რა თვისებები აერთიანებთ იმ ადამიანებს, რომლებმაც თავისი კვალი დატოვეს ისტორიაში. როგორ ახერხებდნენ ისინი წინააღმდეგობების გადალახვას, ხშირად არაპოპულარული გადაწყვეტილებების მიღებას და დინების საწინააღმდეგოდ ცურვას. ხასიათის რომელი შტრიხები ეხმარება ადამიანს გამორჩეულ ლიდერად ჩამოყალიბდეს და უკეთესობისკენ შეცვალოს ის გარემო, რომელშიც ცხოვრობს და მოღვაწეობს..გთავაზობთ 10 რჩევას საყოველთაოდ აღიარებული ლიდერებისგან.

1. მტკიცე წინააღმდეგობა – აბრაამ ლინკოლნი

“ყოველთვის იცოდე, რომ  წარმატების მიღწევის გზაზე შენი გადაწყვეტილებებია მთავარი და არა სხვების“

აბრაამ ლინკონი ამერიკის შეერთებული შტატების მე-16 და ყველაზე მნიშვნელოვანი პრეზიდენტია. სწორედ მისი ძალისხმევით შეძლო ქვეყანამ ცივ ომში თავის გადარჩენა  და მისი პროგრესულობის წყალობით დასრულდა მონათმფლობელობა.  ლინკოლნის მოღვაწეობა კარგი მაგალითია იმისა, რომ ლიდერი, მაშინაც კი, როდესაც არავის სჯერა მისი იდეების მართებულობის, ჯიუტად დარჩეს საკუთარ აზრზე და განაგრძოს სწორი საქმის კეთება.

2. უსაზღვრო სიმამაცე – სანდრა დეი ო კონორი

“იმისთვის, რომ ლიდერები ყოველთვის პატივსაცემი და კულტივირებული ადამიანები იყვნენ, აუცილებელია ლიდერად დადგომის შესაძლებლობა ყველა რასის, ეთნიკური წარმომავლობისა და სარწმუნოების ადამიანს მივცეთ.“

1981 წელს სანდრა დეი ო კონორი ამერიკის მთავარი სასამართლოს პირველი ქალი მოსამართლე გახდა. თავისი მოღვაწეობის 24 წლის მანძილზე ო’კონორმა არაერთი უმნიშვნელოვანესი და საკამათო გადაწყვეტილება მიიღო. აბორტის, არჩევნების, სექსუალური შევიწროების, სიკვდილით დასჯის საკითხებთან დაკავშირებით. ამ დროის მანძილზე მას არასდროს მიუღია კონფორმისტული და მიკერძოებული გადაწყვეტილება, მიუხედავად იმისა, რომ ისინი ხშირად არაპოპულისტური და არაპოპულარული იყო. ამ ქალს არასდროს ეშინოდა სიმართლის თქმის, სიმართლის მხარის დგომის და სიმართლის გატანის.

3. მსხვერპლის გაღება – ნელსონ მანდელა

“მე მივხვდი, რომ სიმამაცე შიშის არქონა კი არა, შიშზე გამარჯვებაა.  მამაცი კაცი არის არა ის, ვისაც არაფრის ეშინია, არამედ ის, ვინც საკუთარ შიშს გადალახავს“

ნელსონ მანდელას, როგორც ერთ-ერთ ყველაზე ჰუმანურ ლიდერსა და უბრალოდ ადამიანს, სჯეროდა, რომ პატიება შურისიებაზე უფრო მნიშვნელოვანი და სიკეთის მომტანია. მანდელა იყო სამხრეთ აფრიკის პირველი პრეზიდენტი, რომელიც დემოკრატიული გზით აირჩიეს. იგი დაუღალავად იბრძოდა რასობრივი თანასწორობისთვის, რის გამოც საბოჟატში დაადანაშაულეს და ციხეში სრული 30 წელი გაატარა. თუმცა მას ეს არასდროს უნანია და თვლიდა, რომ ნამდვილმა ლიდერმა მიზნების მისაღწევად პირადი კომფორტი და თავისუფლებაც კი უნდა დათმოს.

