11 ივლისი — გრიგორიანული კალენდრის 192-ე დღე (ნაკიან წლებში – 193-ე დღე). წლის ბოლომდე დარჩენილია 173 დღე.

დღის მოვლენები

1735 : მათემატიკური გამოთვლები მიანიშნებს, რომ ამ დღეს პლუტონმა გადაინაცვლა მზის სისტემაში სიშორით მეცხრედან მერვე ადგილზე ბოლოჯერ 1979 წლამდე.

1789 : ჟაკ ნეკერის საფრანგეთის ფინანსთა მინისტრის პოსტიდან გადაყენება იწვევს ბასტილიის შტურმის დაწყებას.

1789 : მათხოჯის ბრძოლა: ერეკლე II-ისა და ოდიშის ლაშქრის დახმარებით დავით არჩილის ძე ამარცხებს იმერთა მეფე დავით II-ს და ადის ტახტზე სოლომონ II-ის სახელით.

1811 : იტალიელი მეცნიერი ამედეო ავოგადრო (სურათზე) აქვეყნებს ჰიპოთეზას აირების მოლეკულურ სტრუქტურაზე, რომელსაც დღეს ავოგადროს კანონი ჰქვია.

1893 : კოკიჩი მიკიმოტომ პირველად მოახერხა მარგალიტის ხელოვნურად მოყვანა.

1895 : ძმები ლუმიერები მეცნიერებისთვის აწყობენ კინოფილმის დემონსტრაციას.

1919 : რვასაათიანი სამუშაო დღე და უქმე კვირადღე დაკანონდა ნიდერლანდებში.

1921 : მონღოლეთი დამოუკიდებელი სახელმწიფო გახდა.

1962 : პირველი ტრანსატლანტიკური სატელევიზიო ტრანსმისია გახორციელდა.

1977 : მარტინ ლუთერ კინგს მშვიდობის მედალი მიენიჭა გარდაცვალების შემდეგ.

1995 : სრებრენიცის გენოციდი - სერბთა ჯარები იპყრობენ ბოსნიურ ქალაქ სრებრენიცას. რვა ათასზე მეტი მცხოვრები მოკლულ იქნა. ეს ქმედება ყველაზე საზარელ მოვლენად ითვლება ევროპის უახლეს ისტორიაში.

2007 : პროგრამით პარტნიორობა მშვიდობისთვის საქართველოში ნატოს თოთხმეტ პარტნიორ ქვეყანათა საჰაერო ძალების წვრთნები ჩატარდა (11-19 ივლისი).

2010

ესპანეთის ნაკრები ფიფას მსოფლიო საფეხბურთო თასის მფლობელი გახდა.

ტერაქტების სერიას კამპალაში, უგანდა, 74 ადამიანი ემსხვერპლა.

მზის სრული დაბნელება წყნარი ოკეანის უმეტეს ნაწილზე.

2012 : ასტრონომებმა პლუტონის მეხუთე თანამგზავრი, S/2012 P 1 აღმოაჩინეს.

2021

5 ივლისის აქციის მსხვერპლი, „ტვ პირველის“ ოპერატორი ალექსანდრე ლაშქარავა გარდაიცვალა.

იტალიის ეროვნული საფეხბურთო ნაკრები ფინალში ინგლისს ამარცხებს და 2020 წლის ევროპის ჩემპიონი ხდება.

ამ დღეს დაბადებულნი

1767 : ადამსი, ჯონ კუინსი — აშშ-ის მე-6 პრეზიდენტი (გ.1848)

1876 : ჟაკობი, მაქს — ფრანგი მწერალი და მხატვარი.

ამ დღეს გარდაცვლილნი

1937 : გერშვინი, ჯორჯ — ამერიკელი კომპოზიტორი (დ.1898)

დღესასწაულები

მართლმადიდებელი ეკლესია აღნიშნავს შემდეგი წმინდანების ხსენების დღეს:

აღმოყვანება ნაწილთა წმიდათა და საკვირველთმოქმედთა კვიროს და იოანესი

პავლე მკურნალი

სერგი და გერმანე

ყოვლადწმიდა ღვთისმშობლის სასწაულთმოქმედი ხატი ტრიხერუსა ანუ სამხელიანი

აგრეთვე:

ბენინი : დამოუკიდებლობის დღე

ბურკინა-ფასო : დამოუკიდებლობის დღე

მონღოლეთი : "ნაადამის" დღესასწაული

ნიგერია : დამოუკიდებლობის დღე