17 ოქტომბერი — გრიგორიანული კალენდრის 290-ე დღე (ნაკიან წლებში – 291-ე დღე). წლის ბოლომდე დარჩენილია 75 დღე.

დღის მოვლენები

ძვ. წ. 538 : სპარსეთის მეფე კიროსი ბაბილონს იღებს; 70 წლის განმავლობაში მონობაში მყოფ ებრაელებს ათავისუფლებს და ისტორიაში პირველ ადამიანთა უფლებების დეკლარაციას აკეთებს.

1244 : ფორბიის ბრძოლა - ხორეზმელებმა და ეგვიპტელებმა ჯვაროსნები დაამარცხეს.

1604 : კეპლერის ვარსკვლავი - გერმანელი ასტრონომი იაჰანეს კეპლერი აკვირდება განსაკუთრებით კაშკაშა ვარსკვლავის გაჩენას ოფიუხუსის თანავარსკვლავედის არეში. ეს მოვლენა მიჩნეულია ჩვენს გალაქტიკაში ( ირმის ნახტომი) ზეახალი ვარსკვლავის ბოლო მოვლენად.

1777 : სარატოგას ბრძოლა - ამერიკელებმა დიდი ბრიტანეთის ჯარები დაამარცხეს.

1781 : გენერალი ჩარლზ კორნუილისი ამერიკის რევოლუციურ არმიას დანებდა იორკტაუნთან, ვირჯინია.

1888 : თომას ედისონი აპატენტებს ოპტიკურ ფონოგრაფს (პირველი კინოფილმი).

1912 : ოსმალეთს ომი გამოუცხადეს ბულგარეთმა, საბერძნეთმა და სერბეთმა, რითაც შეუერთდნენ მონტენეგროს ბალკანეთის პირველ ომში.

1931 : ალ კაპონე დააპატიმრეს საშემოსავლო გადასახადისგან თავის არიდების გამო.

1933 : ალბერტ აინშტაინი ნაცისტური გერმანიისგან აშშ-ს აფარებს თავს.

1945 : ზღვა ხალხი შეიკრიბა მაიოს მოედანზე ბუენოს-აირესში ხუან პერონის გათავისუფლების მოთხოვნით. ამ დღეს პერონის მომხრეები მოიხსენიებენ, როგორც სან-პერონს. ეს დღე პერიონიზმის დაბადების დღედ ითვლება.

1957 : ალბერ კამი ნობელის პრემიით დაჯილდოვდა ლიტერატურის დარგში.

1961 : დაახლოებით 200 (ზოგიერთი მონაცემებით 400) მშვიდობიანი ალჟირელი მომიტინგე დახვრიტა პარიზის პოლიციამ.

1961 : გაიხსნა სკკპ XXII ყრილობა, რომელზეც მიიღეს სკკპ-ის მესამე პროგრამა და მიზნად დაისახა 1980 წლისთვის კომუნისტური საზოგადოების აშენება.

1965 : ნიუ-იორკის მსოფლიო გამოფენა დაიხურა ორწლიანი ფუნქციონირების შემდეგ. იგი 51 მილიონზე მეტმა ადამიანმა დაათვალიერა.

1973 : ოპეკი აცხადებს ნავთობის ემბარგოს ზოგიერთი დასავლური ქვეყნისთვის, რომლებიც მხილებულ იქნენ ისრაელისთვის სირიასთან ომში დახმარებისთვის.

1976 : დინხა IV აკურთხეს აღმოსავლეთის ასურული ეკლესიის კათოლიკოს-პატრიარქად.

1979 : დედა ტერეზას მიენიჭა ნობელის მშვიდობის პრემია.

2009 :

ჯენსონ ბატონი და ჯგუფი Brawn GP 2009 წლის ფორმულა 1-ის მსოფლიო ჩემპიონები გახდნენ.

პაკისტანის არმიამ თალიბანის წინააღმდეგ სამხრეთ ვაზირისტანში სამხედრო ოპერაცია დაიწყო. ოპერაციას წინ უძღოდა ორი კვირის მანძილზე თავდასხმები თალიბანის მხრიდან, რასაც 160-მდე ადამიანი ემსხვერპლა.

2013 : ჩადი, ნიგერია, ჩილე, ლიეტუვა და საუდის არაბეთი გაეროს უშიშროების საბჭოს წევრებად აირჩიეს, თუმცა საუდის არაბეთმა უარი თქვა კუთვნილი ადგილის დაკავებაზე.

2021 : ჟოზე მარია ნევეში კაბო-ვერდეს პრეზიდენტად აირჩიეს.

ამ დღეს დაბადებულნი

1838 : უმიკაშვილი, პეტრე — ქართველი საზოგადო მოღვაწე და ფოლკლორისტი

1912 : იოანე-პავლე I — რომის პაპი (გ.1978)

1915 : მილერი, ართურ — ამერიკელი დრამატურგი (გ. 2005)

1972 : ემინემი — ამერიკელი რეპერი

1979 : რაიკონენი, კიმი — ფინელი ავტომრბოლელი

ამ დღეს გარდაცვლილნი

1849 : შოპენი, ფრედერიკ — პოლონელი პიანისტი, კომპოზიტორი (დ. 1810)

1887 : კირხჰოფი, გუსტავ — გერმანალი ფიზიკოსი (დ. 1824)

1893 : პატრიკ მაკ-მაჰონი — საფრანგეთის პრეზიდენტი

2011 : რამაზ ჩხიკვაძე — ქართველი მსახიობი (დ. 1928)

დღესასწაულები

მართლმადიდებელი ეკლესია აღნიშნავს შემდეგი წმინდანების ხსენების დღეს:

ევდემოზ I კათოლიკოსი

იეროთეოს ათენელი

გაიოზი, ფავსტო, ევსები და ქერიმონი

პეტრე კაპეტოლიელი

წმინდა დომნინა და ორნი ასულნი მისნი - ვირინეა (ვერონიკა) და პროსკუდია (პროსდოკა)

ღირსი ამონი

ღირსი პავლე

წმინდა დავიქტი (ავდაქტი) და ასული მისი კალისთენია

სტეფანე შალიანოვიჩი

აგრეთვე:

ქართული მართლმადიდებლური ეკლესია და სომხური სამოციქულო ეკლესია წმ. შუშანიკ წამებულის ხსენების დღეს აღნიშნავს.

გაერო : სიღარიბის მოსპობის საერთაშორისო დღე