,
“თეგეტა მოტორსის” ჯგუფმა 2021 წლის ფინანსური ანგარიში გამოაქვეყნა. დოკუმენტის თანახმად, გასულ წელს ქვეყნის #1-მა ავტოდილერმა 797 მილიონი ლარის შემოსავალი მიიღო, რაც წინა წელთან შედარებით 21%-ით მეტია.
გაზრდილია ჯგუფის წმინდა მოგეცაც, 2020 წელს მისი მოგება 31.7 მილიონს შეადგენდა, 2021-ში კი ის 45.3 მილიონ ლარამდე გაიზარდა.
“თეგეტა მოტორსის” ჯგუფი ქვეყანაში ავტომობილებისა და სპეცტექნიკის, ასევე მათი სათადარიგო ნაწილებისა და სერვისის წამყვანი მიმწოდებელია. ჯგუფი საქართველოში წარმოადგენს Toyota-ს, Porsche-ს, Mazda-ს, MAN-ის, Volvo-ს და სხვა ბრენდების ოფიციალურ დილერს.
ფინანსური ანგარიშის თანახმად, 2021 წელს ჯგუფის მიერ რეალიზებული საქონლის თვითღირებულება 626 მილიონი ლარი, ხოლო კომპანიის ადმინისტრაციული ხარჯები 71.7 მილიონი ლარი იყო. ამასთან, საქონლის რეალიზაციისა და დისტრიბუციის ხარჯები 18 მილიონ ლარს შეადგენდა.
ფინანსური ანგარიშის მიხედვით, 2021 წელს “თეგეტა მოტორსის” ჯგუფმა 30.5 მილიონი ლარის ფინანსური ხარჯები გასწია,
“თეგეტა მოტორსის” ჯგუფის 98.78%-ს ფლობს კომპანია “თი ჯი ემ ჯგუფი”, რომლის 92.1%-ს ბიზნესმენი, თემურ კოხოძე ფლობს.
“თეგეტა მოტორსის” ჯგუფის აქტივების მოცულობა 461.5 მილიონ ლარს შეადგენს, ხოლო ჯგუფის ვალდებულებები 360 მილიონი ლარია.
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
