,
NBA-ს ყოფილი ქართველი ვარსკვლავი და ბიზნესმენი ზაზა ფაჩულია საქართველოში საკალათბურთო აკადემიის მეორე ფილიალის გახსნას თბილისის ქართულ-ამერიკულ სკოლასთან თანამშრომლობით აანონსებს. ამის შესახებ ინფორმაცია როგორც ბიზნესმენმა, ასევე ქართულ-ამერიკული სკოლის ადმინისტრაციამ Facebook-ზე გამოაქვეყნეს.
ზაზა ფაჩულიას გავრცელებულ ინფორმაციაში აღნიშნულია, რომ აკადემიის მეორე ფილიალი ოქტომბრიდან გაიხსნება და
„მას შემდეგ, რაც საკალათბურთო აკადემია გავხსენით, დავინახე, რომ ეს შეიძლება ერთ-ერთი ყველაზე მნიშვნელოვანი საქმე იყოს, რომელიც ჩემი სპორტული და არასპორტული კარიერის მანძილზე დავიწყე. არ მიფიქრია, რომ ასე მალე გადავდგამდით დიდ ნაბიჯებს და დღეს, ბედნიერი ვარ, რომ თბილისში უკვე აკადემიის მეორე ფილიალი იქნება ხელმისაწვდომი. თანამედროვე სტანდარტების შესაბამის დარბაზში 400-მდე მოზარდი ივარჯიშებს და საუკეთესო პირობებში მოემზადება.
თბილისის ქართულ-ამერიკულ სკოლასთან დაწყებული თანამშრომლობის ფარგლებში, ჩვენი აკადემიის მეორე ფილიალი აეროპორტის გზაზე, შუამთის ქუჩაზე, ოქტომბერში გაიხსნება. ეს გადაწყვეტილება ბევრი ფაქტორის გამო იყო მნიშვნელოვანი. აღნიშნულ დასახლებასა და მის მიმდებარე უბნებში სპორტზე და კალათბურთზე ხელმისაწვდომობა დაბალია და ვფიქრობ, ჩვენი ეს ნაბიჯი მიმდებარე უბნებსა და დასახლელებში სპორტის პოპულარიზაციას და ჯანსაღი ცხოვრების წესის დამკვიდრებას ხელს მნიშვნელოვნად შეუწყობს.
ჩემთვის ორმაგად ემოციურია ქართულ-ამერიკულ სკოლასთან თანამშრომლობა, რადგან მისი ხელმძღვანელი ჩემი დიდი ხნის მეგობარი და თანაკლასელი ლევან გოგიაა. დარწმუნებული ვარ, ჩვენი ერთობლივი გადაწყვეტილება საუკეთესო გამოცდილება იქნება ამ მხარეში მცხოვრები მოსახლეობისთვის და განსაკუთრებით მოზარდებისთვის.
მისამართი: აეროპორტის გზატკეცილი, შუამთის ქუჩა, N2“, - წერს ფაჩულია.
ამასთან, ზაზა ფაჩულიას კალათბურთის აკადემია განცხადებას ავრცელებს, სადაც ახალ ფილიალში 5-დან 14 წლამდე ბავშვების რეგისტრაციის შესახებ აცხადებს.
თბილისის ქართულ-ამერიკული სკოლის ადმინისტრაციის ინფორმაციით, სკოლა ახალი კამპუსის მშენებლობას აგვისტოში დაასრულებს და ბავშვებს სექტემბრიდან მიიღებს. მისი საინვესტიციო ღირებულება კი 13 მლნ ლარია.
ფინანსთა სამინისტროს შემოსავლების სამსახური საზოგადოებას შეახსენებს, რომ მიმდინარე წლის 1 ნოემბერს იწურება საქართველოს საგადასახადო კოდექსით განსაზღვრული, ფიზიკური პირის ქონების გადასახადის წლიური დეკლარაციის წარდგენის ვადა.
„ქონების გადასახადის (მათ შორის მიწის) გადამხდელი ფიზიკური პირები ვალდებული არიან, წარმოადგინონ ფიზიკური პირის ქონების გადასახადის 2025 წლის წლიური (2024 წელს მიღებული შემოსავლების მიხედვით) დეკლარაცია არა უგვიანეს, მიმდინარე წლის 1 ნოემბრისა და გადაიხადონ კუთვნილი გადასახადი არა უგვიანეს 15 ნოემბრისა.
დამატებითი ინფორმაციის მისაღებად გთხოვთ, იხილოთ ბმულები:
https://rs.ge/PersonsTaxFAQ?cat=5&tab=1
https://rs.ge/LawNewsArchive?newsId=1589
ვიდეო ინსტრუქცია:
https://www.youtube.com/watch?v=9iMXptuh5ro
სასურველი ინფორმაციის მისაღებად ასევე, შეგიძლიათ ისარგებლოთ შემოსავლების სამსახურის ციფრული სერვისებით - “RS ჩათი“ და “RS ბოტი“ ან დაუკავშირდეთ საკონსულტაციო სატელეფონო ცენტრს 2 299 299
საერთო ჯამში 250 ათასზე მეტ ფიზიკურ პირს, დეკლარაციის წარდგენის ვადის შესახებ, საინფორმაციო ხასიათის მოკლე ტექსტური შეტყობინება გაეგზავნება შემოსავლების სამსახურის ელექტრონულ სისტემაში რეგისტრირებულ მობილურ ნომრებზე", - ნათქვამია შემოსავლების სამსახურის მიერ გავრცელებულ ინფორმაციაში.
