რამდენიმე წუთის წინ კიდევ ერთმა მძევალმა დატოვა ბანკის შენობა. ის სამართალდამცავებმა უკვე გადაიყვანეს პოლიციის შენობაში, სადაც მას დაკითხავენ.

ადგილზე სპეცრაზმის ჯგუფები და სამართალდამცავები არიან მობილიზებული. უკვე რამდენიმე საათია მოლაპარაკება მიმდინარეობს თავდამსხმელთან.

ზუგდიდის ცენტრში, გამსახურდიას ქუჩაზე მდებარე „საქართველოს ბანკში“ შეიარაღებულმა პირმა მძევლები რამდენიმე საათის წინ აიყვანა. მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო.