,
.jpg)
1 ივნისი — გრიგორიანული კალენდრის 152-ე დღე (ნაკიან წლებში - 153-ე დღე). წლის ბოლომდე დარჩენილია 213 დღე.
დღის მოვლენები
193 : რომის იმპერატორი დიდიუს იულიანუსი მოკლეს.
987 : ჰუგო კაპეტი საფრანგეთის მეფე გახდა.
1479 : კოპენჰაგენში გაიხსნა დანიის პირველი უნივერსიტეტი.
1495 : შოტლანდიური ვისკი პირველად მოიხსენიეს წერილობით წყაროებში, კერძოდ სახაზინო წერილებში.
1792 : კენტუკი გახდა აშშ-ს მე-15 შტატი.
1796 : ტენესი გახდა აშშ-ს მე-16 შტატი.
1831 : ჯეიმზ კლარკ როსმა ჩრდილოეთის მაგნიტური პოლუსი აღმოაჩინა
1838 : ხელოვნების მოღვაწეებმა ბატონყმობიდან გამოისყიდეს უკრაინელი პოეტი ტარას შევჩენკო.
1862 : აშშ-ს მთელ ტერიტორიაზე აიკრძალა მონობა.
1880 : აშშ-ის შტატ კონეკტიკუტის ქალაქ ნიუ ჰეივენის ბანკის შენობაში ამოქმედდა პირველი ფასიანი ტელეფონი.
1920 : ამერიკის სენატმა უარყო აშშ-ს პრეზიდენტის, ვუდრო ვილსონის, წინადადება სომხეთისთვის ამერიკის პროტექტორატის შესახებ.
1925 : შეიქმნა ამერიკული საავტომობილო კომპანია კრაისლერი.
1935: ინგლისში სავალდებულო გახდა ავტომობილის მართვის მოწმობისთვის გამოცდების ჩაბარება და სანომრე ნიშნები.
1962 : ადოლფ აიხმანი ჩამოახრჩვეს ისრაელში.
1967 : The Beatles-მა გამოსცა Sgt. Pepper's Lonely Hearts Club Band, მიჩნეული ყველა დროის საუკეთესო ალბომად.
1980 : მუშაობა დაიწყო ტედ ტერნერის 24 საათიანმა საინფორმაციო ტელეარხმა CNN-მა
1990 : ჯორჯ ბუში და მიხეილ გორბაჩოვი ხელს აწერენ ხელშეკრულებას ქიმიური იარაღის წარმოების შეწყვეტაზე.
1990 : თბილისში, მთაწმინდის საბაგირო გზაზე ავარიამ 19 ადამიანის სიცოცხლე იმსხვერპლა.
2001 : თელ-ავივის დელფინარიუმთან განხორციელებულ ტერორისტულ აქტს 21 ადამიანი ემსხვერპლა. დაღუპულთა უმრავლესობას ყოფილი სსრკ-ს ქვეყნებიდან რეპატრირებული ახალგაზრდები შეადგენდნენ.
2003 : ბელგიაში დაშვებულ იქნა ჰომოსექსუალთა ქორწინება.
2005 : ნიდერლანდელებმა რეფერენდუმში უარყვეს ევროპის კონსტიტუცია.
2009 : რიო-დე-ჟანეიროდან პარიზში მიმავალი ეარ ფრანსის რეისი 447-ის თვითმფრინავი 228 მგზავრით ბორტზე, ატლანტის ოკეანეში ჩამოვარდა.
2009 : ჯენერალ მოტორსმა, სიდიდით მეორე მსოფლიო ავტომწარმოებელმა, გაკოტრების პროცედურა დაიწყო.
2018 : იტალიის 58-ე პრემიერ-მინისტრი ჯუზეპე კონტე გახდა.
2019 : საფეხბურთო კლუბმა ლივერპულმა უეფას ჩემპიონთა ლიგის ფინალში ტოტენჰემ ჰოტსპური დაამარცხა და ევროპის ყველაზე პრესტიჟულ ჯილდოს მეექვსედ დაეუფლა.