4. ინოვაციურობა და კრეატიულობა – ელეონორ რუზველტი

“მომავალი ეკუთვის მათ, ვისაც საკუთარი ოცნებების ჭეშმარიტების სჯერა.”

ამერიკის 32-ე პრეზიდენტის - ფრანკლინ რუზველტის მეუღლემ ელეონორ რუზველტმა პირველი ლედის როლს სრულიად ახალი მნიშვნელობა შესძინა. იგი მონაწილეობდა რადიო დისკუსიებში, კონფერენციებში, იყო თავგამოდებული უფლებადამცველი და უდიდესი პასუხისმგბლობით ეკიდებოდა სოციალურ საკითხებს.  მას შემდეგაც კი, რაც ფრანკლინ რუზველტი გარდაიცვალა, ელეანორი დაუღალავად აგრძელებდა შრომას იმისთვის, რისიც სჯეროდა. უდიდესი წვლილი მიუძღვის Unicef-ის ჩამოყალიბებაში. შთამაგონებელია მთელი მისი მოღვაწეობა, როგორც დასტური იმისა, რომ ოცნებებისთვის ბრძოლას ყოველთვის აქვს აზრი, განსაკუთრებით მაშინ, თუ ეს ოცნებები ადამიანებს კეთილდღეობას მოუტანს.

5. ურყევი გადაწყვეტილება – როზა პარკსი

“როგორც კი თქვენ თქვენი გადაწყვეტილების სისწორეში დარწმუნდებით, შიში უკვალოდ გაქრება. „

ალბათ, ყველას გვსმენია ისტორია შავკანიან ქალზე, რომელმაც ავტობუსში თეთრი რასის ადამიანს ადგილი არ დაუთმო. მაშინ ეს წარმოუდგენელი იყო, შავკანიანი უპირობოდ დაბალ საფეხურზე მდგომი არსება იყო და არ შეეძლო თავი თეთრზე მაღლა დაეყენებინა. ქალაქ მონტგომერის ერთი პატარა ავტობუსიდან დაწყებული ერთი პატარა ტალღა უზარმაზარ ზვირთად იქცა და შავკანიანთა უფლებების ბრძოლის მოძრაობად ჩამოყალიბდა. უსამართლო კანონის წინააღმდეგ შეუდრეკლად წასვლა და წნეხის მიუხედავად უკან არ დახევა ნამდვილად ის თვისებაა, რომელიც ყოველთვის იქნება მაგალითი არაერთი თაობისთვის.

6. საჭირო კავშირები – ოპრა უინფრი

“შემოიკრიბეთ გარშემო ადამიანები, რომლებიც  სიმაღლეებისკენ წაგიძღვებიან.”  

ჯერ კიდევ იმ დროს, როცა სატელევიზიო გასართობ ინდუსტრიაში ქალების ადგილი საერთოდ არ იყო, ოპრა უინფრიმ საკუთარი იმპერია შექმნა. იგი ცნობილია ოპრა უინფრის შოუს წყალობით, რომელსაც არაერთი ჯილდო აქვს მიღებული და და მსოფლიოში ყველაზე წარმატებულ შოუდაა დასახელებული. თავისი წარმატების საიდუმლოდ ოპრა საჭირო ხალხთან კავშირებს მიაწერს. მხოლოდ ის განვითარებს, გაძლიერებს და წარმატების სურვილს გიღვივებს, ვინც თავადაც იგივე იდეალებით ცხოვრობს და იგივე მიზნებისკენ მიილტვის.

7. კომფორტის ზონიდან გასვლა – ჯოფრი კანადა

“ყველა ეძებს ადგილს, სადაც მისი მოღვაწეობა კომფორტული იქნება და ყველას უნდა მიიღოს ჯილდო იმისთვის, რასაც კომფორტის ზონაში აკეთებს. ეს კი ასე მარტივი არაა“

განათლების სისტემის აქტივისტი ჯოფრი კანადა მთელი 25 წლის მანძილზე იყო ერთგული იმ იდეისა, რომ კომფორტული ყოველთვის კარგი არ არის. მან მთლიანად ამოატრიალა სწავლების მეთოდიკა და შექმნა ახალი სისტემა.  მის ახალ სისტემაში განსხვავებით ძველისგან ადგილი იყო სიღარიბის ზღვარს მიღმა მყოფი, შეზღუდული შესაძლებლობების მქონე ბავშვებისთვის. მან ყველას მისცა სწავლოს შანსი და ამით დაამტკიცა, რომ მთავარია მოვიქცეთ სწორად, და არა ისე, როგორც უფრო გვაწყობს.

