,
.png)
ჩინურმა კომპანიებმა ათეულობით პორტზე კონტროლი მოიპოვეს და ანალიტიკოსები და ამერიკელი ოფიციალური პირები ეჭვობენ, რომ პეკინის ინტერესები არა მხოლოდ კომერციული, არამედ სამხედროა. ზოგიერთი ექსპერტი აღნიშნავს, რომ ჯერ მაინც, ჩინეთი შორს არის აშშ-ს სამხედრო ბაზების რაოდენობის შესატყვისისაგან.
თუმცა ჩინეთმა გააორმაგა პორტების რაოდენობა, 44-დან 105-მდე ბოლო ათი წლის განმავლობაში, 50-ზე მეტ ქვეყანაში ყველა კონტინენტზე და ოკეანეში, ბევრი მათგანი მსოფლიოს ყველაზე სტრატეგიული გადაზიდვის ხაზების გასწვრივ. ამის შესახებ Washington Post-ი წერს.
ინვესტიციების უმეტესი ნაწილი ჩინეთის მთავრობის მფლობელობაში მყოფ კომპანიებს ახორციელებს, რაც სახელმწიფოს უმსხვილეს ოპერატორად აქცევს.
განცხადებული მიზანი კომერციულია - მსოფლიო ბაზრებზე წვდომის გაფართოება და გამარტივება, მაგრამ გამოცემის მიერ გამოკითხული ანალიტიკოსები გააფრთხილეს ამგვარი გაფართოების სამხედრო მნიშვნელობის შესახებ. პორტები ჩინურ სამხედრო გემებს შესვლის საშუალებას აძლევს, მაგალიტად ჯიბუტის პორტთან არის სამხედრო ბაზა.
ჩინეთის საზღვაო ძალების გაძლიერებას ასევე აღნიშნავენ აშშ-ს ოფიციალური პირები. პორტების ქსელის გაფართოება "სცილდება წმინდა კომერციულ მოსაზრებებს", ამბობენ ისინი. ბევრი პორტი განლაგებულია სტრატეგიულ ადგილებში, როგორიცაა წითელი ზღვა და სპარსეთის ყურე. აშშ-ს დაზვერვის თანახმად, ჩინეთმა განაახლა სამხედრო ობიექტების მშენებლობა ემირატების პორტში, ხალიფაში, რომელიც 80 კმ-ის დაშორებით არის ამერიკული ძირითადი ბაზიდან.
ჩინეთი აკონტროლებს ან არის მთავარი ინვესტორი ევროპის 20-ზე მეტ პორტში, რომელთაგან ბევრი ნატოსა და აშშ-ს ფლოტისთვის სასიცოცხლო ლოგისტიკისა და გადაზიდვის პუნქტს ემსახურება, წერს გაზეთი. ”ეს არის სერიოზული ეროვნული და ეკონომიკური უსაფრთხოების საკითხი,” - თქვა მაიკლ ვესელმა, აშშ-ჩინეთის ეკონომიკური და უსაფრთხოების კომისიის წევრმა.
ექსპერტები აღნიშნავენ, რომ 20 წლის წინ ჩინური ხომალდები არ იმყოფებოდნენ ინდოეთის ოკეანეში, მაგრამ ახლა იქ მუდმივად 6-8 გემია განთავსებული. ჩინეთის სავაჭრო გზების 80% გადის ამ ოკეანეზე მოდის, მათ შორის თითქმის მთელი ნავთობის ვაჭრობა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
