,
.jpg)
საქართველოს პრემიერ-მინისტრის, ირაკლი ღარიბაშვილის განცხადებით, გრძელვადიანი განვადებით მშენებლობების დაწყების მიზნით, მთავრობამ მშენებელი კომპანიებისთვის წინადადების პაკეტი შეიმუშავა, რაც მათ ერთი კვირის განმავლობაში წარედგინებათ. ამის შესახებ ღარიბაშვილმა მთავრობის სხდომის დაწყებისას განაცხადა. როგორც პრემიერ-მინისტრმა აღნიშნა, ქვეყანაში ათასობით სამუშაო ადგილი შეიქმნება.
„ჩემი დავალების მიხედვით ეკონომიკურმა გუნდმა უკვე გაამზადა პაკეტი, რომელიც შეეთავაზება მშენებელ კომპანიებს უახლოესი ერთი კვირის განმავლობაში. საკითხი ეხება გრძელვადიანი განვადებებით მშენებლობების დაწყებას. ჩვენ გვინდა, რომ ეკონომიკური ზრდა კიდევ უფრო მაღალი იყოს ქვეყანაში, ამ კრიზისის და გამოწვევების ფონზე. ამას პირდაპირ უკავშირდება დასაქმების პროგრამა, რომელზეც აპრილიდან აქტიურად, ინტენსიურად დავიწყებთ მუშაობას და ათასობით სამუშაო ადგილს შევქმნით ქვეყანაში“, - განაცხადა ღარიბაშვილმა.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
