,
რონდელის ფონდის მკვლევარი ზურაბ ბატიაშვილი თავის ფეისბუკის გვერდზე, აგრძელებს ინფორმაციების გავრცელებას სირიის პროვინცია იდლიბში თურქეთისა და რუსეთ-ასადის რეჟიმის დაპირისპირებაზე:
"თურქეთის ყველა მცდელობა, შეეჩერებინა რუსეთ-ასადის რეჟიმის შეტევა ჩრდილოეთ სირიაში, ამ დრომდე უშედეგო აღმოჩნდა.
უფრო მეტიც, ასადის რეჟიმმა შეძლო სტრატეგიული მნიშვნელობის M4-ის გზის დაკავება და 8 კმ-ზე მიუახლოვდა რეგიონის მთავარ ქალაქ იდლიბს.
პრეზიდენტ ერდოღანის განცხადებით, ამ მომენტისთვის თურქეთის მიმართულებით დაიძრა დამატებით დაახლოებით 1 მილიონი მშვიდობიანი მოქალაქე, რომლებიც ინტენსიური რუსული დაბომბვებისგან თავის გარიდებას და თურქეთში შესვლას ცდილობენ.
ამ შეტევის შესაჩერებლად ანკარას სჭირდება კონტრშეტევის ორგანიზება მინიმუმ 3 ბატალიონის მონაწილეობით (შესაბამისი მსხვერპლის რაოდენობის გათვალისწინებით).
ახლა მთავარი კითხვაა, რამდენადაა ანკარა მზად ამისთვის?"
წყარო: https://www.facebook.com/photo.php?fbid=10220930757634534&set=a.3405653895966&type=3&theater
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
