,
2025 წლის იანვარში საქართველოში იმპორტმა 1.6 მილიარდ დოლარს მიაღწია, რაც წინა წლის ანალოგიურ პერიოდთან შედარებით 45%-ით მეტია. იმპორტის ასეთი მატება განაპირობა საქართველოში ნახატებისა და ქანდაკებების იმპორტის რეკორდულმა მაჩვენებელმა, კერძოდ იანვარში ქვეყანაში შემოვიდა 481 მილიონი დოლარის ღირებულების ნახატები, რაც წლიურად 2 მილიონი პროცენტით არის გაზრდილი, ხოლო ქანდაკებების იმპორტის მოცულობამ 33 მილიონი დოლარი შეადგინა, რაც წლიურად 75 ათასი პროცენტით არის გაზრდილი. ჯამში ქანდაკებები და ნახატები 516 მილიონ დოლარს შეადგენდა 1.6 მილიარდიანი იმპორტიდან.
რაც შეეხება სხვა დანარჩენ საქონელს, ავტომობილების იმპორტი 151 მილიონი დოლარი იყო, რაც წლიურად 23%-ით არის შემცირებული. მესამე პოზიციაზეა ნავთობი და ნავთობპროდუქტები 107 მილიონით, რომელიც წლიურად 33%-ით არის გაზრდილი, ხოლო მეოთხე პოზიციას ბუნებრივი აირი იკავებს 74 მილიონი დოლარით.
| # | საქონელი | იმპორტის მოცულობა | ზრდა/კლება წინა წელთან |
| 1 | სურათები, ნახატები და პასტელები, ხელით შესრულებული | $481 მილიონი; | 2,004,058% |
| 2 | მსუბუქი ავტომობილები | $151 მილიონი; | -23% |
| 3 | ნავთობი და ნავთობპროდუქტები | $107 მილიონი; | 33% |
| 4 | ბუნებრივი აირი | $74 მილიონი; | 9% |
| 5 | მედიკამენტები დაფასოებული | $48 მილიონი; | -20% |
| 6 | ქანდაკებების და სტატუეტების დედნები ნებისმიერი მასალისაგან | $33 მილიონი; | 75,388% |
| 7 | მობილური ტელეფონები | $20 მილიონი; | -40% |
| 8 | სატვირთო ავტომობილები | $14 მილიონი; | -11% |
| 9 | არმატურა | $11 მილიონი; | -55% |
| 10 | ბულდოზერები, ავტოგრეიდერები, ექსკავატორები, სატკეპნი მანქანები და სხვა | $10 მილიონი; | 14% |
| 11 | დანარჩენი საქონელი – სულ | $655 მილიონი. | 7% |
წყარო:bm.ge
