,
2025 წელს საქართველოს მთავრობა უცხოეთის სახელმწიფოებისგან და საერთაშორისო დონორული ორგანიზაციებიდან 91.5 მილიონი ლარით ნაკლებ გრანტებს მიიღებს, - ამის შესახებ 2025 წლის სახელმწიფო ბიუჯეტის პროექტიდან ირკვევა. ფინანსთა სამინისტროს თანახმად, მომდევნო წელს საერთაშორისო დონორული ორგანიზაციებიდან და უცხოეთის სახელმწიფოებისგან ბიუჯეტი გრანტების სახით 58.3 მილიონ ლარს მიიღებს, რაც 2024 წელთან შედარებით 61%-ით ნაკლებია.
შემცირება შეეხება როგორც მიმდინარე დანიშნულების, ასევე კაპიტალურ პროექტებს, რომლებიც საქართველოში საერთაშორისო დონორების მხარდაჭერით ხორციელდება.
საქართველოს მთავრობა დონორული დაფინანსების ყველაზე დიდ ნაწილს ყოველწლიურად ევროკავშირისგან იღებს, თუმცა მომდევნო წელს ყველაზე მეტად სწორედ ევროკავშირის გრანტები შემცირდება. მათ შორის 2024 წელს არსებული 63 მილიონი ლარიდან 0 ლარამდე მცირდება პროექტი "ევროკავშირი ინტეგრირებული ტერიტორიული განვითარებისთვის".
24 ივნისს ევროკომისარმა ჯოზეფ ბორელმა განაცხადა, რომ საქართველოს ხელისუფლების მიერ რუსული კანონის მიღების და ევროკავშირის მიმართულებით სვლის შეჩერების გათვალისწინებით, ევროკავშირი მთავრობისთვის ფინანსური დახმარების გადახედვას განიხილავდა.
მიმდინარე და კაპიტალური დანიშნულების პროექტები, რომლებშიც ძირითადი დონორი ევროკავშირია 2025 წელს შემდეგ დაფინანსებას მიიღებს:
| პროექტის სახელწოდება | დაფინანსება 2024 წელს | დაფინანსება 2025 წელს (ლარი) |
| აჭარის სოფლების წყალმომარაგებისა და წყალარინების პროგრამა, საქართველო (KfW, EU) | 5,000,000 | 7,000,000 |
| ევროკავშირი ინტეგრირებული ტერიტორიული განვითარებისთვის (EU) | 63,000,000 | 0 |
| EU4 მდგრადი მმართველობა და მოქნილობა (EU) | 7,500,000 | 0 |
| ეკონომიკური მმართველობა და ფისკალური ანგარიშგება (EU) | 0 | 0 |
| უნარების განვითარება და დასაქმების ბაზრის მოთხოვნებთან შესაბამისობაში მოყვანა (EU) | 12,600,000 | 0 |
| ეკონომიკის და ბიზნესის განვითარება საქართველოში (EU) | 0 | 0 |
| ENPARD IV - ევროპის სამეზობლო პროგრამა სოფლის მეურნეობისა და სოფლის განვითარებისთვის IV (EU) | 16,900,000 | 0 |
| ქალაქ ხაშურის და მიმდებარე დასახლებების წყალმომარაგებისა და წყალარინების სისტემების მომსახურების გაუმჯობესება (AFD, EU) | 2,400,000 | 2,000,000 |
| ვარდნილისა და ენგურის ჰიდროელექტროსადგურების რეაბილიტაციის პროექტი (EIB, EU, EBRD) | 0 | 6,000,000 |
| სულ | 107,400,000 | 15,000,000 |
| პროექტის სახელწოდება | დაფინანსება 2024 წელს | დაფინანსება 2025 წელს (ლარი) |
| ენერგეტიკის სექტორის რეფორმის პროგრამა საქართველოში (KfW) (KfW, EU-NIF) | 3,000,000 | 2,500,000 |
| მერძევეობის დარგის მოდერნიზაციის და ბაზარზე წვდომის პროგრამა (DiMMA) (IFAD) | 2,500,000 | 7,100,000 |
| თბილისის საჯარო სკოლების რეაბილიტაციისა და ენერგოეფექტურობის გაზრდის პროექტი (E5P, CEB) | 5,300,000 | 6,000,000 |
| საქართველოში საჯარო შენობების ენერგოეფექტურობის გაუმჯობესება და განახლებადი-ალტერნატიული ენერგიის გამოყენება (E5P, NEFCO) | 0 | 0 |
| საქართველოს მთიან რეგიონებში საჯარო სკოლების რეაბილიტაცია და ენერგოეფექტურობის გაუმჯობესება (E5P, NEFCO) | 2,000,000 | 7,500,000 |
| ჩრდილოეთის რგოლი (EBRD), ნამახვანი - წყალტუბო - ლაჯანური (EBRD, EU-NIF, KfW) | 1,450,000 | 500,000 |
| გურიის ელგადაცემის ხაზების ინფრასტრუქტურის გაძლიერება (KfW, EU-NIF) | 150,000 | 0 |
| 500 კვ ეგხ "წყალტუბო-ახალციხე-თორთუმი" (KfW, EU-NIF) | 1,000,000 | 900,000 |
| ქვემო ქართლის მყარი ნარჩენების პროექტი (EBRD, SIDA) | 1,600,000 | 0 |
| დაცული ტერიტორიების განვითარება (CNF, WB-TF) | 2,300,000 | 1,800,000 |
| რეგიონალური და მუნიციპალური ინფრასტრუქტურის განვითარების პროექტი II (WB, WB-TF) | 0 | 0 |
| საქართველოს ადამიანური კაპიტალის პროგრამა (AFD, WB) | 2,500,000 | 0 |
| ენერგოეფექტურობა საჯარო შენობებში (KfW, EBRD) | 600,000 | 0 |
| ენერგეტიკის სექტორის ღია პროგრამა (KfW) | 700,000 | 100,000 |
| იმერეთის და ყაზბეგის მუნიციპალიტეტებში კომუნალური ინფრასტრუქტურის გაუმჯობესება (KfW) | 2,000,000 | 450,000 |
| აჭარის სოფლების წყალმომარაგებისა და წყალარინების პროგრამა, საქართველო (KfW, EU) | 0 | 0 |
| ენერგოეფექტურობა საჯარო შენობებში (KfW, EBRD) | 2,300,000 | 0 |
| პროფესიული განათლების პროგრამა 1 (KfW) | 1,500,000 | 1,900,000 |
| მყარი ნარჩენების ინტეგრირებული მართვის პროგრამა II (KfW) | 1,000,000 | 525,000 |
| მდგრადი ურბანული მობილობა (KfW) | 0 | 1,000,000 |
| ბიომრავალფეროვნება და მდგრადი ადგილობრივი განვითარება საქართველოში (KfW) | 11,500,000 | 7,500,000 |
| ენერგოეფექტურობის ღონისძიებები და შენობების ევროკავშირის ენერგოეფექტურობის სტანდარტებთან მიახლოება (KfW) | 0 | 5,000,000 |
| ბათუმის მუნიციპალური ინფრასტრუქტურა (ფაზა V) (KfW) | 1,000,000 | 500,000 |
| ქუთაისის წყალარინების პროექტი (EIB, EPTATF) | 1,200,000 | 2,000,000 |
