,
„მის სამყარო 2022“ 28 წლის ამერიკელი მოდელი არ'ბონი გაბრიელი გახდა. ამის შესახებ CNN-ი იტყობინება.
ტელეარხის ცნობით, კონკურსში, რომელსაც ნიუ-ორლეანი მასპინძლობდა, 84 მოდელი მონაწილეობდა. მეორე ადგილზე ვენესუელის წარმომადგენელი ამანდა დუდამელი გავიდა, ანდრეინა მარინეზი დომინიკის რესპუბლიკიდან კი მესამე ადგილის მფლობელი გახდა. კონკურსი 71-ჯერ ჩატარდა.
ირანის სასამართლოს განცხადებით, ერფან სოლტანის სიკვდილით დასჯა არ აქვს მისჯილი, - ინფორმაციას The Guardian-ი ირანის სახელმწიფო მედიაზე დაყრდნობით ავრცელებს.
ირანის სასამართლოს ცნობით, 10 იანვარს საპროტესტო აქციებზე დაკავებული 26 წლის ერფან სოლტანი ქარაჯის ცენტრალურ სასჯელაღსრულების დაწესებულებაში იმყოფება.
სასამართლოს განცხადებით, სოლტანის ბრალი წაუყენეს „ქვეყნის შიდა უსაფრთხოების წინააღმდეგ შეთქმულებისა და რეჟიმის წინააღმდეგ პროპაგანდული საქმიანობისთვის“.
სასამართლოს განცხადებაში აღნიშნულია, რომ მსგავს ბრალდებებზე სიკვდილით დასჯა არ ვრცელდება.
მანამდე, სოლტანის ოჯახმა ინფორმაცია გაავრცელა, რომ ერფანის სიკვდილით დასჯა გადაიდო.
