USD 2.6978
EUR 2.9112
RUB 2.9177
თბილისი
12 აპრილს საქართველომ $500-მილიონიანი ვალი უნდა დაფაროს
თარიღი:  518

12 აპრილს საქართველოს მთავრობამ 10 წლის წინ გამოშვებული ევროობლიგაციების ძირი თანხა - $500 მილიონი დოლარი უნდა დაფაროს. ვალის მომსახურება მისი რეფინანსირებით უნდა მოხდეს, რაც მის სანაცვლოდ ახალი $500-მილიონიანი ევროობლიგაციების გამოშვებას ნიშნავს.

საქართველოს მთავრობამ ევრობონდების რეფინანსირებისთვის მზადება და საერთაშორისო საინვესტიციო ბანკებთან - JP Morgan-თან, Goldman Sachs-თან და ICBC-თან მოლაპარაკებები მარტში დაიწყო. ამ მოლაპარაკებების შედეგების და ახალი ევრობონდის გამოშვების თარიღის შესახებ მთავრობას საჯაროდ ინფორმაცია ამ დრომდე არ გაუვრცელებია. შესაბამისად, იზრდება ალბათობა რომ ამ სესხის მომსახურებისთვის ორშაბათს არა ახალი სესხი, არამედ ფინანსთა სამინისტროს ანგარიშზე არსებული ბიუჯეტის ნაშთი გამოიყენოს და დანაკლისი მხოლოდ შემდგომში ახალი $500-მილიონიანი ვალის აღების შემდეგ შეივსოს.

2011 წელს გამოშვებული სუვერენული ევროობლიგაციის განაკვეთი 6.875%-ს შეადგენდა. იმის გამო, რომ საქართველოს საკრედიტო რეიტინგი 2011 წლის შემდგომ გაუმჯობესებულია, სავარაუდოდ რისკის პრემია, რასაც ინვესტორები რეფინანსირებულ $500 მილიონიან სესხს დააკისრებენ 6.875%-ზე ნაკლები უნდა იყოს.

ევრობონდების რეფინანსირების პროცესში ჩართულ მხარეებს წარმოადგენენ ქართული საინვესტიციო ბანკები Galt & Taggart-ი და TBC Capital-ი. მარტის ბოლოს TBC Capital-ის ხელმძღვანელმა მერი ჩაჩანიძემ BMG-ს განუცხადა, რომ, მათი მოლოდინით, ახალი ვალის მოზიდვას საქართველო ბევრად უფრო ხელსაყრელი პირობებით შეძლებს.

“როგორც სახელმწიფოს, ასევე ბანკებს, რომლებიც ჩართული ვართ ამ პროცესში, გვაქვს მოლოდინი, რომ მნიშვნელოვნად დაბალ კუპონში მოხდება ობლიგაციების განთავსება. საქმე ისაა, რომ საქართველო დღეს ბევრად განსხვავებული ქვეყანაა, ვიდრე იყო 2008 ან 2011 წელს; დღეს ბევრად გაუმჯობესებულია ქვეყნის სუვერენული რეიტინგი. ეს კი იმას ნიშნავს, რომ უკეთესი პროცენტი გვექნება. ასეთი საჯარო განთავსების დროს, ერთ-ერთი მნიშვნელოვანი კომპონენტი არის ის, თუ რა სიტუაციაა ბაზარზე და დღესდღეობით, იანვრიდან მოყოლებული, ფასიანი ქაღალდების ბაზარი იყო ძალიან კარგ მდგომარეობაში. ამის შესანიშნავი მაგალითია სომხეთი, რომელმაც უპრეცედენტოდ დაბალ კუპონში შეძლო ფასიანი ქაღალდის გამოშვება, მიუხედავად იმისა, რომ სომხეთს ჩვენზე ორი საფეხურით დაბალი რეიტინგი აქვს”,- BMG-სთან ინტერვიუში განაცხადა მერი ჩაჩანიძემ.

საქართველომ $500-მილიონიანი ევროობლიგაციები პირველად 2008 წელს გამოუშვა, ამ ფასიანი ქაღალდების რეფინანსირება 2011 წელს მოხდა, სწორედ მათი მომსახურება უნდა მოხდეს 12 აპრილს. მნიშვნელოვანია განსხვავება ლარებში ამ ვალდებულებების მოცულობებს შორის. 2011 წელს, ევრობონდების გამოშვების დროს $500 მილიონი დოლარის ღირებულება 832 მილიონი ლარი იყო, ამჟამად კი $500 მილიონი 1.71 მილიარდი ლარია, რაც 10 წლის წინანდელ თანხას 2-ჯერ აღემატება.

ფინანსთა ყოფილმა მინისტრმა ივანე მაჭავარიანმა BMG-ს გასული წლის ოქტომბერში განუცხადა, რომ მთავრობა ევრობონდების რეფინანსირებასთან ერთად მათი ახალი ვალის აღების გარეშე განიხილავდა. თუმცა, წლის ბოლოს გაუარესებული ეკონომიკური პირობების ფონზე, მთავრობამ ვალის რეფინანსირების გადაწყვეტილება მიიღო.

სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.