,
უკრაინის საგარეო საქმეთა მინისტრმა დმიტრი კულებამ და ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში ჟოზეფ ბორელმა სატელეფონო საუბრისას დონბასსა და ყირიმში რუსეთის დესტაბილიზაციის გამომწვევი ქმედებები განიხილეს, - ამის შესახებ ინფორმაციას უკრაინული მედია ქვეყნის საგარეო საქმეთა სამინისტროზე დაყრდნობით ავრცელებს.
მათი ინფორმაციით, სატელეფონო საუბრის დროს ჟოზეფ ბორელმა უკრაინის ტერიტორიული მთლიანობისა და სუვერენიტეტის მიმართ ურყევი მხარდაჭერა გამოხატა.
”ჟოზეფ ბორელმა დაარწმუნა დმიტრი კულება ევროკავშირის ურყევ მხარდაჭერაში უკრაინის სუვერენიტეტისა და ტერიტორიული მთლიანობის მიმართ. მან განაცხადა: ”ევროკავშირი თქვენთანაა”, - აღნიშნულია უკრაინის საგარეო უწყების ინფორმაციაში.
