ქართველი ძალოსანი ზურაბ მსხალაძე (89 კგ) მექსიკაში მიმდინარე მსოფლიოს ჩემპიონატის (U20) პრიზიორია.
ქართველმა ძალოსანმა ატაცში 150/155 კგ. დაძლია და მე-4 ადგილი ირგუნა. მსხალაძემ აკვრაში თავი 187/191 კილოგრამს გაართვა და კვლავ მე-4 ადგილი დაიკავა. ორჭიდში მოგროვილი 346 კილოგრამით კი ბრინჯაოს მედლის მფლობელი გახდა.
საქართველოს ძალოსანთა ახალგაზრდული ნაკრების მთავარი მწვრთნელია მალხაზ ლომთაძე, ილია თვალოძე - ახალგაზრდული ნაკრების მწვრთნელი, ნუგზარ ჯინჭარაძე - ზურაბ მსხალაძის პირადი მწვრთნელი, გიორგი ჭინჭარაული - ექიმ-რეაბილიტოლოგი.
ინფორმაციისთვის: ძალოსანთა მიმდინარე მსოფლიოს ჩემპიონატია საბა ასანიძემ (81 კგ) ატაცში 145/149 კგ. დაძლია და მე-4 ადგილზე გავიდა. ხოლო აკვრაში თავი 180/184 კილოგრამს გაართვა და ბრინჯაოს მედლის მფლობელი გახდა. ორჭიდში მოგროვილი 333 კილოგრამით კი, ასანიძემ კვლავ ბრინჯაოს მედალი მოიპოვა.
