,
2025 წლის მესამე კვარტალში ადგილობრივი ტურისტების მიერ შიდა ვიზიტების დროს დანახარჯებმა ₾399.5 მილიონი შეადგინა, რაც 2.8%-ით ნაკლებია გასული წლის ანალოგიურ პერიოდთან შედარებით - ამის შესახებ საქსტატის ადგილობრივი ტურიზმის სტატისტიკის პუბლიკაციაში ვკითხულობთ.
15 წლის და უფროსი ასაკის საქართველოს რეზიდენტი ვიზიტორების მიერ საქართველოს ტერიტორიაზე განხორციელებული ვიზიტებისას, ყველაზე დიდი ხარჯი საყიდლების კატეგორიაზე მოდიოდა. ადგილობრივმა ტურისტებმა ამ კატეგორიაზე ₾128.8 მილიონი დახარჯეს. საყიდლების წილი მთლიან ხარჯებში 73.9% იყო.
მეორე მაღალხარჯიანი კატეგორია საკვები და სასმელი იყო, რომელზეც საქართველოს რეზიდენტებმა ₾111.6 მილიონი დახარჯეს, რაც მთლიანი ხარჯების 27.9%-ს შეადგენს.
საქართველოს ტერიტორიაზე განხორციელებული ვიზიტებისას ადგილობრივმა ტურისტებმა ტრანსპორტზე ₾63.4 მილიონი დახარჯეს. შესაბამისად, ამ კატეგორიაზე მთლიანი ხარჯების 15.9% მოდის.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
