,
რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ თავის Telegram-არხზე კომენტარი გააკეთა თეთრი სახლის განცხადებაზე, რომ „არანაირ ნიშანს არ ხედავს, რომ უკრაინა ან უკრაინელი მონაწილეობენ მოსკოვში მომხდარ ტერაქტში“.
„თუ შეერთებულ შტატებს აქვს ან ჰქონდა სანდო მონაცემები ამ საკითხთან დაკავშირებით, მაშინ ეს დაუყოვნებლივ უნდა გადაეცეს რუსულ მხარეს“, - ხაზგასმით აღნიშნა ზახაროვამ. მას აინტერესებდა, რის საფუძველზე აკეთებენ "ვაშინგტონის ოფიციალური პირები რაიმე დასკვნებს ვინმეს უდანაშაულობის შესახებ ტრაგედიის დროს?
საგარეო საქმეთა სამინისტროს ოფიციალურმა წარმომადგენელმა ასევე აღნიშნა, რომ თუ რეალურად ვაშინგტონს არ აქვს რაიმე მონაცემი ტერაქტთან დაკავშირებით, მაშინ მას „არ აქვს უფლება ვინმესთვის ინდულგენციიის გაცემის“.
მარია ზახაროვამ ასევე ხაზგასმით აღნიშნა, რომ დანაშაულში მონაწილე ყველა პირი გამოვლინდება რუსეთის კომპეტენტური ორგანოების მიერ.
