25 ნოემბერი — გრიგორიანული კალენდრის 329-ე დღე (ნაკიან წლებში – 330-ე დღე). წლის ბოლომდე დარჩენილია 36 დღე.

დღის მოვლენები

• 1491 : ესპანეთში მავრების ბოლო საყრდენის - გრანადის - ალყა იწყება.
• 1500 : ქრისტეფორე კოლუმბი თავის მესამე მოგზაურობიდან ესპანეთში ბრუნდება
• 1667 : მიწისძვრამ შემახაში, აზერბაიჯანი, 80 000 ადამიანი იმსხვერპლა.
• 1758 : ქალაქი პიტსბურგი დაარსდა პენსილვანიაში.
• 1783 : ამერიკის რევოლუციური ომი - ბრიტანეთის ბოლო ჯარები ტოვებს ქალაქ ნიუ-იორკს პარიზის ხელშერკულების ხელმოწერიდან სამ თვეში.
• 1795 : პოლონეთის დაყოფა - დამოუკიდებელი პოლონეთის ბოლო მეფე სტანისლაუს პონიატოვსკი იძულებით გადააყენეს და რუსეთში გადაასახლეს.
• 1867 : ალფრედ ნობელმა დინატიმი დააპატენტა.
• 1905 : დანიის პრინცი კარლი ნორვეგიაში ჩავიდა და ქვეყნის მეფედ - ჰააკონ VII-დ აკურთხეს.
• 1918 : ვოევოდინა, ყოფილი ავსტრია-უნგრეთის მიწა, სამეფოს გამოეყო და თავი სერბეთის ნაწილად გამოაცხადა.
• 1936 : ბერლინში გერმანია და იაპონია ანტიკომინტერნის პაქტს აწერენ ხელს საბჭოთა კავშირისგან თავის ერთობლივი ძალებით დასაცავად.
• 1940 : მცხეთის არქეოლოგიური გათხრებისას აღმოაჩინეს არმაზის ბილინგვა.
• 1941 : ფინეთი ანტიკომინტერნის პაქტს შეუერთდა.
• 1947 : წითელი პანიკა - „ჰოლივუდის ათეული“ კინოსტუდიებმა შავ სიაში შეიყვანეს.
• 1950 : ჩინეთის სახალხო რესპუბლიკა კორეის ომში ჩაერთო და ათასობით ჯარისკაცი გაგზავნა მდინარე იალუს გაღმა გაეროს ჯარებთან საბძოლველად.
• 1975 : სურინამი ნიდერლანდებისგან დამოუკიდებლობას აცხადებს.
• 1992 : ჩეხოსლოვაკიის ფედერალური ასამბლეა ქვეყნის ჩეხეთად და სლოვაკეთად გაყოფას აძლევს ხმას.
• 2000 : ბაქოში მიწისძვრა მოხდა.
• 2009 : საინვესტიციო კომპანია Dubai World, რომელსაც დუბაის მთავრობა ფლობს, კრედიტორებს ექვსთვიან მორატორიუმს სთხოვს $59-მილიარდიან ვალზე, რასაც რეგიონის ფინანსური ბაზრების კრიზისი მოყვა.
• 2016 : კუბის რევოლუციის ლიდერი ფიდელ კასტრო 90 წლის ასაკში გარდაიცვალა.

ამ დღეს დაბადებულნი

• 1493 : ოსანა კოტორელი – კათოლიკე განდეგილი კოტორიდან.
• 1562 : ლოპე დე ვეგა — ესპანელი დრამატურგი და პოეტი (გ. 1635)
• 1858 : კაპუსი, ალფრედ — ფრანგი ჟურნალისტი და დრამატურგი (გ.1922)
• 1870 : საკაი ტოსიჰიკო — იაპონიის საზოგადო მოღვაწე და პუბლიცისტი (გ.1933)
• 1881 : იოანე XXIII — რომის პაპი (გ.1963)
• 1897 : გრანელი, ტერენტი — ქართველი პოეტი.
• 1915 : პინოჩეტი, აუგუსტო — ჩილეს გენერალი, პრეზიდენტი (გ. 2006)
• 1922 : ბაიაძე, ვასილ — ქართველი კრიტიკოსი (გ. 1993)
• 1926 : ანდერსონი, პოლ — ამერიკელი მწერალი (გ. 2001)
• 1959 : არტურო პერეს-რევერტე — ესპანელი ნოველისტი.
• 1960 : გრანტი, ემი — ამერიკელი მომღერალი
• 1988 : ნოდარ ქუმარიტაშვილი — ქართველი მოციგავე

ამ დღეს გარდაცვლილნი

• 1763 : ანტუან ფრანსუა პრევო — ფრანგი მწერალი
• 1885 : ალფონსო XII — ესპანეთის მეფე
• 1981 : ასლანიკაშვილი, ალექსანდრე — ქართველი გეოგრაფ-კარტოგრაფი
• 1990 : მერაბ მამარდაშვილი — ქართველი ფილოსოფოსი

დღესასწაულები

• მართლმადიდებელი ეკლესია აღნიშნავს შემდეგი წმინდანების ხსენების დღეს:

• • იოანე მოწყალე
  • ნილოს მმარხველი
  • აქია წინასწარმეტყველი
  • ნილოს მირონმდინარე