,
საქართველოს მუნიციპალური განვითარების ფონდმა (MDF) გამოაცხადა ოთხი ელექტრონული ტენდერი ფონდის მიმდინარე პროექტების ზედამხედველობის თაობაზე, რომელთა ჯამური ღირებულება 56 მილიონი ლარია.
საუბარია სამშენებლო კონტრაქტების კერძო ზედამხედველობაზე, რამაც აღნიშნული პროექტების ჩაბარების ხარისხი უნდა უზრუნველყოს, რადგანაც სახელმწიფო საინჟინრო სამუშაოებს სწორედ კერძო ზედამხედველის დასკვნის საფუძველზე იბარებს. განცხადებების თანახმად, ტენდერები 1.4 მილიარდი ლარის სამშენებლო სამუშაოების ზედამხედველობას შეეხება.
| რეგიონი | ტენდერის სავარაუდო ღირებულება (GEL) | საზედამხედველო სამუშაოები შემდეგი ღირებულების პროექტებს შეეხება (GEL) |
| სამეგრელო-ზემო სვანეთი | 11,560,000 ლარი; | 289,000,000 ლარი; |
| მცხეთა-მთიანეთი, სამცხე-ჯავახეთი, შიდა ქართლი | 12,520,000 ლარი; | 313,000,000 ლარი; |
| თბილისი, კახეთი და ქვემო ქართლი | 13,663,811 ლარი; | 346,000,000 ლარი; |
| იმერეთი, რაჭა-ლეჩხუმი და ქვემო სვანეთი | 18,360,000 ლარი; | 459,000,000 ლარი; |
| ჯამი | 56,103,811 ლარი; | 1,407,000,000 ლარი; |
სატენდერო დოკუმენტაციის მიხედვით, პრეტენდენტ კომპანიებს მოეთხოვებათ, ჰქონდეთ ზედამხედველობის მომსახურების სფეროში არანაკლებ 4,000,000.00 GEL-ის ჯამური ღირებულების შესრულებული სამუშაოების მინიმალური გამოცდილება. მომსახურების ვადა გრძელდება ხელშეკრულების გაფორმებიდან 2029 წლის 31 იანვრის ჩათვლით.
