,
“ქვეყანაში არსებული ეკონომიური სიდუხჭირიდან გამომდინარე მომხმარებლების მხრიდან სამოსზე მოთხოვნა საკმაოდ შემცირებულია” - ასე პასუხობს “ჯითექსის” დირექტორი გიორგი ბასილაძე კითხვას, თუ რატომ იხურება სწრაფი ტემპით კომპანიის მაღაზიები.
ბასილაძე აღნიშნავს, რომ მსყიდველუნარიანობის შემცირებამ კომპანიის გაყიდვების მაჩვენებლებიც შეამცირა, რამაც კომპანიის ბაზარზე ოპერირება გაართულა.
“იძულებულები ვართ, რომ ობიექტები დავხუროთ, უკვე სამი ობიექტი დავხურეთ, როგორც თბილისში ასევე ბათუმში და მომდევნო თვენახევრის განმავლობაში კიდევ ორი დაიხურება" - განაცხადა “ჯითექსის” დირექტორმა.
“ჯითექსი” OVS–ს, Terranova-ს, კოლიზეონის და Penti ფრენჩაიზერია და ამჟამად 33 მაღაზიას აერთიანებს.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
