USD 2.7503
EUR 3.1249
RUB 3.3429
თბილისი
3 ივლისი - ეს დღე ისტორიაში
თარიღი:  395

3 ივლისი — გრიგორიანული კალენდრის 184-ე დღე (ნაკიან წლებში – 185-ე დღე). წლის ბოლომდე დარჩენილია 181 დღე.

დღის მოვლენები

324 : ადრიანოპოლისის ბრძოლაში კონსტანტინე I ლიცინიუსს ამარცხებს, რომელიც ბიზანტიიდან გაქცევით შველის თავს.

987 : ჰუგო კაპეტი საფრანგეთის მეფე ხდება, პირველი კაპეტინგების დინასტიიდან.

1250 : საფრანგეთის მეფე ლუი IX მეშვიდე ჯვაროსნული ლაშქრობისას ეგვიპტეში ბეიბერთა მამლუქების არმიამ შეიპყრო ფარისკურის ბრძოლაში. მას მოგვიანებით თავის გამოსყიდვა მოუხდა.

1754 : ფრანგების და ინდიელების ომი: ჯორჯ ვაშინგტონმა ფორტ-ნესესიტი ფრანგებს დაუთმო.

1778 : პრუსიამ ავსტრიას ომი გამოუცხადა.

1819 : აშშ-ში პირველი შემნახველი ბანკი გაიხსნა.

1841 : ინგლისელმა ასტრონომმა ჯონ ადამსმა განაცხადა პლანეტა ნეპტუნის აღმოჩენის შესახებ.

1848 : მონები გაათავისუფლეს დანიის ვესტ-ინდოეთში (ამჟამად აშშ-ის ვირჯინის კუნძულები).

1849 : ფრანგები რომში შევიდნენ რომის პაპი პიუს IX-ის დასაბრუნებლად.

1852 : აშშ-ის კონგრესმა ქვეყნის მეორე ზარაფხანა დააარსა სან-ფრანცისკოში, კალიფორნია.

1863 : აშშ-ის სამოქალაქო ომი - დასრულდა გეტისბურგის ბრძოლა.

1884 : დოუ ჯონსი აქციათა პირველ ინდექსს აქვეყნებს.

1890 : აიდაჰო გახდა აშშ-ს 43-ე შტატი.

1898 : ესპანეთის ფლოტი გაანადგურა აშშ-ის ძალებმა სანტიაგოსთან, კუბა, ესპანეთ-ამერიკის ომში.

1915 : თურქეთში ქაღალდის პირველი ფული გამოუშვეს.

1928 : პირველი ფერადი სატელევიზიო ტრანსლაცია განხორციელდა ლონდონში.

გაყიდვაში გამოვიდა პირველი ტელევიზორები რომელიც 75 დოლარი ღირდა.

1936 : საბჭოთა კავშირში ჩამოყალიბდა საი (ГАИ).

1944 : მეორე მსოფლიო ომი - საბჭოთა ძალებმა ნაცისტებისგან მინსკი გაათავისუფლეს ოპერაცია ბაგრატიონში.

1954 :დიდ ბრიტანეთში საბარათე სისტემა გაუქმდა.

1962 : საფრანგეთმა ალჟირის დამოუკიდებლობა გამოაცხადა, ეს მოვლენა ეფუძნებოდა საყოველთაო რეფერნდუმის შედეგებს სადაც მოსახლეობის 75 %  ალჟირის დამოუკიდებლობას დაუჭირა მხარი.

1964 : აშშ-ში  მიიღეს კანონი რასობრივი სეგრეგაციის აკრძალვის შესახებ.

2004 : ტაილანდის დედაქალაქ ბანგკოკში გაიხსნა მეტრო.

2005 : ესპანეთში დაკანონდა ერთი სქესის წყვილთა ქორწინება.

2006 : ასტეროიდმა 2004 XP14 დედამიწას ძალიან ახლოს  432 308 კილომეტრის დაშორებით ჩაუარა.

2007 : განამ ახალი ვალუტა - განიური ცედი - შემოიღო.

2008 : 59 წლის შემდეგ ჩინეთსა და ტაივანს შორის ჩარტერული რეისები განახლდა.

2009 : ალჟირი, ნიგერი და ნიგერია ხელს აწერენ სამთავრობათშორისო შეთანხმებას ტრანს-საჰარის გაზსადენის შესახებ.

