USD 2.7084
EUR 2.9337
RUB 2.9233
Tbilisi
ზურაბ ბატიაშვილი - ჩვენთვის სტამბოლის არხს უსაფრთხოების განზომილებაც გააჩნია
Date:  821

სტამბოლის არხის მშენებლობის დაწყებასთან დაკავშირებით, რონდელის ფონდის მკვლევარი ზურაბ ბატიაშვილი სოციალურ ქსელში განცხადებას აქვეყნებს:

"დღეს თურქეთში, ოპოზიციისა და გარემოსდამცველთა პროტესტის მიუხედავად, ოფიციალურად დაიწყო 45 კმ-იანი სტამბოლის არხის მშენებლობა, რომელიც ერთმანეთს დააკავშირებს შავ და მარმარილოს (შესაბამისად, ხმელთაშუაზღვას) ზღვებს ერთმანეთთან.
მისი მშენებლობა 6 წელიწადში დასრულდება და ბოსფორის სრუტის ხელოვნური ალტერნატივა იქნება.
ჩვენთვის ეს არხი მნიშვნელოვანია გარესამყაროსთან დაკავშირებისა და სატრანზიტო პოტენციალის გაზრდის თვალსაზრისით - ბოლო წლებში შავ ზღვაში გემების გაზრდილი მოძრაობის გამო ბოსფორის სრუტეში ტრანზიტზე ხშირი იყო რიგები, რაც მნიშვნელოვნად აფერხებდა ტვირთების მოძრაობას.
ჩვენთვის სტამბოლის არხს უსაფრთხოების განზომილებაც გააჩნია.
თურქეთის ხელისუფლებამ არაერთხელ განაცხადა, რომ ახალ არხზე არ გავრცელდება მონტროს კონვენცია, რომელიც ზღუდავს არა შავი ზღვის ქვეყნების (მაგალითად, აშშ-სა და ბრიტანეთის) სამხედრო გემების რაოდენობას, ზომებს და ყოფნის ვადებს (21 დღე) შავ ზღვაში. ასეთი პირობები კი ცალსახად რუსეთის ინტერესებშია.
მაგრამ თურქეთს ამ საკითხში დასავლეთის დახმარების გარეშე გაუჭირდება რუსეთის ზეწოლის დაძლევა. ხოლო თურქეთ-დასავლეთის ურთიერთობები ამ ეტაპზე პრობლემებითაა სავსე.
საქართველოს ამ სიტუაციაში 3 რამის გაკეთება სჭირდება:
1. დააფიქსიროს საკუთარი პოზიცია, რომ მონტროს კონვენცია გადასახედია;
2. მონტროს კონვენციის შესაძლო გადახედვის საკითხზე საერთო პოზიციის შემუშავების მიზნით დაიწყოს კონსულტაციები დასავლეთთან და შავი ზღვის ქვეყნებთან (თურქეთი, უკრაინა, რუმინეთი და ბულგარეთი);
3. როგორც საზღვაო ქვეყანამ, მეტი ყურადღება დაუთმოს საერთაშორისო საზღვაო სამართლის სპეციალისტების მომზადებას.
 
sport
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

See all
Survey
ვინ გაიმარჯვებს რუსეთ - უკრაინის ომში?
Vote
By the way