USD 2.7050
EUR 3.0872
RUB 3.3681
Tbilisi
27 ოქტომბერი - ეს დღე ისტორიაში
Date:  990

27 ოქტომბერი — გრიგორიანული კალენდრის მე-300 დღე (ნაკიან წლებში – 301-ე დღე). წლის ბოლომდე დარჩენილია 65 დღე.

დღის მოვლენები

  • 1275 : ამსტერდამის დაფუძნების ტრადიციული თარიღი.
  • 1553 : ერეტიკოსად შერაცხილი მიგელ სერვეტი ჟენევასთან კოცონზე დაწვეს.
  • 1644 : ნიუბურის მეორე ბრძოლა ინგლისის სამოქალაქო ომში.
  • 1682 : პენსილვანიაში ქალაქი ფილადელფია დაარსდა.
  • 1795 : აშშ და ესპანეთი მადრიდის ხელშეკრულებას დებენ, რითაც განისაზღვრა საზღვარი ესპანურ კოლონიებსა და აშშ-ს შორის.
  • 1795 : კამპოფორმიოს ზავი დაიდო საფრანგეთსა და ავსტრიას შორის.
  • 1810 : აშშ-მ დაიპყრო ყოფილი ესპანეთის კოლონია დასავლეთ ფლორიდა.
  • 1904 : ნიუ-იორკის მეტროს პირველი ხაზი გაიხსნა; სისტემა მალე აშშ-ში უდიდესი და მსოფლიოში ერთ-ერთი უდიდესი გახდა.
  • 1924 : უზბეკეთის სსრ დაარსდა საბჭოთა კავშირში.
  • 1953 : ბრიტანეთის ბირთვული გამოცდა ტოტემ 2 განხორციელდა ემუს ველზე სამხრეთ ავსტრალიაში.
  • 1971 : კონგოს დემოკრატიულ რესპუბლიკას ზაირი დაარქვეს.
  • 1990 : ყირგიზეთის სსრ-ის უზენაესი საბჭო ქვეყნის პირველ პრეზიდენტად ასკარ აკაევს ირჩევს.
  • 1991 :
    • თურქმენეთმა დამოუკიდებლობა გამოაცხადა სსრ კავშირისაგან.
    • ჩეჩნეთის პრეზიდენტად დანიშნულ იქნა ჯოჰარ დუდაევი.
  • 1998 : გერჰარდ შრიოდერი გერმანიის კანცლერი გახდა.
  • 1999 : სომხეთის პარლამენტის შენობაზე განხორციელებული თავდასხმის შედეგად დაიღუპა პრემიერ-მინისტრი ვაზგენ სარკისიანი და ექვსი პარლამენტარი.
  • 2008 : პარლამენტის ყოფილი თავმჯდომარე ნინო ბურჯანაძე ახალ, მკვეთრად ოპოზიციურ, პარტიას დემოკრატიული მოძრაობა — ერთიანი საქართველო აყალიბებს.
  • 2011 :
    • არაბული გაზაფხულის 5 აქტივისტი, მოჰამედ ბუაზიზი (ტუნისი), ასმაა მაჰფუზი (ეგვიპტე), აჰმედ ალ-სენუსი (ლიბია), ალი ფარზატი და რაზან ზეიტუნეჰი (სირია), სახაროვის პრემიით დააჯილდოეს.
    • ირლანდიის საპრეზიდენტო არჩევნებში, 70 წლის პოეტმა, ლეიბორისტმა მაიკლ ჰიგინსმა გაიმარჯვა.
  • 2013 : გიორგი მარგველაშვილი საქართველოს პრეზიდენტად აირჩიეს.
  • 2016
    • იეზიდი უფლებების დამცველები ნადია მურადი და ლამია აჯი ბაშარი სახაროვის პრემიის ლაურეატები გახდნენ.
    • 46-ე მცდელობის შემდეგ ლიბანის პრეზიდენტად მიშელ აუნი აირჩიეს.
  • 2019 : არგენტინის პრეზიდენტად პერონისტი ალბერტო ფერნანდესი აირჩიეს.

ამ დღეს დაბადებულნი

  • 1466 : ერასმუსი — ნიდერლანდელი თეოლოგი (გ.1536)
  • 1728 : კაპიტანი კუკი — ინგლისელი მოგზაური და მკვლევარი.
  • 1782 : პაგანინი, ნიკოლო — იტალიელი მევიოლინე, კომპოზიტორი (გ.1840)
  • 1840 : გოგებაშვილი, იაკობ — ქართველი პედაგოგი და საბავშვო მწერალი.
  • 1858 : რუზველტი, თეოდორ — აშშ-ის 26-ე პრეზიდენტი (გ.1919)
  • 1862 : ანდრონიკაშვილი (ზურაბიშვილი), ქეთევან — ქართველი მსახიობი
  • 1900 : ჟაროვი, მიხეილ — საბჭოთა ეპოქის რუსი მსახიობი და რეჟისორი (გ.1981)
  • 1904 : ასტაუროვი, ბორის — საბჭოთა ბიოლოგი-ციტეგენეტიკოსი (გ.1974)
  • 1986 : მაყაშვილი, რუსუდან — ქართველი მსახიობი

ამ დღეს გარდაცვლილნი

  • 1439 : ალბრეხტ II — გერმანიის, უნგრეთის და ჩეხეთის მეფე.
  • 1505 : ივანე III — რუსეთის მეფე (დ.1440)
  • 1949 : ჰალასი, ფრანტიშეკ — ჩეხი პოეტი (დ.1901)
  • 1980 : წერეთელი, დავით — ქართველი ფერმწერი
  • 2013 : ლუ რიდი — ამერიკელი როკ-მუსიკოსი

დღესასწაულები

  • მართლმადიდებელი ეკლესია აღნიშნავს შემდეგი წმინდანების ხსენების დღეს:
    • ნაზარი და კელსი, გერვასი და პროტასი
    • სილუანე ხუცესი
    • პარასკევა სერბი
  • აგრეთვე:
    • თურქმენეთი : დამოუკიდებლობის დღე
    • სენტ-ვინსენტი და გრენადინები : დამოუკიდებლობის დღე
analytics
The Daily Telegraph - ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს

ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.

გთავაზობთ სტატიას შემოკლებით:

დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.

დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.

აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.

კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.

უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?

როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.

რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.

ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან)  ამასწინანდელი საჰაერო შეტაკების გამო.

არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.

იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.

ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.

თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.

See all
Survey
ვინ გაიმარჯვებს რუსეთ - უკრაინის ომში?
Vote
By the way