,
მომავალ კვირას ინვესტორთა ყურადღების ცენტრში რუსეთი და უკრაინა იქნებიან, რადგან მხარეები მოლაპარაკების პროცესს იწყებენ, რომლის კონტურები, სავარაუდოდ, სწორედ მომდევნო დღეების განმავლობაში გამოიკვეთება. მართალია, სტამბოლში დაგეგმილი შეხვედრა ჩაიშალა, თუმცა მაინც არსებობს მოლოდინი, რომ მაღალი რანგის მოლაპარაკებები მალე დაიწყება, რადგან პრეზიდენტმა ტრამპმა ამისათვის შეიძლება მოიცალოს, მის გარეშე კი, ფაქტია, კონფლიქტი ვერ გვარდება.
მაკროეკონომიკური თვალსაზრისითაც, მომდევნო დღეების განმავლობაში ამერიკის დომინაციას ვიხილავთ, რადგან მან ვაჭრობასთან, ინფლაციასთან, უმუშევრობასთან და ეკონომიკურ ზრდასთან დაკავშირებით უახლესი მონაცემები უნდა წარმოადგინოს.
იაპონიასაც საინტერესო კვირა ელის, რადგან მან სავაჭრო ბალანსთან და ინფლაციასთან დაკავშირებით სტატისტიკა უნდა განაახლოს.
ამასთან, მომავალი კვირა განსაკუთრებით საინტერესო კორპორაციული სექტორისთვის იქნება, რადგან პლანეტის უმსხვილესმა კომპანიებმა თავიანთი ფინანსური შედეგები უნდა წარმოადგინონ, მათ შორის იქნებიან: Home Depot, Palo Alto, Baidu, Snowflake, Ryanair, Trip.com, Mitsubishi და Copart. დიდი ალბათობით, ამ კომპანიებს ფინანსურად კარგად ექნებათ საქმე, თუმცა არსებობს მოლოდინი იმასთან დაკავშირებით, რომ მათ სამომავლო პროგნოზების გადახედვა მოუწევთ, რადგან სავაჭრო ომის წამოწყებამ ყველაფერი არსებითად შეცვალა და მოლოდინები მსოფლიოს მასშტაბით გაუარესებულია.
რაც შეეხება საქართველოს, სტატისტიკის ეროვნული სამსახური შემდეგ მონაცემებს გაასაჯაროებს:
წყარო:https://bm.ge/
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