2013 : ეგვიპტის არმიამ პრეზიდენტი მოჰამედ მურსი გადააყენა, კონსტიტუციის მოქმედება შეაჩერა და პრეზიდენტის მოვალეობის შემსრულებლად ადლი მანსური დანიშნა.

2019 : დავიდ სასოლი ევროპის პარლამენტის პრეზიდენტად აირჩიეს.

ამ დღეს დაბადებულნი

1423 : ლუი XI — საფრანგეთის მეფე (გ.1483)

1854 : იანაჩეკი, ლეოშ — ჩეხი კომპოზიტორი (გ.1928)

1883 : კაფკა, ფრანც — ავსტრიელი მწერალი (გ.1924)

1889 : ბალაბუევი, ანატოლი — ქართველი გეოფიზიკოსი.

1910 : ასტვაცატუროვი, არკადი — საბჭოთა ეპოქის მეცნიერი (გ.1975)

1962 : კრუზი, ტომ — ამერიკელი მსახიობი

ამ დღეს გარდაცვლილნი

1908 : ჰარისი, ჯოელ ჩანდლერ — ამერიკელი მწერალი (დ.1848)

1918 : მეჰმედ V — ოსმალეთის იმპერიის 35-ე სულთანი (დ.1844)

1963 : იოანე XXIII — რომის პაპი (დ.1881)

1971 : მორისონი, ჯიმ — ამერიკელი მუსიკოსი (დ.1943)

მსოფლიოს ქვეყნების დღესასწაულები

ბელორუსი - დამოუკიდებლობის დღე.

ვირჯინია - ემანსიპაციის დღე.

საეკლესიო დღესასწაულები

მართლმადიდებელი ეკლესია აღნიშნავს შემდეგი წმინდანების ხსენების დღეს:

მეთოდე პატარელი

ინა, პინა და რიმას უხრწნელი ნაწილების გადასვენება ალუშტაში

არისტოკლე ხუცესი, დიმიტრი დიაკონი და ათანასე წიგნისმკითხველი

ლევკი აღმსარებელი

კალისტე I

 

კულტურა
კულტურის სამინისტრომ დათო დოიაშვილი თეატრის ხელმძღვანელის თანამდებობიდან გაათავისუფლა

კულტურის სამინისტრომ დავით დოიაშვილი “ვასო აბაშიძის სახელობის მუსიკისა და დრამის თეატრის” ხელმძღვანელის თანამდებობიდან გაათავისუფლა. შესაბამის განცხადებას საქართველოს კულტურის სამინისტრო ავრცელებს.

კულტურის სამინისტრო გადაწყვეტილების მიზეზებს განმარტავს და აცხადებს, რომ სამინისტროს მხრიდან "არაერთგზის გაფრთხილების" მიუხედავად, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ "ვალდებულებას არ ასრულებდა", ხოლო თეატრში შემოქმედებითი პროცესი თვეების მანძილზე შეჩერებული იყო.

“ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრი” არის სახელმწიფოს მიერ დაფუძნებული საჯარო სამართლის იურიდიული პირი.

სახელმწიფო პროფესიული თეატრი, ისევე, როგორც ნებისმიერი სხვა სსიპ-ი ანგარიშვალდებულია და აქვს კანონით დაკისრებული მოვალეობა, აღასრულოს მიზნები, რისთვისაც სახელმწიფომ დააფუძნა.

კერძოდ, თეატრში შემოქმედებითი საქმიანობა უნდა ხორციელდებოდეს ისევე უწყვეტად, როგორც სახელმწიფო ბიუჯეტიდან მისი დაფინანსება ხორციელდება.

საქართველოს კულტურის სამინისტროს მხრიდან არაერთგზის გაფრთხილების მიუხედავად, სამწუხაროდ, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ ამ ვალდებულებას არ ასრულებდა. სახელმწიფო ბიუჯეტიდან მიღებული უწყვეტი დაფინანსების პირობებში, თეატრში შემოქმედებითი პროცესი თვეების მანძილზე შეჩერებული იყო.

აქედან გამომდინარე, კულტურის სამინისტრომ, როგორც სსიპ “ვასო აბაშიძის სახელობის მუსიკისა და დრამის თეატრის” დამფუძნებელმა უწყებამ, მიიღო კანონისმიერი გადაწყვეტილება, სსიპ-ის უწყვეტ და გამართულ ფუნქციონირებაზე პასუხისმგებელი პირის, თეატრის ხელმძღვანელის, დავით დოიაშვილის თანამდებობიდან გათავისუფლების შესახებ”, - აღნიშნულია განცხადებაში.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.