USD 2.6797
EUR 2.8777
RUB 2.9252
Тбилиси
ყველაზე შემოსავლიანი ქართული უნივერსიტეტის შემოსავალი 165 მლნ-ს აჭარბებს - სასწავლებლების რეიტინგი
дата:  838

უმაღ­ლე­სი გა­ნათ­ლების სექ­ტო­რი საქართველოში შემოსავლების მიხედვით, ერთ-ერთი სწრაფად მზარდი სექტორია. თუკი მთლიანი სექტორის შემოსავლები 2009 წელს 250 მილიონ ლარამდე იყო, 2019 წელს იდენტური მაჩვენებელი 690 მილიონ ლარს შეადგენდა.

2021 წლის მდგომარეობით, საქართველოში 55 უნივერსიტეტია ავტორიზებული, მათ უმრავლესობას კერძო პირები ფლობენ, თუმცა სექტორის შემოსავლების უმეტესი ნაწილი სახელმწიფო უნივერსიტეტების შემოსავლებში ხვდება.

საგულისხმოა, რომ კერძო და სახელმწიფო უნივერსიტეტების სიებში ყველაზე მაღალშემოსავლიანი ორი უნივერსიტეტის მთავარი ფოკუსი მედიცინის მიმართულებაა.

GALT & TAGGART-ის პროგნოზით, კერძო სექტორის მიმართ მოლოდინი ოპტიმისტურია. შინამეურნეობების შემოსავლების, უცხოელი სტუდენტების რაოდენობისა და უფროსი ასაკობრივი ჯგუფების სასწავლო პროცესში ჩართულობის მაჩვენებლის ზრდის ფონზე, კერძო სექტორის შემოსავლების ზრდა მომდევნო წლებშიც მოსალოდნელია.

გარდა მაღალი და სტაბილური შემოსავლიანობისა, კერძო სექტორი მოგებიანობის თვალსაზრისითაც გამოირჩევა – მოგების მარჟა 2017-2018 წლებში 25%-ს გაუტოლდა. კერძო სექტორის წმინდა მოგება 2019 წლისთვის 42.8 მლნ ლარი იყო.

კერძო სექტორის შემოსავლებისა და მოგების ზრდის პარალელურად, იზრდება სახელმწიფო უნივერსიტეტების საბიუჯეტო შემოსავლები და უმაღლესი განათლების დაფინანსების სახელმწიფო დანახარჯებიც. მზარდია საქართველოს მოქალაქეების მიერ საზღვარგარეთ განათლებაზე დახარჯული თანხებიც – 2019 წელს აღნიშნული მაჩვენებელი 151 მლნ აშშ დოლარს გაუტოლდა.

ოპტიმისტური პროგნოზების ფონზე, Forbes Georgia წარმოგიდგენთ ყველაზე შემოსავლიანი კერძო და სახელმწიფო უმაღლესი სასწავლებლების რეიტინგს.

სახელმწიფო უნივერსიტეტების შემოსავლების რეიტინგი - 2020 წლის ნაერთი ბიუჯეტის მიხედვით:

1 თბილისის სახელმწიფო სამედიცინო უნივერსიტეტი - 165.7 მილიონი ლარი;
2 ივანე ჯავახიშვილის სახელობის თბილისის სახელმწიფო უნივერსიტეტი - 103.6 მილიონი ლარი;
3 ილიას სახელმწიფო უნივერსიტეტი - 79.2 მილიონი ლარი;
4 საქართველოს ტექნიკური უნივერსიტეტი - 51.1 მილიონი ლარი;
5 ბათუმის შოთა რუსთაველის სახელმწიფო უნივერსიტეტი - 22.3 მილიონი ლარი;
6 აკაკი წერეთლის სახელმწიფო უნივერსიტეტი - 20.9 მილიონი ლარი;
7 დავით აღმაშენებლის სახელობის საქართველოს ეროვნული თავდაცვის აკადემია - 16.3 მილიონი ლარი;
8 თბილისის აპოლონ ქუთათელაძის სახელობის სახელმწიფო სამხატვრო აკადემია - 6.3 მილიონი ლარი;
9 თბილისის ვანო სარაჯიშვილის სახელობის სახელმწიფო კონსერვატორია - 5.6 მილიონი ლარი;
10 იაკობ გოგებაშვილის სახელობის თელავის სახელმწიფო უნივერსიტეტი - 5.1 მილიონი ლარი;
11 სამცხე-ჯავახეთის სახელმწიფო უნივერსიტეტი - 5 მილიონი ლარი;
12 გორის სახელმწიფო სასწავლო უნივერსიტეტი - 4.8 მილიონი ლარი;
13 საქართველოს შოთა რუსთაველის თეატრისა და კინოს სახელმწიფო უნივერსიტეტი - 4.7 მილიონი ლარი;
14 შოთა მესხიას ზუგდიდის სახელმწიფო სასწავლო უნივერსიტეტი - 2.3 მილიონი ლარი;
15 სასწავლო უნივერსიტეტი ბათუმის სახელმწიფო საზღვაო აკადემია - 1.4 მილიონი ლარი.

