,
ბიზნესის ადმინისტრირების დოქტორი, ზურაბ მაღრაძე თავის სოციალურ ქსელში, რუსეთის იმპერიის დაშლის პერსპექტივაზე წერს:
"ანდრეი პიონტკოვსკი ამბობს: რუსეთის იმპერია ქრება... ჩვენს თვალწინ, ახლა... უკრაინის ომის შედეგი იქნება პუტინის ხელისუფლების დაცემა, ახალი რუსული ბუნტი, სამოქალაქო ომი..."
ცნება რუსულმა ბაზარმა ამოწურა თავისი თავი, ერთი მარტივი მიზეზის გამო. მოსახლეობის საშუალო სიმჭიდროვე 1 კვ/კმ-ზე დღეს ასე გამოიყურება: ევროკავშირი - 106 კაცი, რუსეთის ფედერაცია - 8 კაცი.
წარმოიდგინეთ ინდო-ჩინეთში რა ხდება ამ კუთხით.
აქამდე მოსკოვი, პეტერბურგი და ერთი-ორი ქალაქი წარმოადგენდა რეალურ მსყიდველობითუნარიან მომხმარებელთა ბაზრებს. მსოფლიოში ტექნოლოგიები ვითარდება, იზრდება წარმოება, ვითარდება სატრანზიტო დერეფნები. დღეს გადამწყვეტი მომხმარებელი და ბაზრებია და არა წარმოება. თავისუფალი ბაშკირეთი, ყალმუხეთი ან თათრეთი, როგორც კი საკუთარ სამეურნეო წესრიგის ჩამოყალიბებაზე გადავა, რაშიც ტრანსნაციონალური კომპანიებიც ჩაერთობიან, მათი დამოუკიდებელი ეკონომიკები ზრდისკენ წავა. ნელა, მაგრამ ის მაინც ზრდისკენ იქნება მიმართული. ვინც რეფორმებს დააჩქარებს და საბაზრო ეკონომიკის სისტემას შექმნის, მისი განვითარება უფრო დაჩქარდება. გაიზრდება პირველ რიგში სოფლის მეურნეობა, გაიზრდება ინვესტიციები, გაიზრდება მოსახლეობის რაოდენობა ბუნებრივი კალაპოტით და გაიზრდება ბაზარი.
კიდევ არის ერთი ფაქტორი: საქმე ისაა, რომ ევროპა უცხოელი მიგრანტებისგან დაიღალა. მშვენიერი არჩევანი დადგება მიგრანტებისთვის ფედერაციის ტერიტორიაზე, 17 მილიონ კვ/კმ-ზე გადაჭიმულ ახალ სახელმწიფოებში თავისუფლად მიგრაციისთვის.
ეს ამბავი ძალიან კარგად იციან საერთაშორისო ინსტიტუტებმა და კომპანიებმა. ემზადებიან კიდეც ამისთვის. ამ ამბავს ურდოსტანშიც კარგად უწყიან, მაგრამ თურქული უნიტაზების მათხოვრები ვერაფერს უპირისპირებენ დასავლეთის ელექტრონულ სააქციო ბირჟებს.
ისე კი იცოდეთ, რომ ჩეჩნეთის საბადოდან დაიწყება ახალი გაზსადენის მშენებლობა. იჩქერიაშიც დიდი საინვესტიციო პროექტები დაიძრება და ასევე დაიძრება მსოფლიოში გაფანტული ნახევარი მილიონი ჩეჩენიც სამშობლოსკენ.
ამიტომ შეიცვლება დემოგრაფია, ამიტომ გაიზრდება ბაზრები და ამიტომ დაიშლება იმპერია.
ანდრეი პიონტკოვსკი 2011 წლის მარტში ამბობდა: ქართველებო, თუ ტერიტორიების დაბრუნება გსურთ, ცოტა ხნით დაივიწყეთ მათ შესახებ - ყველაფერი დაბრუნდება.
ჰოდა ახლა მე გეუბნებით, რომ ქართველებიც დაბრუნდებიან, როცა ქვეყანა დერეფნად კი არა, კარიბჭედ ჩამოყალიბდება.
ლიბერალური გლობალიზაცია წყვეტს ქვეყნის ბედ-იღბალს."
.jpg)
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
