწევთ. საღამოს რაღაც ისეთს გააკეთებთ, რომ საკუთარი თავით კმაყოფილი დარჩებით. მნიშვნელოვანი საკითხის გადაჭრამდე მოსაფიქრებლად დრო ითხოვეთ და კითხვას მაშინვე ნუ უპასუხებთ.
თევზები (19 თებერვალი - 20 მარტი)
ამ დღეს ბავშვობისდროინდელი შიშები თუ კომპლექსები თავს შეგახსენებთ. მოსალოდნელია ძალოვანი სტრუქტურების წარმომადგენლებთან შეხვედრა, რაც გარკვეულ უსიამოვნებებს უკავშირდება. ეცადეთ წესები და კანონები არ დაარღვიოთ. მოერიდეთ საჯარო ღონისძიებებზე დასწრებას და ხალხის თავშეყრის ადგილებს.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
