ისნის რაიონის გამგეობა, ვაზისუბანში, წულუკიძის მე-3 შესახვევი, კორპუსი N3,5 ის კორპუსის მიმდებარედ, ახალი სპორტული მოედნისა და სკვერის მოწყობის სამუშაოებს ახორციელებს.
პროექტის ფარგლებში, მოეწყობა საბავშვო ატრაქციონები, სპორტული მოედანი, დასასვენებელი სივრცე, ასევე, ჩატარდება გამწვანების სამუშაოები. ტერიტორია დეკორატიული ფილებით მოპირკეთდება, განთავსდება საბაღე სკამები და ურნები. პროექტის ღირებულება 315 000 ლარია. სამუშაოების დაწყებამდე ისნის რაიონის გამგებელი ნიკა ელისაშვილი, მაჟორიტარ დეპუტატ კახა ლაბუჩიძესთან ერთად მოსახლეობას შეხვდა და პროექტი გააცნო.
