,
AgriTouch საერთაშორისო აგროსასურსათო კომპანიასთან SanLucar პარტნიორობით, დასავლეთ საქართველოში 180 ჰა-ის მოცვის პლანტაციების გაშენებას გეგმავს. მასშტაბურ პროექტზე, რომელიც საქართველოში SEKOYA-ს პრემიუმ პლატფორმის ფარგლებში ხორციელდება, BM.GE-სთან AgriTouch Group-ის პროექტის ხელმძღვანელმა ეკატერინე ვეფხვაძემ ისაუბრა.
მისი ინფორმაციით, პირველ ეტაპზე, სამეგრელოში, ხობის მუნიციპალიტეტში 30-ჰექტარიან მოცვის ბაღი გაშენდება და პროექტის საწყისი ფაზა თითქმის დასრულებულია, ხოლო საბოლოოდ პლანტაციის ფართობი 100 ჰექტარამდე გაიზრდება. ამასთან, პროექტის ფარგლებში, მოცვის პლანტაციების დამატებით 80 ჰა-ზე გაშენება დასავლეთ საქართველოში სხვა ლოკაციაზეც იგეგმება, თუმცა სად ჯერჯერობით არ კონკრეტდება.
ეკატერინე ვეფხვაძე აღნიშნავს, რომ საქართველოში წარმოებული პრემიუმ ხარისხის ლურჯი მოცვი საერთაშორისო ბაზარზე SanLucar-ის ბრენდის ქვეშ გაიყიდება.
"პროექტი საწყის ეტაპზე 30 ჰა-ს მოიცავს, საიდანაც მინიმუმ 500 ტონა მოცვის მოსავალი უნდა მივიღოთ. ხოლო საბოლოოდ, რამდენიმე წელიწადში, პლანტაციის ფართობი 100 ჰა-მდე გაიზრდება. აქ მოყვანილი მოცვი კი ხილის სახით საერთაშორისო ბაზარზე გაიყიდება. სრულად ჩვენი ინვესტიციით ვახორციელებთ ამ პროექტს, რომელიც რამდენიმე მილიონ ლარს მოიცავს", - თქვა მან.
Sekoya Club დახურული B2B პლატფორმაა, რომელიც მსოფლიოს 12 წამყვან მწარმოებელსა და რიტეილ კომპანიას აერთიანებს და ახალი პრემიუმ ჯიშების გაშენებისა და რეალიზაციის უფლებას მხოლოდ წევრებს ანიჭებს.
"მხოლოდ ამ 12 წევრს შეუძლია ახალი ჯიშების კულტივაცია და რეალიზაცია. ამ წევრებიდან ერთ-ერთი არის "სანლუკარი", რომელსაც სათავო ოფისი ვალენსიაში აქვს. კომპანია ოპერირებს ევროპაში, ლათინურ ამერიკაში, აფრიკასა და ახლო აღმოსავლეთში და წარმოადგენს პრემიუმ სეგმენტის ერთ-ერთ ყველაზე ძლიერ მოთამაშეს გლობალურ ბაზარზე. ეს არის მსხვილი რიტეილ კომპანია, რომელიც საკუთარი ბრენდის ქვეშ ყიდის ხილსა და ბოსტნეულს“, - აცხადებს ვეფხვაძე.
რაც შეეხება თანამშრომლობის პირობებს, მისი თქმით, ხელშეკრულება 25+ წლიანია და ბაღის სიცოცხლისუნარიანობის პერიოდს მოიცავს.
ვეფხვაძის ინფორმაციით, პროდუქტი ბაზარზე ნედლი სახით გავა, ხოლო ფასი საერთაშორისო ბაზრის კონიუნქტურის მიხედვით განისაზღვრება. პროექტის ფარგლებში სეზონურად მინიმუმ 350-400 ადამიანი დასაქმდება, არასეზონურად კი დაახლოებით 50. აგრონომიულ მხარდაჭერას ესპანელი სპეციალისტები უზრუნველყოფენ.
წყარო:https://bm.ge/
რესპუბლიკელი კონგრესმენის ტიმ ბურჩეტის თქმით, ვაშინგტონის მიერ ოდესმე თუ გასაჯაროვდება უცხოპლანეტელების შესახებ არსებული ინფორმაცია, ბევრს ღამე არ დაეძინება. ამის შესახებ New York Post წერს.
„უბრალოდ ამას ვიტყვი - თუ ისინი გაასაჯაროებდნენ იმას, რაც მე ვნახე, თქვენ ღამე ვერ დაიძინებდით, ამაზე ფიქრში იქნებოდით“, - თქვა ბურჩეტმა Newsmax-ის წამყვანთან, რობ ფინერტთან საუბარში.
ბურჩეტმა, რომელიც წარმომადგენელთა პალატის საიდუმლო ფედერალური მასალების დეკლასიფიკაციის სამუშაო ჯგუფის წევრია - გაიხსენა, რომ ორი კვირის წინ მიიღო ინფორმაცია „ერთ საკითხზე“, რომელიც არამიწიერ სიცოცხლეს ეხებოდა და რომლის გასაჯაროებაც „დედამიწას თავდაყირა დააყენებდა“ და ქვეყანას „შოკში ჩააგდებდა“.
„ხალხი პასუხებს მოითხოვდა“, - განაცხადა ბურჩეტმა, თუმცა დეტალებზე არ ისაუბრა.
გადაცემაში წამყვანმა ყოფილი კონგრესმენის, მეტ გეცის ვიდეო აჩვენა, სადაც ის ამტკიცებდა, რომ იცოდა ადამიანი-უცხოპლანეტელების ჰიბრიდული პროგრამების შესახებ.
ბურჩეტმა ამ განცხადებაზე პირდაპირი კომენტარის გაკეთებისგან თავი შეიკავა.
„მე ისევ კონგრესის წევრი ვარ, ამიტომ ვერ შევძლებ მეტის თქმას იმაზე, რაც მეტმა თქვა“, - აღნიშნა ბურჩეტმა.
„მოიცა, მართლა?“ - ოდნავ დაეჭვებით უპასუხა ფინერტიმ.
„100%-ით სერიოზულად ვამბობ“, - უპასუხა ბურჩეტმა
კონგრესმენმა ტიმ ბურჩეტმა განაცხადა, რომ იგი მხარს უჭერს „ინფორმაციის სრულ გამჟღავნებას“ მიუხედავად იმისა, რა გავლენა შეიძლება ჰქონდეს სიმართლეს საზოგადოებაზე.
„ხალხს აქვს უფლება იცოდეს, ეს თქვენი გადახდილი გადასახადებია. მოდი, ყველაფერი გამოვიტანოთ სააშკარაოზე“, - თქვა მან.
ბურჩეტმა ასევე აღნიშნა, რომ ამ სენსიტიურ საკითხებზე პასუხისმგებელი ადამიანები თავად პრობლემის გულში არიან.
„როდესაც ვარ დახურულ შეხვედრაზე და ვსვამ კითხვას პრეზიდენტის პოზიციებზე ამ თემებთან დაკავშირებით და რომელიღაც ამპარტავანი მეუბნება, რომ პრეზიდენტიც კი მხოლოდ იმაზეა ინფორმირებული, რაც საჭიროა იცოდეს - ვფიქრობ, ეს ყველაფერი იმაზე მეტყველებს, რაც რეალურად ხდება“, - აღნიშნა ბურჩეტმა.