ამ დღეს დაბადებულნი
1771 : ფერდინანდო პაერი — იტალიელი კომპოზიტორი და პედაგოგი
1804 : მიხეილ გლინკა — რუსი კომპოზიტორი (გ.1857)
1906 : ანდრია ბალანჩივაძე — ქართველი კომპოზიტორი, პედაგოგი,საზოგადო მოღვაწე.
1926 : მერლინ მონრო — ამერიკელი მსახიობი (გ.1962)
1935 : ნორმან ფოსტერი — ბრიტანელი არქიტექტორი.
1974 : მორისეტი, ალანის — კანადელი მომღერალი.
ამ დღეს გარდაცვლილნი
1823 : ლუი ნიკოლა დავუ — საფრანგეთის მარშალი
1868 : ბიუკენენი, ჯეიმზ — აშშ-ს მე-15 პრეზიდენტი (დ.1791)
1916 : გივიშვილი, დავით — ძველი თბილისის ქალაქური პოეზიის წარმომადგენელი
1962 : აიხმანი, ადოლფ — გერმანელი სამხედრო მოღვაწე.
1968 : კელერი, ჰელენ — ამერიკელი ჰუმანისტი (დ.1880)
2019 : ხოსე ანტონიო რეიესი — ესპანელი ფეხბურთელი.
მსოფლიო მნიშვნელობის თარიღი
გაერო- ბავშვთა დაცვის საერთაშორისო დღე
გაერო - რძის საერთაშორისო დღე
მსოფლიოს ქვეყნების დღესასწაულები
ბაჰამის კუნძულები - შრომის დღე.
კამბოჯა - ხის დარგვის დღე.
კენია - მადარაკა, კენიისგან თავისუფლების დღე.
ჩინეთი - ბავშვის დღე.
მონღოლეთი - დედის და შვილის დღე.
პალაუ - პრეზიდენტის დღე.
რუსეთი - ჩრდილოეთ ფლოტის დღე.
სამოა - დამოუკიდებლობის დღე.
აშშ, ტენესი - სახელმწიფოებრიობის დღე.
ტუნისი - კონსტიტუციის დღე.
საეკლესიო დღესასწაულები
მართლმადიდებელი ეკლესია აღნიშნავს შემდეგი წმინდანების ხსენების დღეს:
წმინდა ნინო – ნინოობა
იოანე გუთელი
პატრიკ პრუსელი და მასთან სამი ხუცესი: აკაკი, მინანდრი და პოლიენი
კალუთა ეგვიპტელი
დიმიტრი დონელი
გლობალური ფინანსური ქსოვილი სხვადასხვა ტიპის კომპანიების ურთიერთქმედებაზე დგას. ფინანსურ ეკოსისტემაში ვხვდებით, როგორც ბანკებს, ასევე ნეობანკებს და ფინტექ-კომპანიებს, საპენსიო ფონდებს, საგადახდო სერვისების მიმწოდებელ ორგანიზაციებს, კერძო კაპიტალის მმართველებს, ჰეჯ-ფონდებსა და აქტივების მმართველ კომპანიებს. აი, სწორედ ამ ბოლო კატეგორიას განეკუთვნება ამერიკული BlackRock-ი, რომელიც სხვა ადამიანებისა და კომპანიების აქტივებს მართავს, ანუ მარტივად რომ ვთქვათ, ინვესტიციას მათ ნაცვლად დებს. გამართული ბიზნესმოდელის გარდა, ამერიკულ კორპორაციას მაღალი რეპუტაცია, ინვესტორებისთვის ფინანსური სარგებლის გენერირების დეკადების განმავლობაში დამტკიცებული შედეგები და პლანეტარული მასშტაბის კავშირები გამოარჩევს.
