,
ზუსტად 30 წლის წინ, 1991 წლის 31 მარტს საქართველოში ჩატარებულ რეფერენდუმზე მოსახლეობის 99%-მა დამოუკიდებლობას დაუჭირა მხარი. მსგავსი სურათი დაიდო სომხეთის, აზერბაიჯანისა და მოლდოვას რეფერენდუმებზეც.
შედარებით ნაკლები მომხრე ჰყავდა დამოუკიდებლობის იდეას ბალტიის ქვეყნებში, იქ ეთნიკური რუსებისა და რუსულენოვნების დიდი რაოდენობის გამო: ლიეტუვაში - 93,2%, ესტონეთში - 78,4%, ლატვიაში კი - 74,9%.
მაგრამ ბალტიის ერებმა დაამტკიცეს, რომ თავისუფლების მოპოვებისა და შენარჩუნების საქმეში მთავარი მიზანმიმართული შრომა, სწავლა, ბრძოლა და პასუხისმგებლობაა და არა ქაოსი და არაფრისმომცემი, ცარიელი სიტყვები.
შედეგად ბალტიის ქვეყნები ნატოსა და ევროკავშირში არიან, დანარჩენები ყოფილი საბჭოთა რესპუბლიკები - გაურკვევლობაში.
ყოველდღიური შრომა, სწავლა, ბრძოლა და პასუხისმგებლობა სჭირდება საქართველოს!
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
