,
ჟვანიას მოედნის რეკონსტრუქცია დასრულდა. განახლებული მოედანი დღეს დედაქალაქის მერმა, კახა კალაძემ დაათვალიერა.
„ჟვანიას მოედანზე სარეაბილიტაციო სამუშაოები დასრულებულია. იდენტიფიცირებული გვაქვს 12 კვანძი, რომელიც გადაადგილებისა და გამტარუნარიანობის თვალსაზრისით, ასევე, საზოგადოებრივი ტრანსპორტისთვის გარკვეულ პრობლემას წარმოადგენდა. დავიწყეთ არსებული კვანძების მოწესრიგება. ჟვანიას მოედანზე გაჩნდა საავტობუსო ზოლი იმისთვის, რომ საზოგადოებრივმა ტრანსპორტმა შეუფერხებლად შეძლოს გადაადგილება. აღნიშნულ ტერიტორიაზე საათში, დაახლოებით, ავტობუსების ჩათვლით, 1 400 ავტომობილი გადაადგილდებოდა. ეს რაოდენობა შენარჩუნებულია, უბრალოდ დამატებულია საავტობუსო ზოლი. დღეს გამტარუნარიანობა მეტია იმის გათვალისწინებით, რომ საავტობუსო ზოლი ცალკეა გამოყოფილი. გარდა ამისა, მოედანზე გამწვანდა თარგები, დამონტაჟდა განათების სისტემა, ელექტროგადამცემი ხაზები მიწის ქვეშ განთავსდა და საკმაოდ სასიამოვნო სივრცე გამოვიდა“, - განაცხადა კახა კალაძემ.
დედაქალაქის მერთან ერთად ადგილზე იმყოფებოდნენ მერის მოადგილე ირაკლი ბენდელიანი, თბილისის ტრანსპორტისა და ურბანული განვითარების სააგენტოს ხელმძღვანელი ვიქტორ წილოსანი და საბურთალოს რაიონის გამგებელი გაიოზ ვასაძე.
პროექტის ფარგლებში განახლდა მიწისქვეშა კომუნიკაციები, ხოლო მიწის ქვეშ ჩავიდა მიწისზედა კომუნიკაციები; მოეწყო წყალარინებისა და სანიაღვრე 30 ჭა; დაიგო 4700 კვ.მ ასფალტის საფარი; მოეწყო განცალკევებული საავტობუსო ზოლები; გაფართოვდა და კეთილმოეწყო გაჩერებები; დამონტაჟდა მოსაცდელები და საინფორმაციო ტაბლოები; განახლდა ტროტუარები; შეიცვალა შუქნიშნების სისტემა; დამონტაჟდა ჭკვიანი შუქნიშნები, რომელიც დაკავშირებულია 112-ის მართვის ცენტრთან; გაცალმხრივდა ისაკაძისა და ონიაშვილის ქუჩებზე მოძრაობა; მოეწყო ქვეითთა გადასასვლელი შარტავასა და კანდელაკის ქუჩების კვეთაზე; მოწესრიგდა საპარკინგე სივრცე; არსებულს დაემატა დისტრიბუციის და ტაქსის საპარკინგე ადგილები; განახლდა გარე განათების ქსელი. კერძოდ, დამონტაჟდა 15 LED განათების ბოძი, აქედან 2 ერთეული 12-მეტრიანი თანამედროვე სტილის, მრავალსანათიანი ბოძი; მოეწყო გზაგამყოფი კუნძულები სარწყავი სისტემით და შესაბამისი გამწვანებით. გამწვანების სამუშაოების ფარგლებში, ჯამში 100-მდე ძირი ნერგი დაირგო და ბალახი დაითესა.
მოედანზე ამჟამად გამავალი 11 სამარშრუტო ხაზი დღიურად 55 ათასზე მეტ მგზავრობას უზრუნველყოფს.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