ამ ყველაფრის დამსახურებით, BlackRock-ი პლანეტის უდიდეს აქტივების მმართველ კომპანიად იქცა, რომლის პორტფელი, ბოლო შედეგებით, $10.5 ტრილიონად იყო შეფასებული. 2024 წლის პირველი კვარტალის ფინანსური ანგარიშის თანახმად, გასულ ერთ წელიწადში, ამერიკულმა კორპორაციამ აქტივების ზომა $1.4 ტრილიონით გაზარდა. ამ თანხის მასშტაბს რომ მიხვდეთ, გეტყვით, რომ მექსიკის მთლიანი შიდა პროდუქტი სწორედ $1.4 ტრილიონია, როცა ესპანეთის, ინდონეზიის და საუდის არაბეთის - ნაკლები. თუმცა BlackRock-ის ჯამური აქტივების ზომა უფრო შთამბეჭდავია, რადგან ამ მაჩვენებელს ქვეყნების მშპ-სთან თუ შევაფარდებთ, აღმოვაჩენთ, რომ მას მხოლოდ ამერიკის შეერთებული შტატები და ჩინეთი უსწრებს.
რა შემოსავალს და წმინდა მოგებას აგენერირებს BlackRock-ი $10.5 ტრილიონად შეფასებული აქტივების მართვით?
2024 წლის I კვარტალში, BlackRock-მა $4.7 მილიარდის შემოსავალი მიიღო, რაც 11%-ით მეტია, ვიდრე შარშან. შემოსავალთან ერთად, ბოლო პერიოდში მკვეთრად, კერძოდ 36%-ითაა გაზრდილი კომპანიის წმინდა მოგება, რომელმაც მიმდინარე წლის პირველ სამ თვეში $1.5 მილიარდი შეადგინა. აღნიშნულ მაჩვენებლებს, უმეტესწილად, ის ფინანსური ინსტრუმენტები აგენერირებენ, რომელთაც BlackRock-ის პორტფელში ვხვდებით - აქ იგულისხმება, როგორც კომპანიების კაპიტალი, ანუ აქციები, ასევე ფიზიკური აქტივები, მათ შორის უძრავი ქონება.
აქციების კუთხით, BlackRock-ის აქტივებს შორის ყველაზე დიდი წილი მსოფლიოს უდიდეს ტექნოლოგიურ, ფარმაკოლოგიურ და ფინანსურ კომპანიებზე მოდის. BlackRock-ის აქციების პორტფელის ათი უდიდესი პოზიცია კი, შემდეგნაირად გამოიყურება:
#1 - Microsoft - $229.7 მილიარდად შეფასებული 542.02 მილიონი აქცია (BlackRock-ის პორტფელის 5.37%)
#2 - Apple - $178.4 მილიარდად შეფასებული 1.04 მილიარდი აქცია (BlackRock-ის პორტფელის 4.17%)
#3 - NVIDIA - $164.66 მილიარდად შეფასებული 182.42 მილიონი აქცია (BlackRock-ის პორტფელის 3.85%)
#4- Amazon - $115.18 მილიარდად შეფასებული 638.54 მილიონი აქცია (BlackRock-ის პორტფელის 2.69%)
#5 - META - $77.18 მილიარდად შეფასებული 158.94 მილიონი აქცია (BlackRock-ის პორტფელის 1.8%)
#6 - Alphabet (Class A) - $62.77 მილიარდად შეფასებული 415.9 მილიონი აქცია (BlackRock-ის პორტფელის 1.47%)
#7 - Alphabet (Class C) - $54.11 მილიარდად შეფასებული 355.37 მილიონი აქცია (BlackRock-ის პორტფელის 1.27%)
#8 - Eli Lilly - $50.78 მილიარდად შეფასებული 65.27 მილიონი აქცია (BlackRock-ის პორტფელის 1.19%)
#9 - Broadcom - $46.27 მილიარდად შეფასებული 34.91 მილიონი აქცია (BlackRock-ის პორტფელის 1.08%)
#10 - Berkshire Hathaway (Class B) - $45.21 მილიარდად შეფასებული 107.51 მილიონი აქცია (BlackRock-ის პორტფელის 1.06%)
წყარო:https://bm.ge/
