,
სატელევიზიო რეკლამის ლანდშაფტი მუდმივად იცვლება და ვითარდება, რაც გამოწვეულია აუდიტორიის ქცევის ცვლილებებით, ტექნოლოგიური განვითარებითა და ბაზრის დინამიკით. ცვლილებების მიუხედავად, ერთი რამ ცხადია, სატელევიზიო სარეკლამო ბაზარი არ კარგავს მნიშვნელობას, მეტიც, მთელ სარეკლამო ინდუსტრიაში TV რეკლამას მნიშვნელოვნად დიდი წილი უკავია.
ბოლო ორი წლის მონაცმებს თუ შევადარებთ ვნახავთ, რომ ქვეყანაში მოწინავე ინდუსტრიების ზრდა კორელაციაშია ამავე სექტორების მიერ სატელევიზიო რეკლამის განთავსებების ზრდასთან.
2023 წელს, წინა წელთან შედარებით, ჯამურად სარეკლამო ბაზრის 16% -იანი ზრდა დაფიქსირდა. როგორც ცხრილზე ვხედავთ, აქტიურობის კუთხით გამოირჩეოდნენ უძრავი ქონების, კვების, სილამაზისა და ჯანმრთელობის კატეგორიის ბრენდები. განსაკუთრებული ზრდა დაფიქსირდა სამშენებლო კომპანიების კატეგორიაში და მათ მთლიან სატელევიზიო სარეკლამო ბაზრის 8% დაიკავეს. დეველოპერულ კომპანიებს შორის ტოპ განმთავსებელი “არქი ჯგუფია”, რომელსაც შესაბამის კლასტერში 30%-იანი წილი უჭირავს. ასევე, განსაკუთრებული ზრდა აღინიშნება კვების (43%-იანი ზრდა) და “სილამაზე და ჯანმრთელობის” (81%-იანი ზრდა) კატეგორიებში.
უფრო დეტალური და თვალსაჩინო ინფორმაციისთვის შეგიძლიათ იხილოთ სატელევიზიო ბაზრის ინტერაქციური რუქა:
აქვე გადავხედოთ მედია პლათფორმებს, რომლებზეც ბიზნესები ახორციელებენ ძირითად სარეკლამო განთავსებებს. საქართველოში არსებული სატელევიზიო რეიტინგების ორივე მთვლელი კომპანიის შედეგების მიხედვით, ტელეკომპანია “იმედი” წელსაც ყველაზე პოპულარულ სატელევიზიო არხად რჩება.
საქართველოში ტელევიზიებს მეტწილად რეალურ დროში უყურებენ. შესაბამისად, ტელეყურების საერთო მონაცემებში, გადახვევით ყურების პროცენტი დაბალია. თუმცა, ცალკეული არხების მაჩვენებელი საკმაოდ განსხვავებულია და მათი გადახვევით ყურების წილი ასე გამოიყურება:
სატელევიზიო აუდიტორიის დემოგრაფიული დაყოფა უმნიშვნელოვანესია რეკლამის განმთავსებლებისთვის. ბოლო ტენდენციები მიუთითებს ასაკობრივ ჯგუფებში მაყურებელთა შესამჩნევ ცვლილებაზე. ტრადიციული მედიის მაყურებელი უფრო მაღალ ასაკობრივ ჯგუფებში შეიმჩნევა, თუმცა, შეინიშნება ახალგაზრდა აუდიტორიის ინტერესიც ამ მედიუმის მიმართ.
დემოგრაფიული მაჩვენებლებიდან გამომდინარე, არ არის გასაკვირი თუ რა ჟანრის გადაცემები აინტერესებს ქართველ მაყურებელს. ტელეყურებადობაში მნიშვნელოვან წილს, 43%-ს იკავებს სერიალები (ქართული სატელევიზიო სივრცე ძირითადად თურქული სერიალებითაა გაჯერებული), შემდეგ მოსდევს საინფორმაციო გამოშვებები, 22%-იანი წილით.
საქართველოში, ტელევიზიას ყველაზე დიდი აუდიტორია იანვარსა და თებერვალში ჰყავდა, ყველაზე მცირე კი – ივლისსა და აგვისტოში, რაც შეიძლება ითქვას რომ გლობალური ტრენდის ანალოგიურია.
როგორც დასაწყისში აღვნიშნეთ, სატელევიზიო სარეკლამო ინდუსტრიის პერიოდული ანალიზი კარგი საშუალებაა სწორად დაგეგმოთ მარკეტინგული და ბიზნეს ამოცანები. თქვენ შეგიძლიათ მიიღოთ 2023 წლის სატელევიზიო სარეკლამო ბაზრის სრული რეპორტი. დაბლა ფანჯარაში მიუთითეთ თქვენი მონაცემები და ჩვენ მეილზე გამოგიგზავნით აღნიშნულ რეპორტს.
წყარო:https://www.marketer.ge/
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
A Flourish hierarchy chart