8. პასუხისმგებლობის გადანაწილება – ბონო

“თუ კი გაქვს საშუალება ვინმეს ხმა მიაწვდინო და მათი დახმარება სასიკეთოდ გამოიყენო, იყვირე ხმამაღლა“

გარდა იმისა რომ ცნობილი ჯგუფის U2-ს სოლისტი გახლდათ, ბონო მთელი თავისი ცხოვრების მანილზე ცდილობდა ებრძოლა კაცობრიობის მთავარი მტრების - სიღარიბისა და სხვადასხვა დაავადებების წინააღმდეგ.  მან შეძლო და არაერთი მსოფლიო ლიდერი დაარწმუნა, რომ ღარიბი ქვეყნებისთვის დაფინანსება გაეზარდათ და  საქველმოქმედო ფონდებში დიდი თანხები გადაერიცხათ. მისი მოღვაწეობა არაჩვეულებრივი მაგალითია იმისა, თუ როგორ შეიძლება გამოიყენო პლატფორმა და აუდიტორია სწორად და დიდი მიზნებისთვის.  გასცდე პროფესიულ ჭრილს და ამით  არაერთი სიცოცხლე იხსნა.   

9. გაეცი მეტი, მიიღე ნაკლები – ანჯელინა ჯოლი

“შეიძლება ვინმეს სულელიც მოეჩვენოთ, მერე რა! არასდროს შეგაშინოთ სხვისმა აზრმა თქვენს შესახებ“

ცნობილი მსახიობი ანჯელინა ჯოლი დღესდღეობით ქველმოქმედი და არაერთი სოციალური პასუხისმგებლობის მქონე ორგანიზაციის აქტიური წევრია.  მოვლილი აქვს 50-მდე ქვეყანა მშვიდობის მისიით, მათ შორის: ერაყი, სირია, პაკისტანი. მიუხედავად იმისა, რომ მის ამ ნაბიჯებს ხშირად ანგარებას და ამ გზით თავის გამოჩენის შესაძლებლობად მიიჩნევდნენ, ჯოლისთვის ხელი არ შეუშლია საქმიანობა გაეგრძელებინა და ინფლუენსერობა იმ მიზნებისთვის გამოეყენებინა, რასაც თუნდაც 1 ბავშვის სიღარიბისგან გადარჩენა შეელო.  თავად 3 აყვანილი შვილის დედაა და დღესაც ცხოვრების მთავარ მიზნად იმ ადამიანებისთვის ბრძოლა მიაჩნია, რომლებთაც ეს თავად არ ძალუძთ.

10. საკუთარი თავის რწმენა – ჯეფ ბეზოსი

“კომპანია მხოლოდ ოქროსავით ბრწყინვისკენ არ უნდა მიისწრაფვოდეს, ოქრო ხშირად შავდება“

ჯეფ ბეზოსმა, ამაზონის აღმასრულებელმა დირექტორმა ჯერ კიდევ 20 წლის წინ გადაწყვიტა ინტერნეტ ვაჭრობის წამოწყება და უზარმაზარი პლატფორმის შექმნა, ჯერ კიდევ მაშინ, როდესაც ეს იდეა უბრალოდ სასაცილოც კი იყო. მან უბრალოდ პროდუქტი კი არ შესთავაზა ადამიანებს, არამედ მათი ქცევის მოდელის ცვლილება დაისახა მიზნად, რადგან თავად სჯეროდა, რომ ეს მარტივი, კომფორტული და უფრო იაფი იქნებოდა.  მისი გეგმები მომავლის ცვლილებაზე კი არაა დამოკიდებული, არამედ თავისი გეგმებით თავად ცვლის მომავალს.