უკრაინის პრეზიდენტი, ვოლოდიმირ ზელენსკი გაეროს გენერალურ ასამბლეაზე სიტყვით გამოვიდა და ხაზი გაუსვა, რომ იარაღი არის ის, რაც დღეს გადარჩენას განსაზღვრავს და არა საერთაშორისო სამართალი.

„ძვირფასო ლიდერებო, ძვირფასო მეგობრებო და ყველა, ვინც შეიძლება გახდეთ ჩვენი მეგობარი, რადგან თქვენც უსაფრთხოება და მშვიდობა ისევე გსურთ, როგორც ჩვენ დღეს. უსაფრთხოების გარანტირება არავის შეუძლია ჩვენ გარდა. მხოლოდ ძლიერ ალიანსებს, მხოლოდ ძლიერ პარტნიორებს და მხოლოდ ჩვენს საკუთარ იარაღს. 21-ე საუკუნე დიდად არ განსხვავდება წარსულისგან. თუ ერს მშვიდობა სურს, მას მაინც უწევს იარაღზე მუშაობა… არც საერთაშორისო სამართალი, არც თანამშრომლობა - არამედ იარაღი წყვეტს, ვინ გადარჩება“, - აღნიშნა უკრაინის პრეზიდენტმა.

თავის გამოსვლაში მან ხაზი გაუსვა იმ რეალობას, რომ საერთაშორისო კანონმდებლობა არ მუშაობს იარაღისა და ძლიერი მოკავშირეების გარეშე.

„თქვენ მშვენივრად იცით, რომ საერთაშორისო სამართალი სრულად არ მუშაობს, თუ არ გყავთ ძლიერი მეგობრები, რომლებიც მართლაც მზად არიან მის დასაცავად. და ესეც კი არ მუშაობს იარაღის გარეშე. საშინელებაა, მაგრამ ამის გარეშე, ყველაფერი კიდევ უფრო უარესი იქნება. მეგობრებისა და იარაღის გარდა, უსაფრთხოების სხვა გარანტიები არ არსებობს“, - დასძინა მან.