კერძო უნივერსიტეტების შემოსავლების რეიტინგი - 2020 წლის ბიუჯეტის მიხედვით:

1 ნიუ-ვიჟენ უნივერსიტეტი - 42 მილიონი ლარი;
2 საქართველოს უნივერსიტეტი - 28.3 მილიონი ლარი;
3 საქართველოს ეროვნული უნივერსიტეტი სეუ - 18.2 მილიონი ლარი;
4 კავკასიის უნივერსიტეტი - 17.5 მილიონი ლარი;
5 თბილისის თავისუფალი უნივერსიტეტი - 16.5 მილიონი ლარი;
6 კავკასიის საერთაშორისო უნივერსიტეტი - 15.8 მილიონი ლარი;
7 ევროპის უნივერსიტეტი - 12.9 მილიონი ლარი;
8 დავით ტვილდიანის სამედიცინო უნივერსიტეტი - 11.5 მილიონი ლარი;
9 ჯიპა – საზოგადოებრივ საქმეთა ინსტიტუტი - 11. 3 მილიონი ლარი;
10 ქართულ-ამერიკული უნივერსიტეტი - 8.5 მილიონი ლარი;
11 პეტრე შოთაძის სახელობის თბილისის სამედიცინო აკადემია - 7.6 მილიონი ლარი;
12 გრიგოლ რობაქიძის სახელობის უნივერსიტეტი - 7.5 მილიონი ლარი;
13 სასწავლო უნივერსიტეტი „გეომედი“ - 6.5 მილიონი ლარი;
14 შავი ზღვის საერთაშორისო უნივერსიტეტი - 5.4 მილიონი ლარი;
15 ბიზნესისა და ტექნოლოგიების უნივერსიტეტი - 4.3 მილიონი ლარი.

სიაში წარმოდგენილია უმაღლესი სასწავლებლები, რომელთა ბიუჯეტის შესახებაც ინფორმაცია საჯაროდ არის ხელმისაწვდომი. 

სტატია სრულად იხილეთ Forbes Georgia-ს ვებგვერდზე.

 

спорт
2026 წელს ძიუდოში ევროპის ჩემპიონატი თბილისში გაიმართება
2026 წელს ძიუდოში ევროპის ჩემპიონატი თბილისში გაიმართება. ეს გადაწყვეტილება დღეს ზაგრებში იქნა მიღებული მას შემდეგ, რაც მოცემულ ინიციატივას საქართველოს პრემიერ-მინისტრმა ირაკლი კობახიძემ დაუჭირა მხარი.
ძიუდოში წლევანდელ ევროპის ჩემპიონატს კი ხორვატიის დედაქალაქმა უმასპინძლა. ძიუდოში საქართველოს ნაკრებმა კონტინენტის პირველობა რვა მედლით დაასრულა. ინდივიდუალურ ასპარეზობაში ქართველმა სპორტსმენებმა ორი ოქრო, ორი ვერცხლი და სამი ბრინჯაოს მედალი მიიღეს და გუნდურ ჩათვლაში პირველი ადგილი დაიკავეს. ხოლო ტურნირის დასკვნით დღეს გუნდურ ასპარეზობაში საქართველოს ქალთა და ვაჟთა შერეული ნაკრები ვიცე-ჩემპიონი გახდა.
ჩემპიონატზე ოქროს მედლები ვაჟა მარგველაშვილმა და ტატო გრიგალაშვილმა, ვერცხლი ილია სულამანიძემ და გურამ თუშიშვილმა, ბრინჯაო კი ეთერ ლიპარტელიანმა, ლაშა ბექაურმა და ლაშა შავდათუაშვილმა მოიპოვეს.
ევროპის ჩემპიონატს ზაგრებში საქართველოს კულტურისა და სპორტის მინისტრის პირველი მოადგილე იოსებ ბაღათურია, ხორვატიის რესპუბლიკაში საქართველოს საგანგებო და სრულუფლებიანი ელჩი ზაზა გოგსაძე და საქართველოს ძიუდოს ფედერაციის პრეზიდენტი გიორგი ათაბეგაშვილი ესწრებოდნენ. იოსებ ბაღათურიამ ტურნირის დასკვნით დღეს გუნდურ ასპარეზობაში გამარჯვებული ნაკრებების დაჯილდოების ცერემონიაშიც მიიღო მონაწილეობა.
ზაგრებში გამართულ კონტინენტის პირველობაზე ევროპის ჩემპიონატის საქართველოში ჩატარების შესახებ ხელშეკრულებას მოეწერა ხელი. საქართველოს პრემიერ-მინისტრის, ირაკლი კობახიძის, მხარდაჭერით საქართველომ ევროპის ძიუდოს კავშირის შეთავაზება მიიღო 2026 წლის აპრილში ძიუდოში ევროპის ჩემპიონატს უმასპინძლოს.
ზაგრებში ევროპის ძიუდოს კავშირმა 2023 წლის საუკეთესო მამაკაც ძიუდოისტად ტატო გრიგალაშვილი, წლის საუკეთესო ახალგაზრდა მამაკაც ძიუდოისტად შალვა გურეშიძე, წლის საუკეთესო გუნდად კი საქართველოს ქალთა და ვაჟთა შერეული ნაკრები დაასახელა.
более
голосование
ვინ გაიმარჯვებს რუსეთ - უკრაინის ომში?
голосование
Кстати