,
რონდელის ფონდის მკვლევარი ზურაბ ბატიაშვილი საკუთარ ფეისბუკის გვერდზე ეხმაურება უსაფრთხოების საბჭოს მდივნის პოსტზე ვახტანგ გომელაურის დანიშვნას და ამბობს:
"რამდენადაც არაერთი წელი ვიმუშავე უსაფრთხოების საბჭოს აპარატის სტრუქტურაში, აქაც დავწერ, რომ ძალიან დიდი შეცდომაა, როდესაც შს მინისტრს (რომელსაც, ბუნებრივია, პიროვნულად არაფერს ვერჩი) უსაფრთხოების საბჭოს მდივნის ფუნქციას აკისრებ და აი რატომ:
1. დასავლურ სამყაროში უსაფრთხოების საბჭოს ძირითადი ფუნქცია საგარეო საფრთხეებზე და მის პრევენციაზე მუშაობაა;
2. რაც არ უნდა ნიჭიერი ადამიანი იყოს, ერთ ადამიანს დეტალურად ვერ ეცოდინება შიდა და საგარეოს საფრთხეების დეტალები;
3. თუ შიდა და საგარეო საქმეები ერთ ადამიანს ეხება, მაშინ ის ყოფილა პრემიერ-მინისტრი;
4. შს მინისტრის ამ პოსტზე განწესება ნიშნავს, რომ ქვეყნის შიგნით მოელი პრობლემებს. ეს კი წინასაარჩევნოდ პრორუსულ-პროსაბჭოური აზროვნების წესია და არამგონია დასავლეთში ამას გაგებით მოეკიდონ;
5. შს მინისტრს ფიზიკურად არ ექნება იმის დრო, სრულყოფილად წარუძღვეს საბჭოს აპარატის მუშაობას. არადა, სწორედ ეს აპარატი ამზადებს საბჭოზე გასატან უსერიოზულეს საკითხებს, საფრთხეების შეფასების დოკუმენტს, სტრატეგიებს და ა.შ;
6. სუს-ს გაუჩნდება ბუნებრივი შეგრძნება, რომ შეიქმნა მისი ერთგვარი პარალელური სტრუქტურა და ყოველთვის ექნება ინფორმაციების "მოჟოშკვის" ცდუნება.
აღარაფერს ვამბობ იმაზე, რომ ძალზედ არასერიოზულია, როდესაც ბოლო 9 თვის განმავლობაში მესამედ ნიშნავ საბჭოს ახალ მდივანს."
წყარო:https://www.facebook.com/photo.php?fbid=10221083562174552&set=a.3405653895966&type=3&theater
ისნის რაიონში, ბერი გაბრიელ სალოსის ქუჩაზე საქველმოქმედო ფონდი "ქართუ" 16 შენობისგან შემდგარი უბნის მშენებლობას გეგმავს.
გარემოს რეგულირების გეგმა საკრებულოსთან უკვე შეთანხმებულია. გრგ-ში ბოლო ცვლილებები 2024 წლის 2 მაისს შევიდა. კორექტირებული დოკუმენტის მიხედვით, ტერიტორია მოიცავს გაბრიელ სალოსის გამზირს 116-დან 124 ნომრამდე. წარდგენილი განცხადების მიხედვით, ყველაზე დაბალი შენობა 10 -სართულიანი, ყველაზე მაღალი შენობა კი, 36-სართულიანი იქნება.
კომპლექსში ჯამში ნავარაუდევი ბინების რაოდენობა 2500 ერთეულია. მათი საცხოვრებელი ინტენსივობის კ-2 ფართობი დაახლოებით შეადგენს 202592 კვ.მ-ს.
ფეხსაცმელების ფაბრიკის ყოფილ ტერიტორიას, საჯარო რეესტრის ამონაწერის მიხედვით, სამი მფლობელი ჰყავს:
აქედან, შპს „ივერია 90“-ია შპს „ელიტა ბურჯის“ შვილობილი კომპანიაა, რომლის 100%-იან წილს თავის მხრივ ფონდი „ქართუ“ ფლობს. სააქციო საზოგადოება „ისანი-ქართუ“ (რომელიც ამავე მისამართზე ბერი გაბრიელ სალოსის გამზ. 116ა-შია რეგისტრირებული) კი „ქართუ ფონდის“ შვილობილი კომპანიაა, რომლის თავმჯდომარე ბესიკ დემეტრაშვილი, „ქართუ ბანკის“ სამეთვალყურეო საბჭოს წევრია.
რაც შეეხება თავად პროექტს, თბილისის საკრებულოში წარგენილი განმარტებითი ბარათის მიხედვით, მთლიან საპროექტო ტერიტორიაზე იგეგმება 16 კორპუსის მშენებლობა, რომელთა ძირითადი ნაწილი არის შერეული ფუნქციის. კერძოდ:
"ქართუს" მიერ წარდგენილი ბარათის მიხედვით, იქიდან გამომდინარე, რომ აღნიშნული პროექტი საკმაოდ მოცულობითია და საჭიროებს დეტალურ არქიტექტურულ დამუშავებას ინდივიდუალური ბლოკების მიხედვით შესაბამისად სექტრონ N-1;3;4;5 ში ფუნქციური შერევის პროცენტულობა ბლოკების მიხედვით დაზუსტდება არქიტექტურული პროექტის შეთანხმების ეტაპზე მაღალი კლასის საცხოვრებელი პირობების შექმნის მიზნით.
ასევე იგეგმება კომპლექსის მაცხოვრებლებისთვის საერთო სარგებლობის 4 სპორტული მოედნის მოწყობაც.
აუცილებელი მიწისქვეშა ავტოსადგომების რაოდენობა დაანგარიშდება კანონმდებლობის შესაბამისად, ხოლო დამატებით 140 ერთეული პარკინგი განთავსდება გარე ტერიტორიისთვის.
კომპანიის მიერ საკრებულოში წარდგენილი წერილით ირკვევა, ის, რომ "ქართუს" თვლის, რომ კომპლექსის მშენებლობას სუსტი მხარეები არ გააჩნია.
წყარო: https://bm.ge/
