,
დედაქალაქის მერის, კახა კალაძის ინფორმაციით, 1-ელი ოქტომბრიდან, თბილისში ზონალურ-საათობრივი პარკირება დამატებით კიდევ რამდენიმე ქუჩაზე ამოქმედდება. ამის შესახებ დედაქალაქის მერმა, კახა კალაძემ დედაქალაქის მთავრობის სხდომაზე განაცხადა.
„1-ელი ოქტომბრიდან, ზონალურ-საათობრივი პარკირება ამოქმედდება ჩუღურეთის რაიონში, კონკრეტულად ივანე ჯავახიშვილი ქუჩაზე, ზაარბრიუკენის მოედანზე, ნინოშვილისა და უზნაძის ქუჩასა და მიმდებარე ტერიტორიაზე. მთაწმინდის რაიონში ლაპიაშვილის ქუჩაზე, ჭოველიძის და ჯანაშიას ქუჩასა და მიმდებარე ტერიტორიებზე. ასევე ვაკის რაიონში კუს ტბის ასახვევის მიმდებარე ტერიტორიაზე. კიდევ ერთხელ მოვუწოდებ ჩამოთვლილი ქუჩების მაცხოვრებლებს, თუ ჯერ კიდევ არ გაუვლიათ რეგისტრაცია მისამართის მიხედვით, დარეგისტრირდნენ, რათა უფასო დააყენონ კუთვნილი ავტომანქანები საკუთარ საცხოვრებელ კორპუსებთან“, - აღნიშნა კალაძემ.
აშშ-ის პრეზიდენტმა, დონალდ ტრამპმა NBC News-ს განუცხადა, რომ ირანში ომი „დასასრულს უახლოვდება“.
აშშ-ის პრეზიდენტმა აღნიშნა, რომ ირანის სამხედრო ძალები „განადგურებულია“, ხოლო მისი ამჟამინდელი ხელმძღვანელობა „ბევრად უფრო გონიერია“ და ნაკლებად „რადიკალიზებული“, ვიდრე წინა ლიდერები, რომელთა უმეტესობაც ამერიკული და ისრაელის დარტყმების შედეგად დაიღუპა.
„ჩვენ შესანიშნავად მივიწევთ წინ“, - ამბობს ტრამპი. „და ეს ყველაფერი დასასრულს უახლოვდება“.
