USD 2.6978
EUR 2.9112
RUB 2.9177
თბილისი
ზურაბ მაღრაძე - საქართველოსკენ დიდი ქარავნები დაიძრება!
თარიღი:  1528

მოსკოვიას ძალიან ეშინია საქართველოსი. ბოლო 500 წელი ეს შიში მას დიდად არ ჰქონდა, ვიდრე დღეს. არ ეშინოდა მას შემდეგ, როცა ოსმალეთმა შავი ზღვა ჩაკეტა. ახლა ზღვა ღიაა. ეს თურქეთის პრეზიდენტმაც დაამტკიცა, როცა თქვა, რომ უკრაინის ომში როგორც მოიქცევა ნატო, ისე მოვიქცევით ჩვენცო. ნატო კი ძალიან მიუახლოვდა ფედერაციის საზღვრებს.

შვიდი წელია აზერბაჯანის პრეზიდენტი საქართველოში არ ყოფილა და მუხრანის შატოს მხოლოდ და მხოლოდ აბრეშუმის გზის ენაზე თამამ ფრაზებს ამაყი ჟესტებით ტოვებდა.

ცხრამეტი წელია ალიევი პრეზიდენტია. მაგრამ ახლა, ეს გააქტიურება მხოლოდ შესავალია. მისი ასეთი ტონალობაც და ჟესტებიც კიდევ უფრო გაიზრდება.

მას შემდეგ, რაც საქართველომ დამოუკიდებლობა მოიპოვა, მოსკოვს იმ დღიდან ეშინია. კავკასიაში პირველი გაზსადენის იდეა ჯოჰარ დუდაევს და ზვიად გამსახურდიას ეკუთვნოდათ. ეს შიშები პრეზიდენტების ლიკვიდაციით გააქრეს, თუმცა საქართველომ მაინც თავისი გზით იარა.

დემოკრატი პრეზიდენტი კლინტონი აშშ-ის ენერგეტიკის მინისტრის ბილ რიჩარდსონის თანდასწრებით პირველი ადგა თავს თურქეთის, საქართველოს, აზერბაიჯანის, ყაზახეთის და უზბეკეთის პრეზიდენტებს ანკარაში პირველი ნავთაბსადენის დეკლარაციის ხელმოწერის ღონისძიებაზე 1998 წლის ოქტომბერში. ძალიანაც კაკალს ამტვრევდნენ ერთი ადგილით მაშინ კრემლში, მაგრამ ვერას გააწყობდნენ. კლინტონს ვერ, მაგრამ საქართველოს პრეზიდენტს მანამდე ტერაქტი არ აცდა. მოსკოვის შიშები იზრდებოდა, საქართველო კი კვლავ თავის გზით მიდიოდა.

2007 წელს აზერბაიჯანის, საქართველოს და თურქეთის პრეზიდენტებმა ხელი მოაწერეს ბაქო-თბილისი-ყარსის რკინიგზის პროექტის ხელშეკრულებას. მაგისტრალის მთავარი სადგურის ადგილი სომხეთის საზღვართან ახლოს, ახალქალაქში გადაწყდა, რაც ცვლიდა მთელ რეგიონულ ეკონომიკას. რკინიგზის მშენებლობა 2008 წელს დაიწყო და მოსკოვმა იმ წელსვე დაგვარტყა. მაშინ თეთრ სახლში დემოკრატი პრეზიდენტი არ იჯდა, მაგრამ აღმოსავლეთი ევროპა ფეხზე დადგა. დღესაც აღმოსავლეთ ევროპა ფეხზე დგას უკრაინისთვის. შემდეგ მოვიდა თეთრ სახლში დემოკრატი ობამა და ბაქო-თბილისი-ყარსის რკინიგზა მსოფლიოს ას გლობალურ პროექტში შეიყვანა. საქართველო კიდევ ერთხელ გადარჩა და კვლავ გააგრძელა სვლა თავისი გზით.

მოსკოვი ახლა შეშინებული კი არა, სახტადაა დარჩენილი და დიდ გაუგებრობაშია. 500 წლიანი ომი მან საქართველოს ვერ მოუგო. ის ამ ომს აგებს… და აგებს იმასთან, ვისგანაც წარმოიშვნენ, კიევის რუსეთად. ხვდებიან კიდეც, რომ საიდანაც გამომძვრალან, იქ შეძვრებიან ისევ. საქართველომ კი აზრბაიჯანთან, უკრაინასთან და მოლდოვასთან ერთად თავისუფალი სავაჭრო ზონა ახლახან შექმნა. კვლავ თავისი გზით მიდის საქართველო.

აბრეშუმის გზის აღდგენა ნიშნავს ფედერაციის დაშლას. ყოველი ურდოელის განადგურება ზრდის კონტინენტის ახალი ენერგომატარებლების, ელექტროსადენების, ბოჭკოვანი სადენების, ავტოსტრადების, ახალი პორტების და აეროპორტების ისტორიულ და ბუნებრივ კალაპოტს, ფინეთის ყურედან სპარსეთის ყურემდე, ბალტიის ზღვიდან არაბეთის ზღვამდე, ეგეოსის ზღვიდან კასპიის ზღვამდე, კასპიის ზღვიდან ყვითელ ზღვამდე და ამ ზღვებსა და ქვეყნებს ერთმანეთს აკავაშირებდა ორ ზღვას შუა ძველისძველად მოქცეული საქართველო.

ამ ახალ პორტებს, ახალ ციფრულ სადენებს და ახალ ქარვასლებს ახალი ტექნოლოგიები ჭირდება. ომი დამთავრდება უკრაინის გამარჯვებით და ფედერაციის მსოფლიო ეკონომიკური რუკიდან გაქრობით და ამის შემდეგ საქართველოსკენ დიდძალი ქარავნები დაიძრება.

ევროპის 12 ქვეყნის პროექტი „სამი ზღვის ინიციატივა“ ცნობილი როგორც BABS-ინიციატივა (Baltic, Adriatic, Black Sea) დაკავშირდება კასპიის, შავი და ხმელთაშუა ზღვების დერეფანთან. ეს იქნება ყველაზე დიდი “3+3” ფორმატი, მათგან შავი ზღვა ორივე სამეულში მონაწილეობს. შავ ზღვაზე კი სრულდება რუსეთ-თურქეთის 500 წლიანი გეოპოლიტიკური გავლენა და იწყება აღმოსავლეთ ევროპის და კავკასიის კონტინენტური წესრიგი, როგორც კარგად დავიწყებული ძველი და ახალი აბრეშუმის გზა.

დიდძალი ქარავნები კი ემზადებიან.

სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.