საბანკო სექტორში განთავსებული დეპოზიტების (ბანკთაშორისი დეპოზიტების გარდა) მოცულობამ 2026 წლის იანვრის ბოლოსათვის 66.83 მილიარდი ლარი შეადგინა, რაც 116.73 მილიონი ლარით, 0.17%-ით ნაკლებია წინა თვის ბოლოს არსებულ მაჩვენებელზე (გაცვლითი კურსის ეფექტის გარეშე 0.23%-ით ნაკლები).

საქართველოს ეროვნული ბანკის დეპოზიტების მიმდინარე ტენდენციების მიხედვით, დეპოზიტების წლიურმა ზრდამ, გაცვლითი კურსის ეფექტის გარეშე, 15.81% შეადგინა. იანვარში, წინა თვესთან შედარებით, ვადიანი დეპოზიტები 687.72 მილიონი ლარით გაიზარდა, ანუ 2.21%-ით (გაცვლითი კურსის ეფექტის გარეშე 2.20%-ით გაიზარდა), ხოლო მოთხოვნამდე დეპოზიტები 804.46 მილიონი ლარით, ანუ 2.24%-ით შემცირდა (გაცვლითი კურსის ეფექტის გარეშე შემცირდა 2.35%-ით).

დეპოზიტების ლარიზაციის კოეფიციენტმა 2026 წლის იანვრის ბოლოსათვის 52.62% შეადგინა. წინა თვის ბოლო მდგომარეობასთან შედარებით, დეპოზიტების ლარიზაცია 0.35 პროცენტული პუნქტით (გაცვლითი კურსის ეფექტის გამორიცხვით გაიზარდა 0.38 პროცენტული პუნქტით) გაიზარდა.

იანვარში ვადიან დეპოზიტებზე საშუალო წლიურმა შეწონილმა საბაზრო საპროცენტო განაკვეთმა 7.19% შეადგინა. მათ შორის ეროვნული ვალუტით განთავსებულ დეპოზიტებზე 9.07%, ხოლო უცხოური ვალუტით განთავსებულ დეპოზიტებზე 2.38%.

უცხოური ვალუტით განთავსებულ დეპოზიტებში აშშ დოლარის წილმა 78.04%, ხოლო ევროს წილმა 20.21% შეადგინა.

წყარო:https://bm.ge/