USD 2.6978
EUR 2.9112
RUB 2.9177
Тбилиси
ფინეთი და შვედეთი 5 ივლისს, ნატო-ში გაწევრიანების ოქმს ოფიციალურად ხელს მოაწერენ
дата:  390

ნატო-ს გენერალური მდივნის, იენს სტოლტენბერგის განცხადებით, ფინეთი და შვედეთი 5 ივლისს, ნატო-ში გაწევრიანების ოქმს ოფიციალურად ხელს მოაწერენ. აღნიშნულის შესახებ გენერალურმა მდივანმა ნატო-ს მადრიდის სამიტის დასკვნით დღეს ჟურნალისტებს განუცხადა.

სტოლტენბერგმა ხაზი გაუსვა იმ ფაქტს, რომ გადაწყვეტილება, რომ ქვეყნები შეუერთდნენ სამხედრო ალიანსს, უკვე მიღებულია.

ამასთან, სტოლტენბერგმა აღნიშნა, რომ ალიანსში გაწევრიანების ოქმი 30 პარლამენტის მიერ უნდა იყოს რატიფიცირებული, რათა ქვეყნების ნატო-ში გაწევრიანება მოხდეს.

კითხვაზე, იბრძოლებს თუ არა ალიანსი იმისათვის, რომ შეინარჩუნოს ერთიანობა სხვადასხვა წევრთან ერთად, სტოლტენბერგმა განაცხადა: „თქვენ ყოველთვის იპოვით განსხვავებებს და ჩემთვის ეს არ არის სისუსტე... ჩვენ დემოკრატიული ერები ვართ“.

მისივე თქმით, მნიშვნელოვანია, რომ წევრები ძირითადი საკითხების გარშემო გაერთიანდნენ.

შეგახსენებთ, 29 ივნისს, ნატო-ს მადრიდის სამიტის მე-2 დღეს, ნატო-მ შვედეთი და ფინეთი ალიანსში გასაწევრიანებლად ოფიციალურად მიიწვია.

спорт
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

более
голосование
ვინ გაიმარჯვებს რუსეთ - უკრაინის ომში?
голосование
Кстати